Daabaco Boggan | Print

Maxamed Xasan Cumar
m.omar@bellnet.ca
Canada

Nov 28, 2004

Waxan qoraalkan ku soo bandhigayaa Qormo aan ugu tala galay waraysi uu siiyey Radio ka mid kuwa Soomalidu leedahay Gen Cadde Muuse. Markay baahiyeeen Website-yada Soomalidu leedahay waraysigaas Ummada ku dhaqan Gobolada Puntland wuxuu waraysigaasi ku ridey fajac iyo amankaag wayna qaadan waayeen hadalduu ku andacooday Cadde muuse.

Waxaa is waydiin leh maxaa Cadde Muuse ku kalifey mawqifkaa aan ku haboonayn ee uu is taagey. Markaan arintaas maskaxdayda la kaashaday waxa ii soo baxay in Cadde Muuse Saddex arimood ay ku kalifeen oo kala ah sida hoos ku qoran.

Taariikhda Lagama Been Sheego... Guji..

1- Cadde Muuse oo abaalgud uga dhigaya Isaaqa magangelyadii ay siiyeen Gobolada Sool, Sanaag iyo Cayn.

2- Hunguri xumo uu doonayo inuu dhaqaale kaga helo Isaaq.

3- Magac raadis uu doonayo in magaciisa Radio iyo saxaafada laga sheegsheego.

Masbaa baa abur dhala Allah haw naxariistee hadii Muuse Boqor noolaan lahaa oo maqli lahaa ereyada ka soo yeedhay Cadde wuu dayrin lahaa dhaxalkiisana waa ka qadin lahaa. Allah haw naxariistee Muuse Boqor Luxudka ayuu maddax ku gujinayaa iilkana waa qaban la yahay cadho awgeed. "Hadaad Nuur Cubudhiyoow ogtahay caawa waxa jooga Ciidaad ka soo bixi lahayd cadho daraadeed"

Caddow adigu Lugtana ma tihid Faraskana ma tihid. Puntland rag baa u talaiya oo birta u soo calashaday iyaga ayaa go'aankeeda gaadhi kara. Adigu Maddax kama tihid Puntland,maddax dhaqameed kama tihin. Laguuna dooran mayo Maddaxtinimo iyo maddax dhaqameed midna "ka calool go dhaha waadigaa cunay dhashaadiiye"

Waxa ku soo afjarayaa qoraalkaygan tuducan gaaban.

"Xalay Sooryo Wanaagsan iyo xeedhyo kuu salaxeen oo seleshood isla booday oo saar wax kuu tuma wayday ee xaalku maaha sidaas"

Hadii Isaaq iyo Harti heshiinayaan qolana Cadde Muuse soo mari mayso dad ku filan hawshaas way joogaan. Cadde Muusoow meesha kale ee aad qalalaase iyo dagaal ka oogayso raadi.

Maxamed Xasan Cumar m.omar@bellnet.ca

Afeef: Aragtida qoraalkan waxaa leh qoraaga ku saxiixan

Idaacadda SBS Australia oo waraysatay cadde Muuse.. Halkan ka akhri ama Halkan  dhegeyso