Somaliland:oo ku
dadaalaysa inuuna Cabdullahi Yuusuf ku guulaysan jagada
M/weyneKa dib
markii aysoo baxeen wararka sheegaya inuu xiriir
dhexmaray Ismaaciil Buubaa iyo Cabdullaahi Yuusuf ,kuwaasoo
iska bahaysanayay tartanka jagada ugu sareeysa Dalka
Soomaaliya,ayaa wafti qarsoodiya oo uu hogaaminayo
wasiirka maaliyadda Xusen Cali Ducaale oo ku magacdheer
Cawil yimaadeen magaalada Nayroobi,isagoo qoraalo ukala
gudbiyay Wadamada IGAD iyo UNka,shirna la yeeshay
xildhibaanada kasoo jeeda Somaliland,sida Ismaaciil
buubaa oo ay isku beel yihiin(Garxajis).
Ismaciil Buubaa oo
saxaafadda uxaqiijiyay inuu Cawil yimmid Nayrobi ayaa ka
gaabsaday inuu daaha ka rogo waxyaabihii uu u yimmid
wasiirku,balse ilo diblimaasiyeed oo aan rabin in la
carabaabo ayaa sheegaya in Somaliland ka welwel qabto
inuu cabdullahi Yuusuf noqdo Madexweynaha
Soomaaliya,Maadaama uu murran deegaan ka
dhexeeyo,awoodooda ciidanna ay iska koobantahay oo taasi
u horseedi kato burbur ku yimaada maamulka
Hargaysa.Sarkaal sare oo ka mid ahaa guddiga hub ka
dhigista ayaa yiri,Hubka gacanta ugu jira Beesha
Cabdiqaasim ee Cayr waxuu 3 jeer ka badan yahay hubka
yaal Somaliland oo dhan,hubka Muddulood haystana waxuu
4jeer ka badan yahay hubka yaal Puntland.
Haddaba iyadoo rag sarsare
oo magac ku lahaa Dalka Soomaaliland sida Dr.Sifir oo
UNka muddo dheer ka shaqaynayay kana mid ahaa ragga ugu
cadcad xisbiga Mucaaradka ee KULMIYE uu ku jiro
Xildhibaanada iyo Dr.Bilaal oo ahaa aasaasayaashii
Somaliland forum,iyo kuwa kaloo badan Sida Cismaan
kaluun iyo Buubaa oo ahaa Jabahdii SNM ayaa waxaa isa
soo taraya saamaynta shirka Nayrobi ku lahaan karo gooni
isutaagii Somaliland.sidaa awgeed ayaa la leeyahay
Somaliland waxay si dadban ula xaajoonaysa kuwa
hormuudka ka ah shirka sida IGAD iyo UNka,ayadoo rabiin
inay shaaca ka qaado ilaa ay ogaato halkuu ku biyo
shubto arrinkaas.Wasiir Cawil ayaa beeniyay inuu tagay
Nayrobi balse Huteelkii uu ku dayay iyo
Diblumaasiyiintii uu la kulmnay ay saxaafadda u
xaqiijiyay ka sakow warkii Ismaaciil Buubaa oo dadka
yaqaaniin ku tilmaamaan nin afgaaban oo aan ku dedegin
inuu warsiiyo saxaafadda.
Waxaa Maalmahan bilaamay
kala furfur ku yimmid daladii ishaysatay ee SRRC,oo
gacan saar lahaayeen Itoobiya,sida Maxamed dheere oo ay
isku mowqif noqdeen CabdiQaasim,iyadoo la sheegayo Xitaa
Itoobiya inay sidii hore ugu guuxayn musharaxnimada
Cabdullaahi Yuusuf oo ay door bidayso in qof macquul oo
ka soo jeeda beesha hawiye madasha yimaado lana xaajoon
kara Maamulka Hargaysa.
Cabdi Xasan Somalitalk/Muqdisho