Axmed Muuse Cabdulle(Idaawaqaca) Kenya, Nairobi
E-Mail: axmeddheere65@hotmail.com

Magaalada Mombasa waa magaalo madaxda labaad ee Wadanka Kenya waa Magaalo leh Dakeda ugu wayn Bariga iyo Bartamaha Afrika,

Magaalada Mombasa oo ah magaalo facwayn ayna daganyihiin dad xadaarad&ilbaxnomo badan waxa ay magaalada caasimada ah ee Nairobi ujirtaa ku dhawaad 480 Kmt,

Magaalada oo aan ku gaaray booqasho shaqo muda labo cisho ahna aan joogay waxa aan kala kulmay wax yaabo badan oo ay kukala gadisanyihiin magaalada Nairobi,

Ugu horayntii waxaan booqday Dakeda caalamiga ee Magaalada Mombasa oo runtii aheed meel ku mashquulsan shqooyin kalla gadisan dekeda waxaa ka soo daga maalin walba maraakiib kalla duwan oo ka soo shiraacda dekedaha caalamka oo dhan iyadoo ay xiligan aheed xili ay aad ushaqo badneed waxaan halkaa kula kulmay dad badan oo Soomaaliyeed oo ii sheegay in ay iyagu keenaan alaabo kala gadisan ayniguna aan arkay iyadoo hada lagu jiro isku diyaarintii maalmaha Kirismiska oo ah bisha Fooda nagu soo haysa 25keeda, 

Ka so koow dadka Soomaaliyeed ee iyagu wax ka soo dajiya dekeda Mombasa waxaa kaloo jira ganacsato kakala socda meelo badan oo iyaguna wax ka la soo daga dekeda Mombasa sideedaba dekeda waxaa wax u maraan wadama Burundi Tansaniya Ugaandha Suudaan iyo goobo kale, 

Dhinaca magaalada hadii aan faalo kooban ka bixiyo waa magaalo aad u qurxoon oo runtii aadan ka dalayn in aad joogto wallow ay aad magaaladu u kulushahay  

Nabada magaalada Mombasa waa heer sare marna kama cabsi qabtid in lagaa dafo Moobilkaaga sida Nairobi haweenka waxa ay ku xardhanyihiin dahabkooda iyaga oo an ka cabsi qabin in dhagtooda iyo dahabkoodaba la gooyo , 

Ganacsiga waa magaalo aad uganacsi badan iyadoo ay soo galaan ganacsato meelo badan ka yimid inta badana waxaad arkaysaa baabuur wada shixnado kalla duwan oo iskaga gooshaya goobo badan oo ka mida gudaha wadanka Kenya iyo wadamada Dariska ah sida Ugaandha iyo goobo kale soomaalidu waxa ay ku leeyhiin goobo ganacsi oo kalla duwan oo lagu iibiyo wax badan oo kalla gadisan , 

Kala duwanaansha Soomaalida ku  nool Mombasa iyo Caasimada Nairobi waxaa jira faraq wayn oo dhinaca Siyasada ah dhinaca dhaqaalaha iyo dhinaca Diinta intaba leh  

Tusaalle ahaan dadka Soomaaliyeed ee jooga Nairobi inta badan waxa ay ku waydiinayaan Siyaasada Soomaalida waxaadna arkaysaa iyagoo inta badan ku mashquulsan Wabseedyada iyo Idaacadaha halka reer Mombasa ku mashquulsanyihiin ganacsiga iyo dabarida naftooda ,

Guud ahaan marka aad eegto dareenka iyo muuqaalka dadka reer Mombasa ayaa umuuqda mid farxadeed iskana dagan iyagoo markiiba kuu muujinaya niyad samidooda Xaafadaha Magaalada Mombasa ma ah mid ay soomaalidu udaganyihiin hab qabiil ,

Magaalada Mombasa waxaa ku yaala Masaajido badan iyo Madarasado Badan oo lagu Barto Diinta Islaamka iyo Luuqada Carabiga waxaana runtii xusid mudan in inta badan dumarka Magaalada Mombasa ay xiranyihiin Niqaab ama indhasharer oo kuligood way xijaabanyihiin,

Raga magaalada Mombasa waxaa ka muuqda shacaairu diin iyadoo garku inta badan udaysanyahay waxa ayna ku labisanyihiin khamiisyo iyo Macawiso oo waxaad moodaa in aad Joogto magaalo ka mida Wadanka Dahabiga ah ee Soomaaliya,

Wali waxaa aad ku arkeeysaa Magaaladaa Iftiinkii ciida oo waxaa wadooyinka Magaalada ku xiran nalal habeenkii Nuuraya oo kala midab ah mid walibana bixinayo Qurux gaara ,

Waxaa xusid mudan in magaalada Mombasa ay dadku iskugu soo baxaan gobaha Cabitaanka iyagoo sidii magaalooyinka Soomaaliya ku dheelaya goobahaa Dumlad iyo Turub ama laadhu Xitaa runtiina waa wax aan ku soo Xasuustay Magaalada Muqdisho inta la fadhiisto Biibito hadana la ciyaaro Turub iyo wixii la mida,

axmeddheere65@hotmail.com 

Axmed Muuse Cabdulle(Idaawaqaca)

Kenya,Nairobi