Soo Saarihii Filimkii Lagu Aflagaadaynayay Gabdhaha Muslimka ah oo La dilay.

 

Theo van Gogh, oo ahaa soo saarihii filimkii lagu aflagadaynayay gabdhaha muslimka ah iyo guud ahaan islaamka ayaa lagu toogtay dalka holand dhawaan.

 

Ninkan ayaa la arkay isagoo la toogtay kadibna middi laga taagay waxaana dusha ka saarnaa markii la arkayay warqad muujinaysay sababta loo dilay.

 

WARGEYSYADA ADDUUNKA QORAALADII AY KA QOREEN WARARKA LA XIRIIRA DILKA THEO VAN GOGH... CLICK

Dowladda dalka holand ayaa arrintan ka gaabsatay,balse hore u ogayd in filimsameeyaha ay dad badan oo muslimiin ahi u hanjabeen isaga iyo Ayaan Xirsi oo ku jirta baarlamanka dalkaas,waxaana uu lahaa ninkan dad kala shaqeeya ku xadgudbka diinta muslimka waxa uuna sameeyay dhowr filim oo si aad ah muslimiinta dalkaasi iyo guud ahaan kuwa kaleba ka caraysiiyay intii muda ahaydna waxaa lagu hayay baadi goob ninkan sida ay qoreen wargaysyada ka soo baxa dalkaasi.

 

Theo van Gogh,waxa uu ahaa nin si aad ah u necen Diinta islaamka waxa uuna filimadiisa ku muujin jiray nacaybka diinta islaamka isagoo u bandhigayay dadka in Diinta Muslimka ay tahay diin adag IWM.Dadkii la shaqaynayay ninkan ayaa si aad Booliiska u ilaalinayaa amaankooda Ayaan xirsi oo filimkan la waday ayaa cabsi soo wajahday iyadoo sheegtay mar la wareystay in ay leedahay ilaalo xoogan,balse saaxiibkeed uusan lahayn wax ilaalo ah.

 

Ayaan Xirsi Magan waxay horay u samaysay filim la magac baxay adeecid,kana tarjumayay sida ay sheegtay gabar muslimad ah oo uu garaacayo saygeeda isagoo leh i adeec hadii kale waan ku tumayaa!waxayna sheegtay ayaan in filimkani fariin u yahay gabdhaha muslimka ah ee ku nool wadamada islaamka xabsigana ku jira sida ay Qabto.

 

Filimkan ayaa muslimiin badan oo dalkaasi ku nool iyo kuwa dunida kaleba caro galiyay waxayna sheegeen muslimiinta dalkaasi in ay wax ka qaban doonaan hadii ay diinta dhibka ay ku haysto dhaafi wayso waxayna waraaqo dacwo ah u gudbiyeen Dowladda dalkaasi in ay raali galin ka baxiyaan saxaana qaladka filimkan oo meel uga dhacaya diinta islaamka kuna xadgudbaya xoriyadda diimaha.

 

Gabadhan ka baxday diinta muslimka horay ayaa u qiratay in ay ka baxday diintaba waliba aflaado cad u gaysatay,waxayna hadda ka hor ku dhaqaqday arrin kale oo muslimiinta dalkaasi walwal ku abuurtay taas oo ahayd in ay ka hor timid masaajidyo laga dhisi lahaa dalkaasi si dadka muslimka ahi ugu cibaadaystaan.

 

Ayaan waa gabar asalkii soomaali ahayd Dad badan oo soomaaliyeedna aad u cara galisa marka ay maqlaan ayaan Qisadeeda iyo sida ay diinta islaamka dagaalka ugula jirto.waxaa jira wiil ayaan la dhashay oo ku sugan magaalada Nairobi una waashay ayaan ka bixideeda diinta ka sokow dhibka ay ku hayso la dagaalanka diinta Islaamka ah.

Canab Mumtaz <canabmumtaz@yahoo.com>

SomaliTalk Nairobi | Nov 6, 2004