Taariikh Nololeedkii Marxuum Afyare Garaad

1919- 2004

Maxamed Xuseen Guure oo loo yaqaano (Afyare Garaad Guure) waxa uu ku dhashay magaalo madaxda gobolka Hiiraan ee Baladweyne 1919 da'diisu waxay ahayd 85-jir, waxbarashadiisa wuxuu ka bilaabay magaalada Baladweyne, dugsiga hoose dhexe wuxuu ku dhamaystay isla magalaadaasi, shaqadii ugu horeysay waxa uu ka bilaabay ciidamadii Ingiriiska oo dhibowga uga soo baxay iimeey, asagoo yar ayuu shaqo u yimid magaalada Muqdisho kaddibna waxa uu galay dugsiga Xalane, kaddibna wuxuu halkaas ka qaatay shahaado.

1948-dii wuxuu ku biiray ciidamadii la oran jiray Ilaalada, wuxuuna halkaas ka noqday xisaabiye gaar ahaan gaalshirihii ku yiilay magaalada Baladweyne.

ALLAHA u naxariistee Afyare Garaad waxa uu koorso u galay xanaanada xoolaha 1957-dii ayuu soo dhamaystay waxbarashadaasi, waxaana laga dhigay maamulaha xanaanada xoolaha ee degmada Afgooye, 1960-kii waxaa loo badalay degmada Baardheere isagoo ku sugnaa ilaa iyo 1962-kii kaddibna waxaa loo soo badalay magaalada Baladweyhe oo uu ku sugnaa 65-67-dii, kaddibna waxaa marxuumka loo badalay degmada Jowhar.

kacaankii markuu dhashay ayaa dib loogu soo celiyay magaalada Baladweyne isagoo ku sugnaa 71-74-tii. kaddibna waxaa loo badalay magaalada Baydhabo.kaddibna waxa uu gaaray magaalada Dhuuso-Mareeb. isagoo halkaasi ku sugan ayaa waxa uu ku biiray golaha shacabka ee dowladii milatariga ahayd.

1978-dii ayaa waxaa laga dhigay gudoomiyihii gobolka Galgaduud isagoo ku sugnaa 78-80-kii, isagoo xildhibaan ah ayuu dib ugu soo laabtay magaalada Baladweyne isagoo looga dhigay wakiilka nabadgalyada ee golaha shacabka ee gobolka Hiiraan. dagaaladii sokeeye waxa uu ka mid ahaa dadkii gacanta ka geystay dib u heshiisiinta wuxuuna badbaadiyay dadweyne aad u fara badan, wuxuuna u kireeyay gawaari farabadan si ay u gaaraan dalka Itoobiya.

ALLAHA u naxariistee marxuum Afyare Garaad wuxu ifka kaga tagay dhowr qof oo isugu jira wuxuu dhalay iyo wixii ay sii dhaleen.

waxaana qoraalkaan diyaariyay Dr.Axmed Cusmaan Waasuge, waxaana halkaan marxuumka tacsi uga diraya:-

Saciid Khaliif Jimcaale, Cabdi Xaashi Maxamed, Axmed Cusmaan Waasuge, Nuur Dhaabi, Saaro Sandhool, Cilmi Xaashi, Jamiilo Maxamed Macalin, Bashiir Xuseen Dhoorre, Cilmi Takar Barre, C/llaahi Sabriye Xalane, Faarax Ducaale Absuge, waxayna si gaar ah ugu tacsiyeynayaan reerr Afyare Garaad iyo walaalahood Ceebla Jimcaale Cali, Hidaayo Jimcaale Cali iyo Hidaaya Jimcaale Cali, wuxuuna marxuumku geeriyooday 24-10-2004

amiinkhasaaro yuusuf
amiinkhasaaro@hotmail.com