Xildhibaannadii
Soomaaliyeed oo Xil-kasnimo Muujiyey
C/Waaxid C/hi Khaliif
Lonodn, UK
cabdulwaxid@hotmail.com
Ilaah baa
mahadleh. Nabadgelyo iyo naxariis nabi Muxamed korkiisa ha ahaato.
Waxaan u
mahadcelinayaa dadkii xalay tirinayey codadka tartamayaasha jagadii
guddoomiyaha baarlamaanka, goob-joogayaashii iyo xildhibaannadii cododkooda
dhiibtayba. Maxaa ka wanaagsan in si cad lagu kala baxo iyadoon wax la is
dabo marin? Waxaa la yiraahdaa madal kasta maqaalkeed bay leedahay ama sida
Soomalidu u tiraahdo: raqba waa ku raggeed. Waxaan qofna shaki uga jirin
inta dagaal-ooge ee xildhibaanno noqday laakiin waa inaan waxaan ka badin
weyno yeelnaa. Wanaag iyo caddaalad lama gaarayo inta dariiqii Ilaah noo
jeexay aan raacayno. Haddaan shar-doon nahay waa inaan labo dhib kan yare
sii dhib yar dooranaa.
Warqad furan
oo ku socota gudoomiyaha baarlamaanka cusub ee Soomaalia (Guniin)
|
U hiili gabdha yar yar
ee Soomaalida (Foodlayda)
Gudoomiye Shariif Hassan Sheik Aden
Anigoo ku hadlaya gabdhaha yar yar ee Soomaaliyeed ee loo gaysto
dhibta aadka u badan waa gudniinka fircooniga ee qilaafsan diinta
islaamka waxaan kaa codsanayaa inaad baarlamaanka hordhigto in la
mamnuuco
gudniinka fircooniga.
Waa arrin waqti dheer laga seexday oo dawladihii hore ku fashilmeen
waxaan kaa codsanaynaa in uu noqdo waxqabadka koowaad ee
baarlamaanka aad adiga af hayeenka u tahay.
dadkii waa bislaadeen waala soo gaaray waqtigii la mamnuuci lahaa
waayo dadka badankood waa ogaadeen in aanay diinta shaqo ku lahayn.
Mahadsanid
Maxamed Korwaayeel
U doodaha foodlayda Soomaaliyeed.
korwaayeel@yahoo.com |
Horta
maalin kasta quus lama soo istaago; mar mar waa loo baahan yahay
samo-saadsiga. Sidaan la soconno waa tii mar mushrikiintii Quraysheed ay
Nabi Muxamad (SCW) iyo saxaabadiisii (RC) ka hor istaageen Cumradii ay
rabeen inay ku gutaan Xaramkii Ilaahay. Dhowr jeer oo Quraysh iyo
xulafadeedii ergo soo direen baan wax guul ah la gaarin ilaa markii dambe
Qurayshi soo dirtay Suhayl Binu Camri oo markaas gaal ahaa. Nabigu (SCW)
markuu arkay Suhayl ayuu yiri “sahulal amru” oo ah amarkii waa sahlanaaday.
Sidii Nabigu (SCW) sheegay bay noqotay oo waxaa la gaaray heshiiskii
Xudaybiya oo culumadu qaar dhahaan wuxuu ahaa guul biloowgeed. Hadda
walaalayaal miyesan noo ekeyn inaan niraahno “Xasunal amru*” oo ah arrinkii
waa wanaagsanaaday kaddib markii xalay guddoomiye baarlamaan loo doortay
Shariif Xasan Sheekh Axmed? Inkastoonan hayn taariikhda Shariifka haddana
waxaa lagu sheegay inuu yahay nin ganacsade ah oo aan dagaal-ooge ahayn.
Sidaan la soconno Sheekh Aadan oo ay ugu dambayntii isagu soo hareen
Shariifka wuxuu ka mid ahaa hogaamiyayaasha RRA oo weliba SRRC-da ay
Xabashida xulufada yihiin la sii jaal ah. Sheekh Aadan laftiisa waxaan uga
mahadcelinayaa sidii fiicnayd ee laga sheegay inuu u aqbalay natiijadii iyo
sidii wanaagsanayd ee uu u salaamay Shariifka isagoo uga hambalyeynaya
guushaas uu gaaray. Taloow tartamayaasha jagada madaxweynaha ma ku qanci
doonaan natiijada ka soo baxda baratanka?
Xildhibaannadu waxay xuleen ninkii ay shacabku niyadda ku hayeen marka
labada u dambaysaa isu soo harto. Waxaad mooddaa in hadda ka dib aysan
shacabku ku degdegi doonin xildhibaannada iyagoo xifaalaynaya. Waxaa laga
sheegaa gabyaagii Cali Cilmi Afyare Allaha u naxariistee mar uu ka hadlayey
dhismihii jidkii laamiga ahaa ee isku xirayey gobolada Dhexe iyo Waqooyiga
Soomaaliya oo Shiinuhu dhisayeen inuu gabay meeriskani ka mid ahaa ku
yiri:
-
Boosaaso gaarsiiya waa geli karaayaaye.
Laakiin
Maxamed Siyaad Allaha u naxariistee sanado dambe ayuu ka jawaabay codsigaas
Cali Cilmi isagoon Boosaaso laami keliya gelinne ugu daray deked. Marka
Xildhibaannada waxaan mar kale ka codsanaynaa inay tartamayaasha SRRC-da ee
madaxweyne isu rabana ay mariyaan waddadii Sheekhu maray.
* Xasuna:
kalmadaas aan kor ku qoray waa “awr-ku-kacsi” ee khasab ma ahan in
ficilkaasi haysto howraartiisii saxda ahayd. Badanaa ficilkaas waxaa la
raaciyaa waxyaalaha quruxda/wanaaga u saaxiibkaa ama qof ha ahaado ama shay
kalee laakiin markii xagga amuurta laga hadlayo Carabtu wey isticmaalaan
erayga sarfigiisa sida iyagoo leh “ amrun xaasinun” ama “wahuma xasanun”.
C/Waaxid C/hi Khaliif
Faafin:
SomaliTalk.com
|
Sept
18,
2004
Afeef:
Aragtida
qoraalkan
waxaa
leh
qoraaga
ku
saxiixan
WARAYSI::
C/LAHI AXMED CADDOW
"Looma baahna ciidamo shisheeye waayo dagaal waa
laga daalay" sidaas waxaa yiri Caddow oo...
Guji Sept 17
Kulaabo bogga www.SomaliTalk.com