| w w w . S o m a l i T a l k . c o m |
|
|
DANJIRAHA JARMALKA EE KENYA OO SHEEGAY IN DOWLADDIISU TAAGEERSAN TAHAY DADAALKA LOOGU JIRO NABADDA SOOMAALIYA Danjiraha xukuumadda Jarmalka u fadhiya dalka Kenya Mudane Bernd Braun ayaa sheegay in dowladdiisu ay taageersan tahay dadaalka loogu jiro nabad ka aslaaxda dalka Soomaaliya, wuxuuna dowladda Kenya ku ammaanay kaalinta ay ka ciyaareyso taabba gelinta xasillooni ka dhalata dalalka Soomaaliya iyo Suudaan, kuwaas oo uu sheegay in dib u soo kabashada dhaqaalahooda uu ku xiran yahay nabadgelyadooda. Danjiraha wuxuu warkaan oo qoraal ah ku soo beegay xuska dabbaaldegga 14 guuradii ka soo wareegtay markii ay midoobeen labadii Jarmal ee la kala oran jirey Jamhuuriyadda Federaalka ee Jarmalka iyo Jamhuuriyadda Dimoqraadiga Jarmalka. “Waa maalin weyn oo xusuus badan, qaddarinteedana kuma koobna oo keliya Jarmalka, balse waxaa la wadaaga dalal kale sida kenya oo rafiiq nala ah, xiriirka aan la leenahayna uu sii socon doono ilaa saaxiibtinimo hoose, Jarmalkuna wuxuu qaaday tillaabooyin siyaasadeed, dhaqaale, bulsho iyo dhaqan oo lagu horumarinayo dalka Kenya” ayuu yiri danjiraha oo intaas raaciyey in booqashadii uu Chancellor-ka Jarmalka Gerhard Schroder ku tagay Kenya bishii Jannaayo ee sanadkaan ay ahayd mid sii iftiimisay xiriirka labada dal, waxayna kordhisay danaha Jarmalka uu ka leeyahay kenya. “Jarmalka iyo Kenya waxay wadaagaan qiimeynta nabadda, degganaanta dimoqraadiyadda Caalamka, Sharciga, Qiimeynta Xuquuqda Aadamiga, aqoonsiga mabaadii’da sharciyada Qaramada Midoobay iyo ciribtirka fakhriga” ayuu yiri danjiraha. Xaflad lagu maamuusayey munaasibaddaas ayaa dorraat lagu qabtay safaaradda Jarmalku ku leeyahay Magaalada Nayroobi ee dalka Kenya, waxaana ka soo qeyb galay Madaxweynaha dalka Kenya Mudane Mwai Kibaki, Wasiirka arrimaha dibadda, wasiirro iyo xildhibaanno ka tirsan xukuumadda Kenya, Guddoomiyaha Baarlamaanka Soomaaliya Mudane Shariif Xasan Sheekh Aadan, Guddoomiyaha Ururka Saaxiibtinimada Jarmalka iyo Soomaaliya isla markaana safaaradda Jarmalka ee Nayroobi wakiilka uga ah shirka dibuheshiisiinta Soomaaliyeed ee Mbagathi Mudane Ibraahim Cali Xasan iyo danjirayaasha dalalka dibadda u joga Nayroobi MUSHARAXIINTA AAD LOOGA YAQAAN SOOMAALIYA OO MAANTA KA HADLAY BARNAAMIJKOODA SIYAASADEED
axmeddheere65@hotmail.com
Maanta waxa ay aheed maalinkii sadaxaad oo ay hadlayeen musharaxiinta soomaaliyeed ee u taagan xilka madaxwaynaha soomaaliya. Waxaa sida caadiga ah shirka baarlamaanka soomaaliyeed Shir gudoomiya Gudoomiyaha Barlamaanka Soomaaliya Shariif Xasan Sh. Adan, Hadaba waxaa halkaasi ka hadlay Hogaamiyaasha ama Musharaxiinta kala ah:
Dhamaan mas'u liyiintan waxa ay soo ban dhigeen ajandahooda siyaasadeed ee ku aadan sidii ay u maarayn lahaayeen ama u maamuli lahaayeen hadaa shacabka Soomaaliyeed ku aamino xilka madaxwayne nimada Soomaaliya. Ragani waxa ay dhamaantood sheegeen in ay wax ka qaban doonaan Arimaha Amaanka Dhaqaaloaha Caafimaadka Wax barashada iyo Wax ka qabashada arimaha Hooyada iyo Dhalaanka. Baarlamaanka Soomaaliya ayaa dib u balamay in ay isku soo laabtaan Maalinka Sabtida Fooda Nagu Soo Haysa. Xilibaano badan waxa ay is waydiinayaan hadii lagu guulaysto in Raga manta hadlay ay ka dhabeeyaan amuurta ay sheegeen oo ah in hadii la doorto ay ku dadaali doonaan midnimada umada soomaaliyed iyo horumarkeeda hadii aan la doorana ay la shaqayn doonaan cidii la doorto. Hadaba balan qaadkaa oo ay ka sheegeen goob fagaara ah ayaa ah mid taariikhda galaya waxaadna moodaa in hada xaalada Soomaalidu ka soo rayneeyso.
axmeddheere65@hotmail.com
Faafin: SomaliTalk.com | Oct 7, 2004
Al-Xaaji Yalaxow oo Casho
Sharaf u Sameeyey 500 Qof oo ay Ka Mid Yihiin
Xildhibaano
Maxkamad caddeysay siduu u
dhintay nin Soomaali ah oo lagu dilay Belgium
»BBC:
LAMA RAACIN
RAADKII
RAAGE IYO
MAXAMED C/LAHI
[Sahal]
Culimada Boosaaso oo Lagu Been
Abuurtay Kulaabo bogga www.SomaliTalk.com |
| © www.SomaliTalk.com |
| Allah Is Great | ||||
|
Silsiladda Taariikhda Islaamka
Hordhac | 1aad | 2aad Qore:Shiikh C/risaaq Macalim |
||||
|
