DHIB UMA
ARKO IN AAN MARAYKANKA ISKAASHANNO SIDII LOO TIRITIRI LAHAA ARGAGIXISADA.
WAAYO AYAGOO BADANNA AYEY JOOGAAN DHULKEENNA.
Madaxweyne
C/Laahi Yuusuf Axmed ayaa waraysi siiyey jariiddada
Dar-Al-hayat intii uu
joogay Adis Ababa. Wuxuu bixiyey waraysi dhinacyo badan taabanaya. Mar wax
la weydiiyey Muqdisho matagaysaa? Wuxu ku jawaabay. Hawlo adag ayaa
nahoryaala, anagoo banaanka joognana waxba kama qaban karno. Xamarna
suuragal nooma'ahan inaan tango iyadoon la xaqiijiyo xasilooni iyo
nabadgalyo. Waxaan awoodnaa inaan gobol kale ka bilowno hawlaheenna, maxaa
yeelay Soomaaliya Muqdisho kaliya ma'ahan.
Waxaa la
weydiiyey ma Puntland ayaad geyneysaa maamulka dowlada? Wuxuu yiri. Suuragal
ma'ahan inaan dowladda u raro halka aan ka soo jeedo, laakiin meel kale
ayaan dooran doonnaa.
Mar wax laga
weeydiiyey xiriirka uu la yeelanayo Somaliland wuxuu yiri. Wax qulqulato
dagaal ah lama gali doonno, wakhtiga ay munaasab noqoto ayaanna lasugaynaa
inaan wadahadal toos ah la galno. Wuxuu intaas raaciyey, marna uma
isticmaali doonno awood kuwa naga soo horjeeda iyo kuwa markaan tartamayeyba
imucaaradasanaa. Wax kasta oo suuragal ah ayaan samayn doonaa si aan
shacabka taageero buuxda uga helo. Waxaana rabaa inaan usoo celiyo wixii ay
waayeen 14.sano oo ah nabad iyo daganaasho.
Mar uu ka
hadlayey xiriirka uu la leeyahay dowaladda Maraykanka wuxuu yiri. Wuu
wanaagsan yahay, waana la shaqayn doonaa cid kasta oo Soomaaliya wax ka
dhisaysa. Isaga oo Argagixisa ka hadlaya wuxuu yiri. Waxaanu nahay dadka uu
dhibka ugu badan ka soo gaaro Argagixisada, gaar ahaan iyadoo ay dhulkayaga
joogaan tiro aad u badan oo Argagixiso ah. Waxaana dareensahay ayuu yiri. In
Maraykanku uu hogaaminayo weerarka lagu hayo ladagaalanka Argagixisada
Caalamka. Mana jiraan wax noo diidaya inaan iska kaalmeysanno sidii aan
uwada tir-tiri lahayn argagixisada handadaada ku haya gobolka iyo dunida oo
dhanba.
ISHA:
http://www.daralhayat.com/
Faafin:
SomaliTalk.com | Oct 30, 2004
SomaliTalk
oo Doorashada USA ka Waraysatay Wardheere
: Waraysigaas oo dhinacyo badan taabanaya waxa uu
Maxamuud Nuur Wardheere sheegay in...
Guji..
USA:
November 2deedu Waa Maalintii Codbixinta
: Waxaa aad muhiim u ah in aad ogaatid waxa lagaaga
baahanayahay si aad codkaaga u bixisid iyo goobaha codbixinta...
Guji...
Kulaabo bogga www.SomaliTalk.com
|