CADOW
SIDIISII ARMUU YIRAAHDAA WAA LA IGA
EEXDAY!
A.Dirir |
burashadley@hotmail.com
Shirkii Carte ayaa waxaa yaab
noqotay in tartankii madaxweynaha uu ka
dhaxeeyey wasiiradii Siyaad ee dalka
dhacay oo waliba isku reer wada ahaa
sida Somaaliya ay tahay Lubnaan oo
dastuurkeedu dhigayo in mar walba
madaxwenaha uu noqdo Masiixi marooni
ah.shirkaasna , aakhirkii waxaa lagu
magacaabay C/qasim oo ay Jabuti
wadatay inkastoo Jabuutina ay sheegi
doonto in xulistoodii ay ku
khaldaneyd.Markaasna , waxaa dhacday
in Gen. Cadow uu shaaciyey in cod
aan looga adkaanine calaf loo
adeegsaday.
Calaacalkaasna , waxaan ku soo
xasuustay arrin kale oo dhacday
inteeyan sarkaalnimada iyo
darajaduba qiimo dhicin Siyaadna
dalka qabsan, arrintaasna waxay ku
saabsan tahay baratan u dhaxeeysay
labo korneel oo isku jiil iyo isku
magacba wada ahaa oo ka tirsanaana
ciidamada Booliska . Korneeladaas
midka ku horeeyey darajada ayaa
wuxuu ahaa Kor. Abdullahi Faarax
Hoolif, kan kale wuxuu ahaa
Kor.Abdullahi Nuur Cadow. Waxaana
dhacday in taliyaha qaybta ilaalinta
canshuuraha loo magacaabo Hoolif,
Cadowna ku-xigeenkisa laga dhigo
inkastoo magcaabistaas uu hadal ka
keenay.
Ka
dibna , markuu suuqa ka maqlay
hadaladii Cadoow, ayaa wuxuu
goostay Hoolif in aanu xilkaas
qabanin ilaa ay isaga & Cadow ay
imtixaan ku kala baxayaan.
Xiisadaasna waxay ku dhamaatay
imtixaan oo ay qaadeen khubaro
ajaanib ah , guushana waxay raacday
Hoolif. Intii ka dambeeyseyna Cadow
iyo Hoolif waxay noqdeen asxaab isku
kalsoon oo gacal ah inkastoo midna
kacaan ahaa, kan kale maxbuus iyo
kacaan diid ahaaba.
Maantana , waxaad moodaa in Cadow uu mar
kale imtixaan ay iskaga hor imaan
doonaan nin ay ehel yihiin Hoolif
labadoodana magacwadaag la ah oo la
yiraahdo Abdullahi Yusuf, jawiguna
wuxuu u eg yahay kii hore marka aad
fiiriso xaaladda ku wareegan Cadow
iyo khibradyaridiisa ku saabsan arrimaha
khasan ee dalka oo runtiina u
baahan qof bir lab ah oo ka bixi
kara.
Haddaba , waxaa la hadal hayaa in
Abdullahi Yusuf uu ku soo bixi doono
madaxweyninimada Somaaliya sababo
fara badan awgeed kana mid tahay in
fursaddii ay reerka Cadow lahaayeen
uu dhumiyey C/qasimka wax walba
cunay ee markaanna Cadow
arboowayaaloow ma wuxuu oran doonaa
sidiisi waa la iga eexday mise sidii
Hoolif ayuu Yeey xabiib ula noqon
doonaa....