JAHAWAREERKA KU DHACAY INA
RIYAALE IYO REER WAQOOYI
Hereri Haji
Nairoobi, Kenya
<hereri01@hotmail.com>
RAbbiga ina ahaysiiyey baa mahdleh magaciisa
ayaana kubilaabaya naxariis iyo nabd gelyo
korkiis ha ahaato Rasuulkeenii suubaanaa.
Tan iyo horaantii sanadkan markii uu
billawday dagaalka ka dhexeeyey kooxaha Hargaysa
afduubka ku haysta iyo ciidanka gobolka puntland
waxa ay ku celcelinayeen in dagaalka ay ka qayb
qaateen cutubyo ka tirsan ciidanka qalabka sida
ee JABHADA WADANIGA XORAYNTA OGADENYA.
sidoo kale 31kii oktoobar markii galinkii
hore fooda la daray ciidankood iyo draawiishta
Puntland ayaa ay sheegteen in ONLF ka qayb
qaadatay dagaalka.
Kuma aysan ekaanin dagaal
nalala galay ayay ONLF kaqayb qaatay waxa ay
sidoo kale ku sheekaystaan in dalka Jabuuti ku
taageero JABHADA WADANIGA XORAYNTA OGADENYA hub
iyo saanad kale oo ay wadanka kaga kociso
gumaysiga Itoobiya waa yaabe hadiiba ay jabuuti
oo ah dal ay degaan dad soomaliyeed oo
walaalaheen ah siiyaana ONLF hub ay iskaga
difaacdo cadawgeeda wadanka ka haysta oo ah
Axmaaro, maamulka waqooyi ma Axmaaraa maxaase ka
galay? hadayba ONLF Axmaaro la dagaalami ma
iyagaa Axmaaradu? saw in ay wax kala fahmaan
maaha inta hadal afkooda ku jiro.
Eedaymahaas nafla caaridnimada ah ayaa waxaa
laga yaabaa inay keentay arimahan midood.
- Inay kaliftay jahawareerka haysta
kooxaha ku xayndaaban magaalada Hargays
- In ay kaliftay maadaama kooxahaas hore
dab uga dhexshideen labada shacab ee waqooyi
iyo shacabka Ogadeniya oo ay leeyihiin aad
sii huriseen maadaama ay rabaan uun wax
shacabku kaga jeedo.
- In ay sababtay cabsi ay ka qabaan
ciidanka qalabka sida ee ONLF maadaama ay
kooxdani tahay daba dhilif Xabashiyeed.
- Maadaama kooxahani siwayn u asqaysan
yihiin kadibna inta dagaalka si wan looga
guulaystay u maleeyeen in ciidanka xoogan
leh ee galin wax ku maaruqay ka mid ahaayen
cutubyo kamid ah ciidanka qalabka sida ee
ONLF..
- In mar hadiiba dagaalka lagu jabiyey ay
iskaga afgobaadsadeen maadaama xoogoodii
gelin hore laga dhigay, horena ugu dhiiran
waayeen in ay xabad qashka siiyaan aagga
laas caanood.
Jahawareerka haysta kooxdani maaha midku eg
inta fadhida meesh ay ugu yeedhaan madaxtooyada
ee waxay ku faaftay guud ahaanba inta aaminsan
fikirka aan laga fiirsan ee iska qoqobida shacab
waynaha soomaliyeed taasi oo ku dhalisay in ay
dadka Soomaliyeed oo dhan dhinac iska mariyaan .
Nidaamka ay ugu yedheen in ay kaga go'ayaan
Soomaaliya ayaa waxa ay fikriyan qaateen in ay
ku gaadhi karaan ka fogaanshaha Soomalid in ay
tahay jidka ay ku helayaan in ay dib ugu
laabtaan mustacmaradii Elzabeth.
Taasi waxa ay dhalisay in ay kala garan
waayaanba guud ahaanba dadkii Soomalaiyeed ee ay
sida wayn u yaqaaneen kala saari waaayeena waxay
yihiin.
Waxaa kamid ah cadaymaha in ay isku
dhexdaateen kala garanaynina waxa ay raadin iyo
cida ay ka raadin dadka ay dhulkooda leeyihiin
waxa uu kamid yahay gobolada ay ugu yeedhaan
soomaliland ayaa ay dadka dega ku tilmaami
FAQASH, DABA DHILIFKA MAJEERTEENIYA , DABA
DHILIFKII AFWAYNE.IWM.
Sidoo kale waxay kooxdaasi la dagaalameen
guud ahaanba dadka soomaliyeed jabuutina alla
hakayeelee, aaminsan yihiin in ay yihiin
cadawgooda keli ah ee ay iska ilaalinayaan halka
saaxiibkooda ugu wanaagsan ay u yaqaanaan
Axmaarada iyo Yuhuudda!.
diyaarintii Hereri Haji
Nairoobi
Kenya
<hereri01@hotmail.com>
Afeef: Aragtida qoraalkan waxaa leh qoraaga
ku saxiixan