::: Somalitalk.com Online Community :::::

Musharaxiinta qaarkood oo maanta ka hor jeediyay baarlamaanka Qudboyinkooda tartanka madaxweyne kadib markii ay buuxiyeen shuruudihii looga baahnaa

Musharaxiinta soo buuxiyay shuruudihii laga rabay oo gaarayay 28 musharax ayaa maanta qaar ka mid ah baarlamaanka ka soo hor jeediyay qudbooyinkooda la xiriira barnaamijyadooda musharnimo, magacyada musharaxiinta soo gudbisay shuruudihii ayaa kala ahaa.

1) Axmed Cabdi Xaashi (Xasharo)
2) Asha Axmed Cabdalla.
3) Cabdi Cusmaan (Kabareeto)
4) Cabdi Guuleed Max’ed.
5) C/qaasim Salaad Xasan.
6) Cabdiraxmaan Cabdi waare.
7) C/raxmaan Jaamac Barre.
8) C/llaahi Axmed Caddow.
9) C/llaahi Yuusuf Axmed.
10)C/qaadir Suufi (Muriidi Golf).
11)Cali C/llaahi Max’ed.
12)Cali Cumar Xasan Guuleed.
13)Cusmaan Jaamac Cali (Kalluun).
14)Cusmaan Max’ed Faarax
15)Faarax Weheliye Caddow (Sendiko)
16)Jaamac Cali Jaamac
17)Jaamac Xassan Khaliif
18)Jeylaani Cali Kediye
19)Mahdi Abuukar Max’uud
20)Max’ed Cumar Xabeeb (M/dheere)
21)Max’ed Qanyare Afrax
22)Max’ed Xuseen Caddow
23)Max’ed Yaasiin Ismaaciil
24)Muumin Ibraahim Isaaq
25)Muuse Suudi Yalaxow
26)Sheekh Cumar Cabdiqaasim
27)Xasan Max’ed Nuur Shaatiguduud
28)Xuseen Max’ed Ceydiid

Gudoomiyaha baarlamaanka oo furay furay kulankii maanta ayaa sheegay in tiradan ay tahay inta soo buuxisay shuruudihii musharax walba laga rabay waxii kale ee soo gudbiyana ay ka qaban doonaan sidaasn ay uga mid noqdeen musharaxiinta rasmiga ah ee ka qaybgalaya tartanka madaxweyne maalinta axadda ah lagu wado in ay dhacdo.

BOOSAASO

Weriye cawaale jaamac salaad oo sheegay in lagu been abuurtay, warka la sheegay in laga soo xigtayna uu yahay mid aan waxba ka jirin,.. GUJI

waxaa kale oo uu gudoomiyaha ka codsaday baarlamaanka in ay si dagan u dhagaystaan musharaxiinta soo gudbinaya barnaamijyadooda wax qabad ee ay uga qaybgalayaan tartanka madaxweyne.

Ugu horeyn waxaa baarlamaanka u gudbiyay taariiqdiisa oo kooban waxyaabihii uu soo qabtay iyo waliba waxa uu u tala jiro ee barnaamijkiisa musharaxnimo u ah furaha ka soo jeediyay Axmad Abdi Xaashi Xashara.oo sheegay in uu wax badan ka qaban Nabadda iyo dib u dhiska dalka,waxaana uu sheegay in soo qabtay howlo badan oo samafal ah dibada iyo dalka gudahiisaba, xilka hadii loo doortana uu wax badan qaban doono kana codsaday baarlamaanka in ay siiyaan codkooda.

Musharaxii ku xigay oo ahaa dhalinyaro xigeen ka yimid qurbaha oo lagu magacaabo Abdi Guuled Maxamad ayaa ugu dambayn sheegay in soomaliya ay ku dhiban tahay dalka dibada isagoo ku gaabsaday in uusan dhahaynin i doorta ee uu ka doonayo baarlamaanka in ay doortaan qofka leh aqoon kana badbaadin karra ummadda dhibka ay ku jiraan.

Musharaxa C/raxnmaan Jamac barre waxa uu yiir"Afar iyo toban sano somaliya waxay ku jirtay dagaal ahli ah oo keenay aamin darro qoto dheer iyo is nacayb dhex galay qayb kasta iyo gobol kasta oo soomaaliyeed,saas awgeed khilaafku waa mid qoto dheer oo balaaran si marka loo sameyo soomaaliya oo caafimaad qabta loo helo aa in laga biskood iyadoo la marayo jidka dib u heshiinta lana dhiso dib u hesiisiin heer ka qoys ilaa qabaa'ilka qaybihiisa kala duwan iyo magaalo min tuulo"

Musharaxa C/llaahi Axmad Caaddow oo sacab lagu soo dhaweeyay soona bandhigayay barnaamijkiisa musharaxnimo ayaa ugu horeyn u mahad celiyay guddiga baarlamaanka sida ay howsha u wadaan iyo dul qaadka ay muujiyeenba.

Intaas ka dib waxa uu soo bandhigay waxqabadkiisa iyo sida loogu baahan yahay in la helo dowlada soomaaliyeed oo soo celisa amaankii kala dambayntii,caddow waxa uu intaasi ku daray in waxqabadkisa ugu horeeya uu ka dhigayo Nabad ku soo dabaalida dalka iyo hubka dhigista oo xudun u ah jiritaanka dolwalad ka dhalata dalka soomaaliyeed,waxa uuna xusay in maamulka somaliland ay diideen in ay yimadaan shirka,balse hadii la doorto ay dowaladiisu wada xaajood la gali doonto xildhibaanda matala waqooyi galbeed ee soomaaliya.waxa uun sheegay in uu wada xaajood wanaagsan la gali doono caalamka si ay soomaaliya u hesho dib u dhis.

Waxaa ka maqnaa musharaxiinta shuruudaha soo buuxiyay Dr.C/qaasim Salaad Xasan iyo Maxamad Dheere.mar aan la xiriiray xogahaynta C/qaasim ayay ii sheegeen in uu ka hadli dooni barnaamijkiisa musharaxnimo maalinta khamiista ah.

Dhinaca kale musharaxa Col.Cabdullaahi Yuusuf Axmad oo ka mid ahaa musharaxiinti goob jooga ahaa ayaa ka cudurdaartay baarlamaanka in uusan maata ka hadli karin balse dib loogu dhigay waxaana la filyaa in barri uu Musharax C/llahi yuusuf ka hadli doono waxqabadkiisa iyo barnaamijka uu damacsan yahay in uu ku maamulo dowladiisa hadii la doorto.

Ugu dambayn waxaa dib loogu balamay in la isku soo laabto maalinta barri ah si ay halkaas uga socoto barnaamijda ay wadaan musharaxiinta oo barlaamanka u bandhigayaan.

Baarlamaanka ayaa ayaa wadda dhankoda si ay u kala ogaan lahaayen kan ay dooran doonaan waxa uu yahay iyo waxa au ku dooranayaanba.halka qaarna ayba u calaamaydaysan tahay musharaxa ay siin lahaayen codkooda oo aad arkayso iyagooba uga dhaga raaracaynin musharaxiinta kale.

Anab Mohamoud Abdulle <canabmumtaz@hotmail.com>
Faafin: SomaliTalk.com | Oct 5, 2004

WAXA ISKU SOO HARAY 28 MUSHARAX MAGACYADA MUSHARAXIINTAAS IYO HADALADOODA MAANTA

axmeddheere65@hotmail.com Axmed Muuse Cabbdulle(Idaawaqaca)

Manta lba iyo tobankii duhirnimo ee saacada Afrikada Bari ee Magaalada Nairobi ee Dalka Kenya ayeey aheed waqtigi kama Danbeesta aheed ee Baarlamaanka Soomaaliyeed u qabtay musharaxiinta Soomaaliyeed in ay soo gudbiyaan Laba Kun oo Doolarka Mareeykanka ahy ,

Hadaba waxaa iyagu shuruudaas soo buuxiyay 28 Musharax oo kala ah

1-Cabdiraxmaan Jaamac Bare
2-Maxamed Qanyare Afrax
3-Cabdulaahi Axmed Cadow
4-Maxamed Xuseen Cadaawe
5-Cismaan Maxamuud Faarax
6-Cabdi Cusmaan Sabriye
7-Jaylaani Cali Kadiye
8-Faarax Wehliye Cadow Sindiko
9-Cabdirixmaan Cabdi Waraabe
10-Cabdi Qaasin Salaad Xasan
11-Cabdulaahi Yuusuf Axmed
12Maxamed Yaasin Ismaaciil
13-Muuse Suudi Yalaxow
14-Warsame Cabdulaahi
15-Mahdi Abuukar Maxamed
16-C/qadir Muriidi Suufi Golof
17-Jaamac Cali Jaamac
18-Cabdi Guuleed Maxamed
19-Xasan Maxamed Nuur(ShaatiGuduud)
20-Axmed Cabdi Xaashi
21-Xasan Guuled
22-Cusmaan Jaamac Cali (Kalun)
23-Jan Muumin Ibraahin
24-Xuseen Maxamed Caydiid
25-Cali Cabdulaahi Maxamed
26-Maxamed Cumar Xabeeb( Maxameddheere)
27-Jaamac Xasan Khaliif
28-Caasha Axmed Cabdalla

Waqtigii xaadirinta xildhibaanada ka dib waxaa la guda galay in ay bilaabato soo jeedinta Musharaxiinta Ajandahooda ku aadan Hadii ay guuleystaan qaabka ay u dhaqayaan doowladooda ayaa waxaa halkaasi ka hadlay musharaxiinta kalla ah

1-Ahmed Abdi Xaashi
2-Cabdi Guuleed Mahamed
3-Cabdirixmaan Jaamac Bare
4-Cabdulaahi Axmed Cadow
5-MuriidiSuufo Golof
6-Cali Cabdulaahi Maxamed
7-Faarax Cadow Wehliye Sindiko
8-Maxamed Yaasiin Ismaaciil
9-Jan Muumin Ibraahin Isaaq

Waxaan hadlay oo iyagu cudur daartay Musharaxiinta kale ah

Caasho Axmed Cabdalle
Cabdi Osman Kabreeto
C/qaasin Salaad Xasan oo aan isagu soo xaadirin
Cabdulaahi Yuusuf Axmed
Cali Cumar Xasan
Cismaan Jaamac Cali Kaluun
Cismaan maxamed Faarax
Jaamac Xasan Khaliif
Mahdi Abuukar Mahdi
Maxamed Qanyare Afrax oo aan Soo Xaadirin
Maxamed Cumar Xabeeb oo aan isagu soo xaadirin

Musharaxiintan waxaa la filayaa in ay Maalinka Barito ah Hadlaan oo ay soo jediyaan ajandahooda iyo qaabka ay ku doonayaan in ay ku maamulaan Soomaaliya

Dhinaca Kalle musharaxiinta Maanta hadashay ayaa dhamaantood soo jediyay Qudbooyin aad u macaan oo runtii la jecleeysan karo soomaaliyana hadii lagu dhaqo wax ka badali kara laakiin soomaalidu aad ayeey u sheekeeyaan balse way adagtahay in ay wax ka qabtaan ama ay ka dhabeeyaan go aamada ay galabta sheegeen hadaba dadka soomaaliyed waxaa hor yaala Mas uuliyad wayn oo la rabo in ay uga fiirsaadaan shaqsiga Hogaamin doona Mustaqbalka iyo Masiirka Soomaaliya