Qaabka ay u dhacday doorashadii afhayeenka barlamaanka ku meelgaarka ah (aragti)
W/Q:Mohamed Ali farah
m_alishiino@hotmail.com
Ilaah baa Mahad leh naxariis iyo nabad gelyo korkiisa ha ahaato suubane nebi maxamed (s.c.w)
Waxaa dadka soomaliyeed meel kasta oo ay joogaan ayaamahaan danbe hadal hayeen doorashada afhayeenka baarlamaanka Dolada kumeel gaarkaa ay soomaliya yeelan doonto ,
Si kastaba ha ahaatee waxaa jirey rag badan oo oo isu soo taagey jagada ra’isul barlamaanka dowlada kumeerka ah ay yeelandonto soomaaliya , sida
- Shariif Xasan sh.Aadan
- Sh.Aadan Madoobe
- Maxamed Cabdi Yuusuf
- Shariif-saalax Maxamed
- Xuseen Cismaan Xuseen
- Xirsi Aadan Rooble
- Zakariye Maxamuud Xaaj
- Cabdalla Deerow Isaaq
- Axmed Ibraahim Maxamed
- -Cabdi Cabdulle Siciid (jinni boqor)
- iyo -Hilowle Imaan Cumar
dad wayanaha ayaa in badan hadal hayay , ninka ku soo bixi doona jagad ra’asiul baarlamaanka soomaliya musharaxiintan kor ku xusan , si kastaba ha ahaatee waxaa hoolalka shirka soomalidu ka socdo ka bilaabmay doorashadii saacudu markii ay ahayd 6:30 fiidnimo taariikhdu markii ahayd 15/09/2004 doorashada ayaa waxaa goob joogayaal ka ahaa Wasiirada Arrimaha Dibada IGAD
Dawlada Ereteeriya uu ka fadhiyey Wasiir ku xigeenka arrimaha dibeda waxaa kale oo doorashada ka soo qaybgalay Goobjoogayaasha beesha caalamka ee shirka,dawladaha deeqda bixiya,Qaramada Midoobey,Ururka Midawga Afrika,Ururka Midawga Yurub iyo safiiro kale oo badan .
Si kasta ha ahaatee waxaa wareegii 1aad ku harey musharaxiinta badankood, dabadeed waxaa loo gudbay wareegii koowaad iyada oo musharaxiinta qaarkood sameeyeen tanaasul waxaa isugu soo horay labada nin oo kala ah Sheek Aadan madoobe iyo Shariif Xasan sh.Aadan halkaas oo ay kala heleen 161 oo uu ku geelaystey mudane Shariif Xasan sh.Aadan halka sheek Adan madoobe uu ka helay 105 cod , halkaas ayaa waxaa ku guulaystey Shariif Xasan sh.Aadan in uu noqdo hogaamiyaha baarlamaanka kumeel gaarka ah mudada 5 sano ee soo socota,
Shariif Xasan sh.Aadan ayaan ah nin aan isagu xaga siyaasada aqoon saas ah lahayn , taas oo laga yaabo in ay saamay ku yeelato hogaanka mustaqbalka baarlamaanka soomaaliya , waayo xilkaasu ma ahan xil yar waxaana qaban kara nin siyaasi ah aqoon wayna u leh Maamulka khibarada farabadan oo maamulna leh ,
Marka aad fiiriso raga badan oo isu soo taagey in ay mid noqdaan ra’isul baarlamaanka soomaliya waxaa aan shaqsiyan taageersanaa Cabdala Deerow isaaq, ninkaas oo ah runtii nin aqoon wayn u leh xaga maamulka , ahaana hogaamiyihii hore ee baarlaamankii doladii carte lagu soo dhisay , cabdala deerow isaaq ayaa ah isagu nin aad daacad u ah wadanina ah ,
Hadabe akhriste su’aashu waxa ay tahay doorashadu cadaalad ma u dhacday ?
Sida uu sheegay musharaxa jagada laga guulaystey sheek Adan madoobe waxaa uu sheegay in ay jirtay is dabamarin , taas oo uu ku eedayay mudane shariif in uu is ticmaalay lacag ,aad u farabadan , eedaynta Sheek Aadan madoobe ayaa lagu tilmaamay mid ay ka keentey caro , ma daama laga guulaystey .
Hasa ahaatee marka aad u fiirsato qaabka ay u dhacday doorashada ayaa iyadu ahayd mid cadaalad ah , tusaale ahaan marka aad fiiriso qaabka baarlamaanka codka u bixiyeen ayaa iyadu ahayd mid caadi ah oo ninkasta oo ka mid ah baarlamaanka markas u codeenayay si xor nimo ah , iyada oo markaas u codka ugu shubayay musharax markaas uu taageersan yahay ,
Marka aad fiiriso dareenka bulsha waynta soomaliya ee gudaha iyo dibada ayaa iyagu aad u soo dhowayay Hogaanka kumeel gaarka ah ee baarlamaanka soomaliya , dad waynaha soomaaliyeed ayaa aad ugu rajawayn dowlada in ay noqoto mid wax wayn ka bedeli doonta arimaha ka taagan wadanka , sidoo kale waxaa la is orankaraa taageerada aduunwaynaha ayaan iyaduna meesha ka maqnayn,
Waxa aynu eegnaaba waa madaxwaynihii Dowlada kumeelkaarka soomaaliya ay yeelandoonto, iyada oo aad loogu raja wayn yahay in isagana la doorto 10.Oc.2004
Ugu danbayn waxaan usoo jeedinayaa Gudoomiyaha baarlamaanka kumeel gaarka ah Mudane shariif in uu noqdo kii daacad ugu shaqeeya shacabka soomaliyeed ee uu xilka u hayo , ilaahayna waxaan uga rajaynaynayaa in uu u fudeeyo, dowlada cadaalad ahna ka soo baxdo shirka ,
WABILAAHI TOWFIIQ
W/Q:Mohamed Ali farah
m_alishiino@hotmail.com
