• Madaxweynaha Jamhuuriyadda FKMG oo Safar ugu kicitimi doona Xarumo caalami ah

• Dowlada Britain oo Soomaaliya ugu deeqday lacag dhan sideed milyan oo ginni si wax looga qabto abaaraha iyo arrimo la xiriira hub ka dhigista.

• Cali Khaaliif oo dhaliilay sida ay u dhacday Doorashada……

• Xuseen Caydiid oo sheegay in xilka Ra’iisul wasaare  ay xaq u leeyihiin Ururka USC.  

• Qaraxii Wilson Airoport oo laga yaabo in ay Sababeen Caano Geel

• $24.4 million oo loo ansixiyey barnaamijyada caafimaadka Somalia

Madaxweynaha Jamhuuriyada FKMG oo Safar Ku Kala Bixin doona xarumaha AU (adis), Arab League (Cairo), EU (Brussels) iyo Ra'iisul Wasaaraha oo Loo Magcaabi Doono Beesha Abgaal

Madaxweynaha Jamhuuriyada FKMG, C/laahi Yuusuf Axmed Beesha:::  Daarood

Afhayeenka Baarlamaanka FKMG, Shariif Xasan Sh.Aden Beesha:::  Digil-Mirifle

SomaliTalk.com | Nairobi | Oct 20, 2004

Warar aan ka helay ilo war-gal ah ayaa shaaca ka qaaday in madaxweynaha Jamhuuriyadda FKMG, C/laahi Yuusuf Axmed, iyo wafti uu hoggaaminayo uu maalinta Jimcada (October 22, 2004) safar ugu kicitimi doono saddex xarumood oo kala ah: Xarunta midowga Afrika (AU) ee Addis Ababa, Xarunta ururuka carabta (Arab League) ee Qaahira, iyo Xarunta midowga Yurub (EU) ee Brussels.

Isla wararkaas ayaa SomaliTalk u sheegay in ay dhici karto madaxweynuhu uu Ra'iisul wasaare u magcaabi doono nin ka soo jeeda beesha Hawiye, taas oo loo malaynayo in 90% uu noqon doono Abgaal... Waxaana warku ku adkeeyey in magcaabida ra'uusal wasaaraha uu ilaa hadda ogyahay madaxweynaha oo keliya.

---

Cali Khaliif oo dhaliilay sida ay u dhacday Doorashada……  

• Waxase uu sheegay in doorashaadi uu ku soo baxay Col,C/laahi Yuusuf tahay mid dan ugu jirta Umada Soomaaliyeed. 

W/Q.Abdi Wali Ibraahim Aaden “Garyare”
Garyare20@hotmail.com

Ra’iisul wasarihii hore ee TNG-da Cali Khaliif Geleyr  oo ku eedeeyay Dowladaha Talyaaniga,Kenya iyo Itoobiya inay lacag badan ku bixiyeen sidii Col,C/laahi Yuusuf Axmed u noqon laha Madaxweynaha Jamhuuriyadda Federaalka Somaliya. 

Cali Khaliif Galeyr  oo u waramayay  qaarka mid ah Warbaahinta Magaallada Muqdisho ayaa sheegay inuu hubo in Dowladaha Talyaaniga, Kenya iyo Itoobiya ay qarashaad badan ku bixiyeen sidii C/laahi Yuusuf  uu ugu soo bixi lahaa xilka uu iminka qabtay ee ah Madaxweynaha Dalka Somalia. 

Ra’iisul Wasaarihii hore ee TNG-da Cali Khaliif Galeyr waxaa uu sidoo kale uu sheegay in markii uu joogay Nairobi arintaasi kala hadleen qaar ka mid ah mas’uuliyiinta gacanta ku hayay shirkaasi Somalida uga socday  Wadanka Kenya oo ay ka mid yihiin danjiraha Kenya u qaabilsan Somalia Maxamed Cabdi Afeey oo uu sheegay inuu ahaa ninka ay uga caali waayeen inuu joojiyo waxa uu shirka ka dhex wado ee ah u  xaglinta Col,C/laahi Yuusuf Axmed,iyadoo uu sidoo kale uu eed taasi la mid ah dusha uga tuuray Guddoomiyaha Shirkaasi  Somalida u qaabilsan Kenya, Kipligat. 

Hadalka Cali khaliif Galeyr ayaa waxa laga dareemayay inuusan jecleysan sida uu ugu soo baxay xilkaasi Col,C/laahi Yuusuf  Axmed oo ahaa nin ay si weyn isaga soo hor jeedeen,iyadoo xitaa ay isku khilaafeen sida loo soo magacaabayo xubnaha Baarlamaaka uga soo aaday beesha Harti,taasoo keentay inuu gabi ahanba shirkaasi isaga baxo Dr,Cali Khaliif Galeyr,si kasto oo ay tahay waxa uu sheegay Cali Khaliif Galeyr in doorashaadi uu ku soo baxay Col,C/laahi Yuusuf tahay mid dan ugu jirta Umada Soomaaliyeed. 

Mar wax laga weydiiyay Dr,Cali Khaliif Galeyr sida ay Dowladaasi wax uga qaban karto dhibaatooyinka ka jira Wadanka Soomaaliya oo ay horay wax uga qaban weyday Dowladii uu isaga Ra’iisul Wasaraha ka ahaa waxaa uu yiri ”runtii taasi waxaan  filayaa inay u taal Madaxweynaha Jamhuuriyadda Federaalka Somaliya oo uu sheegay in looga baahan yahay in si ay ku jirto maslaxada Dalka ku dhaqaaqo,isla markaana magacaabo Ra’iisul Wasaare ka soo jeeda Magaallada Muqdisho oo ah nin ka soo bixi kara xilka loo magacaabay,isagoo taasi sabab uga dhigay in ay Muqdisho tahay meesha ay ka dagi la dahay dhibaatada Soomaaliya ee ka jirta 14-ka sano ee la soo dhafay. 

Ugu danbeeyntii waxaa uu ugu baaqay dhamaan dadka Soomaaliyeed Dr,Cali Khaliif Galeyr inay ka war dhowraan bal waxa ay la timaado Dowlada iminka loo dhisay Wadanka Soomaaliya ee uu Madaxweynaha ka yahay  Col,C/laahi Yuusuf Axmed,waxaana uu meesha ka saray fikradda ah in Col,C/laahi Yuusuf Axmed lagu mucarado wixii uu horay u ahaan jiray,taasoo uu sheegay in laga soo gudbay oo uu iminka yahay Madaxweynaha Jamhuuriyadda Soomaaliya.  

Xuseen Caydiid oo sheegay in xilka Ra’iisul wasaare  ay xaq u leeyihiin Ururka USC. 

Xuseen Maxamed Faarax Caydiid oo ka mid ahaa hogaamiyayaashii ku loolamayay xilka Madaxweynaha Jamhuuriyadd Soomaaliya ayaa iminkana waxaa uu kamid yahay raga u xusul duubaya sidii loogu magacaabi lahaa xilka Ra’iisul Wasaaraha Xukuumada cusub ee Soomaaliya loo dhisay. 

Xuseen Maxamed Faarax Caydiid oo ka hadlayay beesha xaqa u leh in loo magacaabo Ra’iisul Wasaraha Soomaaliya ayaa waxaa  uu sheegay inay xaq u leeyihiin beesha Hawiye,isagoo intaasi ku daray in Beesha hawiye ay tahay mid qeyb wayn ka soo qaadatay ridistii Dowladii Milatariga ahayd,sidaa darted ayuu sheegay in ay tahay muqadas in Ururka Hawiye loo magacabo xilka Ra’iisul Wasaaraha. 

Mar la waydiiyay Xuseen Su’aal ahayd Beelaha ku abtirsada Ururka USC way badan yihiin ee beeshee ayaa xaq u leh iyaga laftooda marka laga qaado,waxaana uu sheegay inuusan iminka jeclayn in uu kala qaado beesha Hawiye ee u wada culus duubaya  xilkaasi sidii loogu magacabi lahaa,laakiin waxaa uu carabka ku adgeeyay in ay lama taabtaan tahay in xilkaasi helaan Ururka USC,Waa sida uu halka u dhigaye Ing,Xuseen Maxamed Faarax Caydiid. 

Dhinaca kale Xuseen Caydiid ayaa waxba kama jiraan ku tilmaamay wararka sheegaya hadal kasoo yeeray mid ka mid ah Taliyayaashiisa  Ciidamada Isbahaysiga SNA ee uu isaga guddoomiyaha ka yahay  ee ah in Col,C/laahi Yuusuf Axmed kasoo  dagi Karin deegaanada ay gacanta ku hayaan Isbahaysiga SNA gaar ahaan Xarunta Madaxtooyada Soomaaliya ee Villa Somalia,isagoo sheegay in ay xaruntaasi tahay  xarun qaran oo ay san isaga iyo inta taageersan lahayn. 

Xuseen Caydiid waxaa uu dhawaan kulan la yeeshay Madaxweynaha Jamhuuriyadda Soomaaliya Col,C/laahi Yuusuf Axmed,iyadoo ay inta badan kawada hadlayn qofka ku haboon in loo magacaabo xilka Ra’iisul Wasaaraha Soomaaliya,waxaana Xuseen uu kamid yahay Raga u xusul duubaya  inay ku guuleystaan Xilka Ra’iisul Wasaaraha Xukuumada cusub ee Soomaaliya.

• Caydiid: Somalia umabaahna ciidamo shisheeye
  Xuseen Maxamed Caydiid ayaa sheegay in... Guji...

W/Q.Abdi Wali Ibraahim Aaden “Garyare”

Garyare20@hotmail.com

---

Gabar Soomaaliyeed oo madaxa biyo ku sida, Muqdisho | Sawirka AFP

24.4 MILLION OO DOOLAR OO LOO ANSIXIYAY BARNAAMIJYADA CAAFIMAADKA SOOMAALIYA

Sida ay werisey AFP, hay'adda lagu magcaabo Global Fund (oo qaabilsan la dagaalanka AIDSKA, TB-da iyo Malaariyada) ayaa waxay ansixisay lacag dhan 24.4 million dollar oo la siinayo barnaamijyada Qaabilsan caafimaadka Soomaaliya. Waxaa warku intaas ku daray in markii hore hay'ada Global Fund la weydiistey in ay ku deeqdo 51.6 million dollar, balse ay ogolaatay 24.4million sida laga soo xigtey hayda SACB (Somalia Aid Coordination Body).

Waxaa warku intaas ku daray in 4.6 million dollars oo lacagtaas ka mid ah la gaarsiiyay UNICEF, halka 2.2 million oo dollar la gaarsiiyey hay'dada World Vision barnaamiyadeeda malaariyada iyo TB-da.

QARAXII KA DHACAY WILSON AIRPORT OO LAGA YAABO IN AY SABAB U AHAAYEEN "CAANO GEEL"

Sida ay qortay jariidada Daily Nation ee ka soo baxda Nairobi, baaritaan dheeraad ah oo lagu sameeyeey qaraxii ka dhacay garoonka Wilson Airport ayaa waxaa ka soo baxay in arintaasi aysan ahayn bombaano, balse qaraxaasi uu ka dhashay alaab ku kaydsanayd garoonko.

Qaar kamid ah baaritaanada ayaa sheegay in qaraxaas laga yaabo in uu sababeen tenegyada ay ku jiraan Caanaha Geela ee laga keeno Soomaaliya. Caano aad u farabadan ayaa maalin walba laga soo dhoofiyaa Soomaaliya, kaddibna waxaa lagu kaydiyaa garoonka inta aan loo qaybin macaamiisha, ayey warkeeda ku dartay Jariidadu.

Dhanka kale dawlada Kenya iyo dawlada cusub ee Soomaaliya ayaa labadu beeniyay in qaraxaas loola dan lahaa madaxweynaha DFKMG, C/laahi Yuusuf. Afhayeen u hadlayay madaxweynaha DFKMG oo lagu magcaabo Yuusuf Ismaaciil ayaa sheegay xilligii qaraxu dhacay in madaxweynuhu Hoteelka uu ka degan yahay Nairobi kula shirayeyey hogaamiyayaal Soomaaliyed, waxa kale oo afhayeenku intaas ku daray in MDFKMG uusan ka bixin Nairobi laga soo bilaabo markii al dhaariyay. [Warkii hore ee Qaraxa ka akhri halkan].