Beesha Mataan Cabdulle oo u sharaxan Guddoomiyaha Gobolka Banaadir iyo Duqa Magaallada Muqdisho

Xubno isugu jira aqoonyahano, siyaasiyin, odayaal iyo Ganacsatada kasoo jeeda Beesha Mataan Cabdulle ee Deggan W/Magaallada Muqdisho oo maanta soo sharaxday musharaxa u qabanaya xillka Guddoomiyaha Gobolka Banaadir iyo Duqa Magaallada Muqdisho.

W/Qorey, Abdi Wali Ibraahim Aden "Garyare"
Garyare20@hotmail.com  Garyare@msn.com Garyare20@yahoo.com

Muqdisho | SomaliTalk.com | Nov 28,2004

Dr.Maxamed Cumar Nuur Musharaxa xilalkaasi Maxaadey Xasan Hadaafow: Oday dhaqameed

Kulan balaaran oo ay isugu yimaadeen dhamaan xubnahaasi ayaa waxaa lagu cadeeyay sida ay dhamaan xubnaha kala duwan ee Beeshaasi isugu raacsan yihiin inay iyaga iminka xaq u leeyihiin inay qabtaan xilalka Guddoomiyaha Gobolka Banaadir iyo Duqa Magaallada Muqdisho.

Xubnihiii halkaasi ka hadlay oo lahaa aqoonyahano, siyaasiyiin, ganacsato iyo odayaasha dhaqanka ee beeshaasi ayaa waxaa ay si wada jir ah ugu dhawaaqeen inay xilalkaasi u soo sharaxdeen Dr,Maxamed Cumar Nuur oo ay sheegeen inuu yahay ninka kaliya ee xilkaasi kasoo bixi kara isla markaana ka wakiilka ah Beesha Mataan Cabdulle.

Maxaadey Xasan Hadaafow oo ka mid ah odashaaya dhaqan ee magaca ku dhex leh bulshada Soomaaliyeed ee ku dhaqan Magaalada Muqdisho gaar ahaan Waqooyiga Magaalada ayaa waxaa uu kulan kaasi ka sheegay in isaga oo ku hadlaya Magaca odayaasha dhaqanka Beesha Mataan Cabdulle ay soo sharaxdeen Dr,Maxamed Cumar Nuur oo uu sheegay inuu isaga shaqsiyan aaminsan yahay inuu yahay nin dhabarka u dhigan kara xilalka aanu soo sheegnay ee ah Gudoomiyaha Gobolka iyo Duqa Magaallda Muqdisho.

"waxaan idiin sheegayaa maanta laga bilaabo aniga oo ah Maxaadey Xasan Hadaafow in Dr,Maxamed Cumar Nuur aan u aqoonsanay inuu yahay Musharaxa kaliya ee Beesha Mataan Cabdulle ugu tagaan xilalka Gudoomiyaha Gobolka Banaadir iyo Duqa Magaallada Muqdisho" hadlkaasi waxaa kulangii maanta ka jeediyay Maxaadey Xasan Hadaafow oo ka mid ahaa Odayaashii dhaqan ka ee kasoo qeyb galay kulankaasi.

Arintan ayaa timid kadib markii ay soo ifbaxdey baryahan in beelaha Hawiye ay ku rajo wayn yihiin in Dowlada laga soo dajiyo Magaallada Muqdisho,iyadoo beelaha wada degan Magaallada Muqdisho ay isu qaban qabinayaan inay soo diyaarsadaan Mas’uuliinta u malateeysa jagooyinka ay ka helaan Dowlada marka ay Wadanka soo gaarto,Beesha mataan Cabdulle ayaana noqotay beeshii ugu horeeysay ee soo gudbisata Musharaxooda xilalka ay ka rajeynayaan Dowalda inay ka helaan.

Ugu danbeeyntii kulankaasi ayaa waxaa laga soo saaray baaq ku wajahan Ra’iisul Wasaaraha Dowlada Federaalak Somaliya,dhamaan xubnaha xildhibaanada Beesha Mudulood kaasoo looga codsanayo in Ra’iisul wasaaraha iyo Xildhibaanaduba ay tixgeliyaan baaqooda ku aadan musharaxooda Dr,Maxamed Cumar Nuur. 

W/Qorey, Abdi Wali Ibraahim Aden "Garyare"

Garyare20@hotmail.com