WADDADII MANDELA AMA WADDADII CHARLES TAYLOR.
farah Jama" <shillinson@hotmail.com>
Waxay ahayd
waddo dheer oo qaxar iyo dhib badan. Isku-day cinqilaab, jabhadayn, xabsi
dheer iyo ugu danbayntii sabbayn dagaal sokeeye oo aanay cidna ku macaashin.
Aakhirkii Mudane Cabdulaahi Yuusuf Axmed waxay Soomaalidu 10/10/2004 u
dooratay Madaxwaynaha Jamhuuriyadda Federaalka ah ee Soomaaliya shanta sanno
ee soo socota.
Haddaba, waxaan shaki ku jirin in odayga neefi ka soo booday laakiin
sidoo kale ay garbihiisa fuushay culays masuuliyadeed oo aad u wayn. Runtii
marka dib yara loo jaleeco taariikhda dhaw ee Soomaaliya, Cabdulaahi Yuusuf
wuxuu ka mid ahaa hoggaamiyaashii masraxa siyaasada Soomaaliya ku Hardamayay,
taas oo uu ku kasbaday cadow iyo saaxiibo siyaasadeedba labadaba. Qaar ka
mida soomaalida waxay aaminsan yihiin in Madaxwayne cabdulaahi Yuusuf uu
yahay nin ad-adag oo go'aano adag.
Haddaba maadaama mudane cabdulaahi Soomaalidu aqlabiyad xoog leh ku
dooratay ayna uga fadhiyaan inuu fuliyo hawlihii loo igmaday muddada 5ta
sanno ah ee soo socota maxaa talo ah oo lagu biirin karaa?
Talada koowad.
ugu horayn madaxwaynaha la doortay waa inuu ka baxaa bii'addii
jabhadaynta ee uu ku jiray muddadii 27 sanno ee lasoo dhaafay oo uu dareemaa
in masuuliyad cadaalad ku dhisan tahay ay ka saaran tahay min Raas ganbooni
ilaa Raas Casayr.
taladda labaad.
Madaxwaynuhu waa inuu fahmaa in halkii eray ee afkiisa kasoo baxa hadda
uu la culays yahay hal tan oo miisaan ah. Waa inay meesha ka baxaan
hadaladii hanjabaada iyo dhiiranaanta ku dheehnaa oo odayga looga bartay
intii dagaalada sokeeye socdeen.
talada sadexaad.
maadaama Cabdulaahi lagu tiriyo nin milatari ah oo tiisa marsada, waxaa u
fiican xilligan xasaasiga ah in tilaabo milatari oo kasta oo uu qaadayo ay
noqoto xalka ugu danbeeya ee uu dooranayo marka laga quusto irdaha
wada-hadalka. Waxaa muhiim ah inuu waqti badan ku lumiyo xeeladda
diblomaasiyadda iyo nabad-doonka oo ay ummadeenu u hamuuman tahay xilligan.
Talada afraad.
Soomaaliaya xilligaan waxay u baahan tahay madax aqoon leh, karti leh,
hufnaan leh oo cadaalad ah. marka madaxwayne Cabdulaahi waxaa la gudboon
inuu u magacaabo jagadda raysal-wasaaraha qof sifahaas sarre leh. Midda
kale madaxwaynuhu waa in uu wareejiyaa awooda iyo talada in door ah oo u
igmadaa raysal-wasaaraha iyo wasiiradiisa.
|