RA'ISAL WASAARE INGIRIISKA TONY BLAIR OO SOCDAAL KU JOOGA AFRIKA

ADDIS ABABA ETHIOPIA: Ra'isal Wasaaraha Great Britain Tony Blair ayaa socdaal wuxuu ku jooga wadamo afrika ah, wuxuu ugu horayntii booqasho ku tegay Jamhuuriyadda Federaliga ah ee Ethiopia, wuxuuna kulan halkaasi kula soo yeeshay Madax ka tirsan ururka Midnimada Afrika (OA), Tony Blair waxaa kale oo uu kulan la yeeshay   Ra'isal Wasaaraha Ethiopia Melezanawi, arrimaha ugu muhiimsan ee uu Blair xoogga saari doono intuu ku jiro Socdaalkiisani Afrika waxaa ka mid ah sidii uu xogogaal ugu noqon lahaa dhibaatooyinka Darfur, colaadaha ragaaday ee ka jira Afrika sida wadamada Brundi, Sriliyoon, Somalia, iyo gaajada iyo macaluusha haysata malayiin afrikaan ah oo ku dhaqan Qaaradda.

Blair oo qudbad ka jeediyey hoolka taariikhda ee ururka Midnimada Afrika wuxuu u sheegay masuuliyiintii ka soo qayb gashay dhegaysigii qudbadiisa in la gaadhay wakhtigii ay beesha caalamku gacan ka gaysan lahayd waddamada afrika, wuxuu yidhi blair "afrikay waxaa idin ag yaalla  illo kasta oo dabiici ah ee waxaa loo baahanyahay in loo hello muskhkiladaha iyo dhibaatooyinka xal waara" waxaa kale oo uu Blair u sheegay Masuuliyintaasi in uu beesha

caalamka cadaadis ku saaray in si dhakhso ah ay jeebka ururka midnimada afrika ugu soo dhacdo lacag gaadhaysa $$150 Milyan oo dollar oo badankeed wax lagaga qabto qaxoontiga Darfur, Blair wuxuu u sheegay Prime Minister Zanawi inuu dalkiisu gacan weyn ka gaysan doono horumarinta waddanka Ethiopia.