Wararka Maanta:::
- Baarlamaanka kenya oo
munaasabad taageero iyo hambalayayn ah u sameeyay Gudoomiyaha
xildhibaanka iyo xildhibaanada.
- Hambalyo & Tacsi
![](sharif.jpg)
Shariff Hassan
Sheikh Adan, Beesha Digil-Mirifle | Ganacsade.
Sawirka: China News |
Baarlamaanka
kenya oo munaasabad taageero iyo hambalayayn ah u sameeyay Gudoomiyaha
xildhibaanka iyo xildhibaanada.
Baarlamaanka kenya ayaa maanta galinki
dambe u sameeyay gudoomiyaha baarlamaanka soomaaliyeed iyo
xildhibaanadaba munaasabad ku saabsan doorashada Afhayeenka baarlamaanka.
Munasabadan oo ay ka soo qayb galeen
Madaxweyne ku xigeenka Dowlada kenya, Afhayeenka baarlamaanka, wasiirada
wadamada safka hore ee IGAD iyo marti sharaf kale oo badan.
Afhayeenka baarlamaanka kenya oo
munasabadan ku tilmaamay in ay tahay Hambalayayn iyo taageero ay u
diryaan baarlamaanka soomaaliyed sida ay ugu guuleysteen in ay doortaan
afhayeenka baarlamaanka iyadoo u dhacday si nidaam ah,waxa kale oo uu
intaasi ku daray in baarlamaanka kenya uu taageersan yahay Gudoomiyaha
ay doorteen baarlamaanka soomaaliyeed una hambalyaynayaan gudoomiyaha
cusub ee nasiibka u helay xalay codadka ugu badan ee baarlamaanka.
Talaabadan doorashada ee baarlamaankana ku
tilmaamay in ay bilow u tahay dhamaystirka dowlad ka dhalata soomaaliya
oo shirkan ka hana qaada dowlalad ka dhalata soomaaliyana ay dhamaan
gobolka oo dhan waxtar u leedahay.waxa ayna u rajeeyeen baarlamaanka
soomaaliyeed in ay xilka ummadda ee loo dhiibay u gutaan sida ugu
cadaaladsan.
sidoo kale waxa hadlay gudoomiyaha
baarlamaanka Shariif xasan sh Aadan oo sheegay in ay u tahay farxad ay
ka soo qayb galaan munasabadan,hambalayada iyo taageeradana ay ka
aqbaleen,
Dhinaca kale waxaa dib loo dhigay
doorashadii ku xigeenada baarlamaanka oo maanta la filayay in ay dhacdo,
balse lagu wado in maalinta sabtida ah ay dhacdo. Baarlamaanka ayaa guda
galaya Howlaha horyaala ee ay ugu horeyso nidaaminta doorashada
madaxweynaha iyo nidaaminta howlaha baarlamaanka ka harsan.
Canab Abdule <canabmumtaz@yahoo.com>
Faafin:
SomaliTalk.com
|
Sept
16,
2004
Qaabkii
ay u Dhacday Doorashadii Guddoomiyaha Baarlamaanka
KMG
Warbixintii Axmed Muuse..
Guji...
Sept 16
Hambalyo & Tacsi
Mbagathi: Dr. Cabdi Maxamed Culusow (Black) Musharaxa Madaxweynaha
Soomaaliyeed, wuxuu maanta
tahniyad & bogaadin u diryaa Mudane Shariif Xasan Sh. Axmed, oo xilka
Gudoomiyahay Baarlamaanka
Cusub loogu doortay xalay, xarunta Shirka Dib U Heshiisiinta
Soomaaliyeed, shanta sanno ee soo
socota.
"Baarlamaanku waa xubintii sharci dejinta ee dalka uguna saraysay
sadaxda hay'adood ee awooda
dalka. Waa xubintii xiriirka caalamka, heshiisyada, qorshaha Qaranka ee
Dhaqaale, Siyaasadeed iyo
Bulsho ansaxineysay, marka waxaan rajaynaynaa in xilkaas culus ee laguu
doortay aad u gudan doonto
si ay ku jirto danta ummadda Soomaaliyeed iyo dalkaba", ayuu yiri Dr.
Culusow.
"Baarlamaanku wuxuu matala midnimada Ummadda Soomaaliyeed, sida Calanka
Qaranka iyo Madaxweynaha
Soomaaliyeed, waxaana rajaynayaa in aad muujiso hogaan wanaagsan ee isu
soo jeeda Ummadda
Soomaaliyeed soona celiya midnimadii iyo sharaftii Qarankii
Soomaaliyeed. Hadaba waxaan diyaar u
ahay in aan hiil iyo hooba idinla garab istaago adiga iyo xubnaha kale
ee Baarlamaanka
Soomaaliyeed haddii aan ku guleysto jagada Madaxweynimada Soomaaliya
waxaana balan qaadayaa in aan
ilaaliyo oo aana ku xad gudbin Axdiga Qaranka Soomaaliyeed ee KMG ah",
ayuu yiri Dr. Culusow.
"Waxaan si xushmad leh uga codsanayaa Baarlamaanka Soomaaliyeed in ay
codkooda i siiyaan, maxaa
yeelay, waxaan ahay aqoon yahan Soomaaliyeed oo aan wax eeda ah ka
gelin dadka iyo dalka, nadiif
ka ah dhamaan waxyaalihii ka dhacay Soomaaliya xilligii dagaaladii
sokeeye, 21kii sanno ee
xukunkii meleteriga iyo sagaalkii sanno ee maamulkii Musuq-maasuqa ee
Dowladihii rayadka. Hadaba
waxaan rajaynayaa in xubnaha cusub ee Baarlamaanka ay wax ku doortaan
Shaqsiyadda, aqoontiisa,
kartidiisa, nadiifnimadiisa Musharaxa ee aysan u xilan waxyar oo
Dhuunta la mariyo iyo Qabiil oo
ah waxa manta na dhigay meesha aan joogno", ayuu yiri Dr. Culusow.
"Ugu dambayntii, waxaan tacsi u dirayaa dhamaan qaraabadii iyo qoyskii
uu ka geeriyooday Allaha u
naxariistee Marxuum Dr. Faarax Xasan Maxamed (Faarax Sayid), Ilaahay
janadiisa Fardowso ha ka
waraabiyo, Eheladii, qoyskii, Asaxaabtii, Xubnaha Baarlmaanka iyo
dhamaan Ummadda Soomaaliyeedna
Samir iyo Iimaan Rabbi ha ka siiyo", ayuu yiri Dr. Culusow.
Laxiriir: "Dr. Abdi Ulusso" <drabdi2000@yahoo.com>
Faafin:
SomaliTalk.com
|
Sept
16,
2004
Shariif
Xasan Sheikh Aadan oo Noqday Gudoomiyaha
Baarlamaanka KMG
- Qaar kamid ah xildhibaanada oo doorashada ku
tilmaamay musuqmaasuq iyo dagaallo ka dhacay
Jubooyinka...
Guji...
Mudane Baarlamaanka
KMG ka mid ah oo ku Geeriyooday Nairobi
iyo
Gudoomiyahii baarlamaanka oo la doortay..
Guji sept 15
Kulaabo bogga www.SomaliTalk.com
|