SOOMAALIYA OO HABAR QABE
DOORATAY
Faalladii
Mohamed Abdi Hassan (diridhaba)
Karachi, Pakistan.
“Waxaan ahay Habaar qabe
Habaar qabana waa ka ay Soomaaliya u
baahantahay” Waa kelmadahii ugu
danbeeyey ee Cabdilaahi Yuusuf Axmed laga
hayo, Kornel Cabdilaahi Yuusuf Axmed waa nin
aan qarsan hayn iyo hammuun midba tuu is
yidhaahdo waa ku meel maraysa, laga soo
bilaabo Sannadkii 1998-kii markaasi oo si
jujuub ah oo ay ku kala dhinteen rag badan
loogu doortay Madaxtinimada Maamul Goboleed
loo sameeyey beesha degta Waqooyi Beri (Majeerteen),
Cabdilaahi Yuusuf ma qarsan hammuuntiisa eh
wuxuu ku dhaqaaqay inuu awood xigto ah ka
samaysto maamul goboleedkaasi loo bixiyey
Puntland ama dhulkii odgoona, Kornaylku
wuxuu haanta dheer ee hagta siyaasadda
waqooyi Beri ku xeeray rag ay daris
wadaagyahiin, kuwo kale oo aanay hadafka
guud wadagi karina wuxuu mariyey cidlo.
Xasan Abshir, Maxamed Abshir iyo
Boqor king Kong wiilkiisu waxay inbadan la cadho
meerayeen duleedka Maamul Goboleedka Puntland,
waxay waayeen hiil iyo hoo cid ugu yaboohda,
Cabdilaahi Waa nin ku xeel dheer samaynta weedho
siyaasadeed oo afka laga yidhaahdo balse qalbiga
ku xidha dantiisa guud, ma seego halkarnimada
loo maro meel uu ficil ka ridan karo, mana ag
mari karo meel uu isleeyahay waxba kaaga go’i
maayan.
Waa xaqiiq in uu Cabdilaahi Yey
yahay danayste lagu macnayn karo inuu ka madax
adagyahay Maxamed Siyaad Barre, taasi oo
markhaati ugu filan lixdii sanadood ee uu
hogaanka u hayey Maamul Goboleedka Puntland, waa
nin aan jeclayn in runta loo sheego, badankana
ku jawaabo weedho kul kulul, Cabdilaahi Yuusuf
waa nin aan looga aqoon badnayn “tallay yaa
tolay” oo taasi
ay marag ma doonta u tahay markii ay reer
Boosaso waddada cagta ugu rideen kana
saareen ciidamadiisa magaalada Boosaso,
lagana soo eryey Garoowe inuu dul tegay
tallada diiran ee reerkiisa dega
Galkacayo, Mar ay idaacadda laanta afka
Soomaaliga ee B.B.C du waraysatay ayaa waxaa
hadaladiisi ka mid ahaa “aniga oo ah
madaxweynaha dhabta ah ee puntland waan ka
soo yar rararay caasimadda garoowe waxaanan
sida ugu dhakhsaha badanleh ugu noqonayna
caasimadda, cid sheegan karta ma jirto
hogaanka puntland waana aniga madaxweynaha
cid aan u ogolaado mooyaane cid kale oo
noqon karta ma jirto” Maalmaha waxaan
islahaa Walaalaha Majeerteen waxay gaadheen
go’aan oo cabdilaahi tub bay ku rideen,
balse ayaamo ka dib waa dhabawday hadalkii
cabdilaahi, wuxuuna ku soo laabtay hogaanka
Puntland.
CABDILAAHI YUUSUF SIDEE
AYUU U DAREEMAY DOORASHADII CABDIQAASIM
SALAAD XASAN SANNADKII 2000 CARTA
Sidaan hore usoo sheegay
Cabdilaahi Yuusuf waa nin ku dhiiran
dantiisa, kana dhego adayga wuxuu u arko
inaan wakhti ugu jirin, mar wax laga
weydiiyey sida uu arko Madaxweynahii Beesha
Hawiye ahaa ee lagu soo doortay shirkii
carta Cabdiqaasim Salaad Xasan, wuxuu ku
macneeyey gacan ku dhiigleh, wuuna diiday
inuu aqbalo hogaan kasta oo ka yimaad Beesha
Hawiye, Xitaa iska daa wax kaloo wuxuu
damcay inuu u sameeyo Mu’aamarad aan
qarsoodi lahayn, wuxuu weraysi siiyey
Television talyaani ah, wuxuuna u sheegay
Inuu Cabdiqaasim ka mid yahay Ururka ITaxaad
oo ay xidhiidh leeyahiin Wadaadka Osama
Binladen, isaga oo danta keliya ee Kornayl
Yey ahayd inuu sawirka diblomaasiyadda boodh
kaga qariyo Beesha Hawiye, inkasta oo
Sawirka tooska ah ee laga dalacan karo
majaajiladii quruxda badnayd ee ka dhacday
nairobi u ekayd "igama qudhunto
igama qalafto" waxaa runtii
Siyaasiyiinta Beesha Hawiye u fadhiyey
shirkaasi uu Cabdilaahi ku dheelay ciyaar
aad u quman, aan qalafsanayn, balse ay arki
doonan mustaqbalkeeda.
SIDEE AYEY SOMALILAND
U ARAGTA DOORASHADA LA SHEEGAY IN CABDILAAHI
YUUSUF LOO DOORTAY MADAXTINIMADA SOOMAALIYA
Inkasta oo aanay qumaynaynba
in lagu daro qoraalkani oo kale hadafka
Somaliland, oo waayo ay u caddahay sida
daruurta oo kale in Muwaadin, hogaan
siyaasadeed, hogaan mucaarid iyo mid
muxaafid oo reer Somaliland ahi mawqifka
Somaliland yahay in aan qaranimada iyo
madaxbanaanida Somaliland aan shakhsi dunida
meel kasta ha ka taliya eh loola galayn wax
gor gortan ah, waxaa xallay iyo habeen hore
wararka iga soo gaadhaya Magaalada Hargeysa
tibaaxayeen in ay u ahayd reer Hargeysa
majaajilo aad u qosol badnayd oo halkaasi
Nairobi lagu matalay, waayo Siyaasiyiinta
Kenyatiga ah ee fadhiyey Meesha waxaa
qumanayd in majaajilada loogu turjumo af
Sawaxili si ay u odorosaan gunta xogta ku
hoos suntan.
Somaliland tani waxay u tahay
guul diblomasiyadeed marka dhinac laga eego,
waayo Somaliland waa ogtahay Cabdilaahi
Yuusuf wuxuu gudo iyo wuxuu galo dagaalo
sokeeye oo la dhex dhigo walaalaha
Soomaaliyeed, dhirbaxooyin siyaasadeed, iyo
hiilin uu u kala hiiliyo walaalaha Muqdisho
iyo Boosaso, waa runtii calaamad suntan oo
ina yey ku yahay caan, waxay Somaliland
ogtahay inaanu cabdilaahi Yuusuf tahlin
nabad ku wada noolanshaha walaalaha wada
dega GaalKacayo ee uu faraqyada u buuxin
doono Adeeradii iyo edooyinkiisa dega
Magaaladasi, dhinaca kalana (hawiyaha dega
galkacayo) aanu u ahayn wax hufnaan ah.
Somaliland waxay ogtahay
Cabdilaahi Yuusuf Muqdisho ka arrimiya
inaanay cidina mahadin doonin, Somaliland-na
waxay hore uga sii tabaabulshaysatay
majaajiladaasi oo kale, hadday noqoto hamuun
diblomaasiyadeed iyo mid madanibga
gaashandhig, Somaliland waxay tani u tahay
isku duubni badan oo ay cadawgooga gees uga
wada marayaan, waxaanan boqolkiiba boqol ku
kalsoonahay in ay shacabka reer Somaliland
iyo dawladooduba u tahay isku soo dhawaansho
ay cadawgooga meel uga soo wada
jeedsanayaan tani oo kale , balse waxay u
sheegayaan walaalahooga Soomaaliyeed "baruur
xun ayaa baruuryo qudhmisa" inay ka
taxadaraan gacanta dhiigaleh ee durbaanka u
tumaysa.
CABDILAAHI YUUSUF
DIINTA ISLAAMKA SIDEE AYUU KU YAHAY
Wadaada iyo musheekhda
Soomaaliya waxaa hubaal ah inay u tahay
doorashada hogaanka Cabdilaahi Yuusuf Mugdi
weyn oo soo wajahay, waxay xasuus weyn uga
tahay xasuuqii uu gaystay Maxamed Siyaad
Barre wadaadadii lagu laayey 80-meeyadii
Soomaaliya, Cabdilaahi Yuusuf waa nin lagu
macnayn karo Cadawga diinta islaamka, wuxuu
dagaal badan la geli doona qof alla iyo
qofkii ilaahay cibaadadiisa iyo
daacadnimadiisa iyo kitaabkiisa iyo Sunnaha
rasuulka u go'ay, wuxuuna ugu yeedhi doona
argagixiso, waxaa hubaal ah in qorshaha
cabdilaahi Yuusuf ee uu ku dhaqayo Mankiisa
Soomaaliya lagu tirtiri doono dhaqanka
suuban ee Soomaalida ee salka ku haya diinta
Islaamka, waxaan ku kalsoonahay in ay
Soomaliya u beri doonto waa kale oo lagaga
mamnuuco haweenka Soomaalida xijaabka
ilaahay ku waajib yeellay, waxaa hubaal ah
in uu la dagaalami doono madaarista iyo
meelaha kutubta diiniga ah lagu akhrinayo,
waayo sidaasi waxaa ogol saaxiibada uu
jecelyahay inuu ka samaysto galbeedka.
Gunta iyo
gebo-gebada Faaladayda ayaan Jecelahay inaan
xusuusiyo walaalaha Muqdisho weedhahii
xikmadaha mudna ee sannadahii 1988-kii
Hadduu dhiigu daatiyo
Hadday xaydhi dixataba
Hadday guushu degatiyo
Hadday daahyo rogataba
Hadday qaanso debecdiyo
Hadday shiish dellegantaba
Hadday Daylo curatiyo
Hadday deero tebisaba
Adoo dool dhaqaaqiyo
Adoo data mooyee
Damac waa halkiisii
Dabna waa dabkiisii
Dusdukay ku dheregtee
Haddaan daalku dheeraan
Gabbal baas u dumin nabad
Nin dalleensi lagu cunay
Haddaan guuto loo dilin
Dakharkiiba toban noqon
Nin kastoo dun iga qaba
Haddaan daab-cad lala dhicin
Jannnada durduurta ah
Haddaan daadku soo qubin
Aqalada derbiga dheer
Haddaan daaqad laga gelin
Ninka dabin ka boodka ah
Haddaan diirad lagu helin
Haddaan duubka gogoshiyo
Lagu dhuuman dalowyada
Haddaan shaashka derejada
Dallacaada laga nixin
Dal Allay u kibirtee
Haddaan iilka lagu degin
Haddaan meydku duurkiyo
Derrimaha ka fara badan
Sanqadhaa dabayshiyo
Haddaan fiinta laga didin
Fadhigay ku daaqdee
Haddaan soodhku dalandalin
Halka doobi lala maro
Haddaan raacdo daba gurin
Dacfalaanka mahaddiyo
Dardarsiga barwaaqada
Iyo doosha subbaga leh
Haddaan laysu dacarayn
Inta daran intaw daran
Haddan duulal lagu falin
Haddaan deebta gumuciyo
Lagu guban dabkaan shido
Duhur laysla wada jiro
Haddaan guusha lay deyn
Alley-lehe docdaydii
Ha Goblamo dad weynuhu.
Qallinkii Mohamed
Abdi Hassan (diridhaba)
KARACHI, PAKISTAN.
E-mail:
diridhaba2001@hotmail.com