Mraxuum Ibraahim Cigaal | Mels Zenawi | Daahir Riyaale
|
Seddexdii Sannadood ee ugu
danbaysay laga soo bilaabo sannadkii 1999-kii, Waxaa Madaxweynahii
hore ee Somaliland Ilaahay ha u naxariiste Maxamed Ibraahim Cigaal
hayey xanuun aad u weyn, balse Madaxweynahu xanuunkaasi uma dhicin
ee wuxuu wattay hawl maalmeedkiisa Madaxweyne Nimo, balse Sannadkii
2000, mar uu Madaxweyne Cigaal Safar ku tegay magaalada Addis Ababa
ee xarunta Ethiopia ayuu go'aan ku gaadhay inuu xilka Madaxnimo
iskaga degayo isaga oo caafimaadkiisa awgeed aanay u samaxaynin
gudashada xilka hogaanka Somaliland, sida uu ku xaqiijiyey Wasiirka
hore ee arrimaha dibadda ee Somaliland Mudane Gees xasuus qorkiisa,
wuxuu Madaxweyne Cigaal Safar hawleed ugu baxay sannadkii 2000
xarunta waddanka Ethiopia ee addis Ababa isaga oo halkaasi kula
kulmay Ra'isal Wasaaraha Jamhuuriyadda Federaliga ah ee Ethiopia
wakhtigaas wuxuu Madaxweyne Cigaal ka codsaday Ra'isal Wasaaraha
dalka Ethiopia in ay si gooni ah isku arkaan, ka dib markii labada
Hogaan ay si fool ka fool ah oo ay ku keli yahiin ugu kulmeen
qasriga Madaxtooyada ee dalka Ethiopia ayaa uu Madaxweyne Cigaal
wuxuu Zanawi u cadeeyey in uu doonaayo inuu xilka ka dego, wuxuuna u
sheegay arrin sir ah oo labada hogaamiye uun ay ogaayeen, arrintaasi
oo ahayd cidda uu Madaxweynahu doonaayo inuu xilka u dhiibo?
Hadaba iyada oo hadda laga joogo
muddo laba sanadood iyo dheeraad ah geeridii Madaxweyne Cigaal ayaa
waxaa soo shaac-baxaya inuu Madaxweyne Cigaal doonaayey inuu xilka
kaga tago Mudane ka tirsan golaha Baarlamaanka Somaliland ahna
Gudoomiye xigeenka golaha Baarlamaanka Somaliland Mudane Cabdiqaadir
Xaaji Ismaciil Jirde xilka madaxtinimada Jamhuuriyadda Somaliland.
qoraal aan saxaafadda loo gudbin oo
ka soo baxay xarunta Ethiopia ee Addis Ababa oo loo soo gudbiyey
golaha wasaaradda Somaliland markii la maqlay geerida Madaxweynahii
hore Somaliland Maxamed Xaaji Ibraahim Cigaal ilaahay ha u
naxariiste Sannadkii 2002, ayaa sidaasi lagu cadeeyey, sidoo kale
dad ku dhawa wakhtigaasi Madaxweyne Cigaal ayaa cadeeyey inuu
Madaxweynahu damacsana sidaasi.
Cabdiqaadir Xaaji Ismaciil Jirde oo
wakhtigani ku sugan waddanka Ingiriiska ayaa wuxuu ka biyo diiday
sida Daahir Riyaale Kaahin Madaxweynaha Jamhuuriyadda Somaliland uu
hadda u maaraynaayo xukunka Somaliland, isaga oo sideedii bilood ee
ugu danbaysay Cabdiqaadir dibadda ka joogay fadhiyada golaha
baarlamaanka, Cabdiqaadir wuxuu hormood ka ahaa ashkhaastii u
ololaysay in xilka loo dhiibo Daahir Riyaale Kaahin wakhtigii la soo
sheegay geeridii Madaxweynahii hore Somaliland ilaahay ha u
naxariist Maxamed Xaaji Ibraahim Cigaal.
Xidhiidhka Ethiopia iyo Somaliland
oo aan maalmahani ugu danbaysay aan hagaagsanayn ayaa waxaa durtaba
soo baxaya ifafaalo ay dawladda Ethiopia kaga cagajiidayso
xidhiidhkii ay la lahayd Somaliland iyada oo u aanaynaysa in aanu
Madaxweyne Riyaale danaynaynin wada shaqaynta labada dhinac,
Todobaadkii hore ayuu Madaxweynahu xilka ka qaaday wakiilkii
Somaliland u fadhiyey xarunta waddanka Ethiopia Addis Ababa, waxaana
la sheegay inuu xilka kaga qaaday la tashi weyn oo uu la sameeyey
wasiirkiisa Maaliyadda Xuseen Cali Ducaale (Cawil).
Sidoo kale wararka hadda ka soo
baxaya xarunta jamhuuriyadda Somaliland ayaa xaqiijinaya in xubno
badan oo ku jira golaha wasaaradda Somaliland aanay maalmahani ugu
danbaysay ku niyad samayn wada shaqaynta Madaxweyne Riyaale, iyada
oo loo aanaynayo inuu Madaxweynahu yeeshay Ra'isal wasaare qarsoon
uu awoodiisa u maamula, iyada oo taasina loo macnayn karo xuseen
Cali Ducaale (cawil), oo Madaxweynaha dhegta ugu qabta "Belief me
aniga ku keenay meesha ee ninkaasi inalama shaqayn karo!!!!!"
Sidoo kale Baarlamaanka Somaliland
ayaa noqday qaar laf dhabarta lagala baxay oo marka uu xildhibaanku
doono in uu hawl u fuliyo Madaxweyne Riyaale iyo Ra'isal
wasaarahiisa qarsoon Cawil laga iibinayo laf dhabarta iyada oo uu
Cawil dhegta u saaro xildhibanada iyo golaha guurtida "Belief me
bustahaagu waa dibadda hadaanad ballanka noo oofin" si kasta ha
ahaate Shacabka Somaliland ayaa iyagu ah qaar isha uun ka daawanaya
riyaawadda lagu matalayo magaalada Hargeysa, hal sanno ka hor waxaa
loo sheegay shacabka in ciidamada Somaliland xuduudka beri soo
taaban doonan kana sifayn doonan argagixisada halkaasi joogta,
waxaasi waxay ku danbaysay in xuseen Cali Ducaale uu Madaxweynaha
dhegta u saaro "Belief me Reerkaygu UDUB waa ka yacayaan haddii aad
dagaal ku fuliso Sool iyo Sanaag beri"
aan ku soo gunaanado Belief me
shacabka somaliland ilaahay ayey leeyahiin, ilaahay ayeyna ka
sugayaan barwaaqo iyo xukuumad tan dhaanta.
MOHAMED ABDI HASSAN (DIRIDHABA)
Karachi, Pakistan.
FAALLADII MOHAMED ABDI HASSAN (DIRIDHABA)
Karachi, Pakistan.
diridhaba2001@hotmail.com
Afeef: Aragtida qoraalkan waxaa
leh qoraaga kusa xiixan