Gen. Cadde Muuse oo Isu Sharaxay Madaxweynaha DGPL

• Waraysigii Cadde Muuse ee SBS halkan ka dhegeyso...Guji...

Gen. Cadde Muuse | Saxiixii heshiiskii PL | bishii shaan ee 2003 | Sawirka Google Search

Warar SomaliTalk kasoo gaarey dalka Australia ayaa sheegay in Idaacadda SBS Australia qaybteeda Afka Soomaaliga ay waraysi la yeeltay Gen. Cadde Muuse, waxa uu Janaraalku waraysigaas shaaca kaga qaaday in uu sharaxan yahay Madaxweynaha Dowlad Goboleedka Puntland.

Su'aal laga weydiiyey dagaaladii Sool, waxa uu Cadde Muuse sheegay in ay waanwaan nabadeed u socoto labada beelood, taas oo ay wadaan isimada labada dhinac, waxana uu cadeeyey in arimaha la isku hayo si nabad ah lagu xallin karo, taas oo uu sheegay in ay isimadu ku dadaalayaan in ay ka hor tagaan in aan halkaas wax dagaal ahi ka dhicin.. taas oo uu ku adkeeyey in isimadu ay taas ballan qaadeen..

Mar wax laga weydiiyey arimaha Puntland iyo dowlada Goboleedka waxa uu sheegay in kordhinta waqtiga maamulka aysan wax dan ahi kujirin, waxana uu sheegay in ay tahay in la ilaaliyo sharciga oo aan maalinba la iska sheegin wixii la doono ama la iska korosan xukunka. Waxana uu xusay in madaxweynaha DGPL Maxamed Cabdi Xaashi iyo iyo M/kuxigeenka Gaagaab ay horay uga wada hadleen una ballan qaadeen in aan xukunka la kordhin doonin, waxana uu intaas ku daray 'in ayaga ay yihiin kuwa hadda arinta kordhinta wada'.

Waxa kale oo uu Gen. Cadde Muuse mar labaad xusay in arinta Sool ay tahay mid nabad iyo waanwaan lagu dhamayn karo, taasina aysan sabab u noqon karin in la kordhiyo xukunka (maamul goboleedka Puntland).

Ugu dambayntii waraysiga waxa uu Gen. Cadde Muuse shaaca ka qaaday in uu isu sharaxay madaxweynaha DGPL, waxa kale oo uu carrabaabay in Cabdullahi Yuusuf ay arinta kororsiga hore uga wada hadleen taas oo uu sheegay in C/lahi Yuusuf uusan rabin korosigaas.. Waxana uu Cadde Muuse yiri: Sharciga ayaa dadka kala saara, ma ahan in dawladu ay sharciga iska korosato".

Cadde Muuse oo hadda ku sugan Canada, waxa uu sheegay in uu Soomaaliya ku laaban doono bisha Decembar horraanteeda.

Waraysiga Gen. Cadde Muuse oo dhamaystiran  Halkan ka dhegeyso...Guji...

Faafin: SomaliTalk | Nov 24, 2004