Ma Caddow baan Doorannaa mise Cadow
C/Waaxid C/hi Khaliif
Lonodn, UK
cabdulwaxid@hotmail.com
Ilaah baa mahad leh. Nabadgelyo iyo naxariis nabi Muxamed korkiisa
ha ahaato.
Nin baa mar sheegay inuu soo bandhigayo riwaayad loogu magac daray:
(waa i kan, haddana waa i kan). Markii dadkii ka soo buuxsameen
tiyaatarkii ayaa xiriiriyihii sheegay inay riwaayaddii bilaabatay
dabadeena inta ninkii soo galay buu yiri: waa i kan markaasaa dadkii
sacab iyo sawaxan ku dhufteen iyagoo leh caawa meesha riwaayad
cajaa’ib ah baa ka soo socota. Ninkii inta haddana daaha shishay ka
maray oo soo noqday buu yiri: haddana waa i kan oo iska baxay. Mar
labaad dadkii waxay isku dareen sacab iyo qaylo laakiin waxaa
sawaxankii ka jaray markii xiriiriyihii u sheegay inay riwaayaddii
dhamaatay!
Waxaa jiray nin ku jiray dadka uu la tashado boqor ka mid ahaa kuwii
Cabbaasiyiinta oo sidoo kalana wiil ninkaasu dhalay waali/naa’ib uga
ahaa boqorkaas gobol kale. Maalin ayaa boqorka war looga soo sheegay
wiilkaas oo uu u xanaaqay. Dabadeedna aabbihiis oo ku jiray
madaxya-weynta boqorka ayaa rabay inuu wiilkiisa u baaqo dabadeedna
inta warqad soo qaatay oo salaanta Islaamka ku salaamay buu ku qoray
“YAA MUUSAA” oo keliya dabadeedna u sii dhiibay askartii boqorka oo
u socota magaaladii ninkaas dhallinta yari xukumay. Waaligii markii
warqaddii loo geeyey oo salaanta ka dib ku qoran tahay “YAA MUUSAA”
wuu fahmi waayey; si kasta markuu isugu dayey oo uu ka quustay ayaa
isagoo la rafanaya waxaa ku baraarugay arrintii mid ka mid ahaa
shaqaalihiisii oo ku yiri wuxuu aabbahaa ka wadaa:
“YAA MUUSAA INNAL MALA’A YA’TAMIRUUNA BIKA LAYAQTULUUKA FAKHRUJ
INNII LAKA MINANNAASIXIIN.” Waa markii inta nabi Muuse (CS) ninka
dilo uu ninkii muslimka ahaa inta u yimaado oran jiray Nabi Muusoow
waxaa kuu tashanayey madaxyaweyntii Fircoon si ay kuu dilaan ee
meesha ka bax; anigu waxaan ahay nin kuu nasteexaynayee.
Shirka Kenya wuxuu biloowday reer Puntland iyo reer Muqdisho oo is
haysta haddana wuxuu dhammaanayaa isla sidii oo kale ilayn wataas
Moorgan iyo Barre- Hiiraale oo is-bahaysiyada kala metalayaa
isjafayaanne. Marka hadda waxaan leeyahay Soomaaliyeey “YAA MUUSAA”.
Waxaan maqaalka kusoo xirayaa ma Caddow baan doorannaa mise Cadow?
Qofkii maqaalku ku noqdo sidii macallinkii sayniska ee inta arday
weydiiyey: waa maxay walax uu ardaygii yiri: macallin walax maxay ka
walax tahay; ha isoo weydiiyo faahfaahin.
cabdulwaxid@hotmail.com
Afeef: Aragtida qoraalkan waxaa leh
qoraaga kusa xiixan
Jawaabteeyda ku jiheeysan axdka la
yiraahdo C/waxid
Faafin: SomaliTalk.com | Sept
21, 2004
Gudoomiyaha Baarlamanka oo ku baaqay
in la Joojiyo Dagaalada K/Soomaaliya
dhinacyada ku dagaalamaya dalka
gudahiisa waa in ay joojiyaan dagaalada ka socda kismaayo iyo...
Guji..