::: Somalitalk.com Online Community :::::

WARARKA PUNTLAND:::

Warsaxaafadeed uu Qabaty Gudoomiyii hore Baarlamaanka DGPL Ing: Yuusuf Xaaji Saciid iyo iskahor imaadka Siyaasiyiinta Puntland.
MADAXWAYNAHA DGPL MAXAMED CABDI XAASHI oo GUDOOMIYE CUSUB U MAGABAABAY MAGAALADA BOOSAASO.
Xaaladihii ugu dambeeyay ee Dagaalada Puntland iyo Somaliland
MABAXWAYNE KUXIGEENKA DGPL MAXAMED CALI YUSUF IYO WAFTI UU HOGAAMINAYO OO KU SUGAN LAASCAANO.

Warsaxaafadeed uu Qabtay Gudoomiyii hore Baarlamaanka DGPL Ing: Yuusuf Xaaji Saciid iyo iskahor imaadka Siyaasiyiinta Puntland.

c/fatax jaamac
Somalitalkpl@yahoo.com

Waxaa shalay oo ay Taariikhdu ahayd 11 November 2004 Warsaxaafadeed ku qabtay xarunta Caasumda DGPL Gudoomiyihii Hore ee Baarlamaanka DGPL Ing: Yuusuf Xaaji Saciid isagoo sheegaya in uu yahay Gudoomiyaha Xaqaa ee Baarlamaanka DGPL ayadoo uu socdo kalfadhigii Labo iyo Tobonadaad ee Baarlamaanka DGPL oo Furmay 06 November 2004 kalfadhigaas oo looga hadlaayo Xaaladaha Dagaal ee kasoo Cusboonaaday Gobolada Sool ee Aricadeeye iyo Xaaldaha soo wajahday Dadka Reer Baadiyaha ah oo Roobabkii dhawaan da,ay ay wateeen Qaboow aad u Xoog badan oo lagu qayaasay 13 centy garet uu ka laayay Xoolihii iyo Dad intaba horena ay u soo mareen Abaaro aad u dheeraaday oo lagu tilmaamo in Xoolihii soomaaliya ay aad ugu baaba,een guud ahaan Soomaaliya.

Gudoomiyii Hore ee Baarlamaanka DGPL Ing: Yuusuf ayaa Warsaxaafadeedkiisa uu ku sheegayay in uu kala diray Xubnaha Baarlamaanka DGPL iyadoo ay ahayd hada xiligii lagu balamay in la kala diro waa sida uu u yiri Gudoomiyihii hore, Ing: Yuusuf ayaa waxa uu sheegay oo kale in ay Beelaha Puntland ku bahoobay ay soo magacowdaan Xubno Cusub oo u matala Baarlamaanka 15 Noveber 2004.

Ing: Yuusuf oo Saxaafadu ay wax ka waydiisay xil kaqaadistiisa ayuu ku tilmaamay in ay wax kajirin oo isagu yahay Gudoomiyaha Baarlamaanka oo ay ahayd taas mid ay ka soo shaqeeyen Xubno kamida Baarlamaanka iyo Xukuumda uuna Sharciga hor geeyndoono xiliga ay saamaxdo.

Dhanka kale waxaa aad u arkaysaa in ay jiraan iska hor imaadyo soo cusboonaanaya oo u dhexeeya Siyaasiyiinta kusugan Puntland Gudaheeda kuwaas oo aad u hunguriyaynaya in ay hogaanka Xukuumada DGPL gacanta kudhigaan oo ay kuwii hore u hayay kala wareegaan aygoo ku doodaya in ladoonayo isbadal siyaasadeed oo ka dhalata Puntland, Taas ayaa ay Shacabka Puntland ku dhalisay walaac ay ka qabaan in uu ka soo cusboonaada iska hor,imaad hubaysan ayadoo siyaasiyiinta isku haya Xilga isbadalaka ay hubaysanyihiin ayna haystaan hubka noocyadiisa kala duwan.

Maaha markii ugu horaysay ee ay isaga hor yimaadaan Siyaasiyiinta in ay hunguruyeeyaan in isbadal ka dhaco Puntland iyo in loogu daro Xiliga Maamulka haya xukunka Golihiisa Baarlamaanka iyo Xukuumada waxaa ay keentay Dagaal kasocday Puntland mudo Sanad iyo Bilo ah oo soo afjarmay xiligii ay heshiiyeen Jabhadii GBP iyo Xukuumadii DGPL ee uu Madaxweynaha ka ahaa Col: Cabdulahi Yuusuf oo hada ah Madaxweynaha Dowlada KMFS ee lagu soo doortay shirkii Dib,uheshiisiinta Soomaalida ee ka dhacay Kenya shirkaas oo ay isku raaceen Col: Cabdulaahi Yuusuf iyo Ninkii watay Jamhadaa oo lagu magaacabo Gen: Cade Muuse kadibna uu dib ugu soo laabtay Gen: Cade Muuse Gobolada Puntland markii shirka uu u doortay Madaxweyne Col: Cabdulaahi Yuusuf DKMFS.

Gen: Cade ayaa waxa uu ka mid yahay Siyaasiyiinta doonaysa in uu isbadal ka dhaco Maamulka DGPL isagoo shirar Gaargaar ah la galay Xubnaha Baarlamaanka DGPL, Qaar ka mida Hogaamiye Dhaqameedyada DGPL iyo Siyaasiyiinta, Gen: Cade Muuse ayaa Heshiiskii isaga iyo Xukuumadii DGPL Xiligii Col: Cabdulaahi Yuusuf aan ku darsan Hubkii iy Ciidamadii uu Watay oo Badankood ku sugan Magaalada Qardho lana sheegay in uu heegan galiyay intuu u kicitimin Dalka Canada oo uu Daganyahay hadana uu ku sugan yahay aydoo la sheegay in uu ku soo noqon doono Puntland Ciida Fidriga kadib marka uu la soo ciido Reerkiisa oo halkaa Dagan marka uu soo noqdana uu ka qayb galidoono is hardanka Siyaasadeed ee Puntland.

Dhanka kale Madaxweynaha DGPL Maxamed Cabdi Xaashi ayaa isugu yeeray Hogaamiye Dhaqameedyada Puntland Ciida Kadib si ay Go,aan uga gaaraan arimahaan waqtiga Puntland oo uu ku tilmaamay in ay jiraan Xaalado Dagaal iyo Abaaro oo Dadkii Xoolaha ay ka dhamaadeen Dhaqaalaha Puntland uu aad hoos ugu dhacay sababtaa awgeedna Mushaarooyinkii Shaqaalaha Puntland la bixin la,yahay.

Xiisadaha siyaasadeed ee hada jira ayaa weheliya xubno ka mida Maamulka ay raacsan yihiin kuwa isbadal doonka ah xubno kajooga Maamulka Dibadana ay raacsanyihiin Maamulka in loo Kordhiyo Xiliga si uu ugu soo diyaargaroobo in ay Doorashooyin ka dhacaan Puntland maadaama ay hada tahay isbadalka ladoonayo mid lamida xiligii la soo dhisayay DGPL August 1998 waa sida ay u yiraahdeene.

Xaaladihii ugu dambeeyay ee Dagaalada Puntland iyo Somaliland

Waxaa markay Taariikhdu ahayd 10 November 2004 u kicitimay Maagaalada Laascaano wafdi uu hogaaminaayo Madaxweyne ku xigeenka DGPL Maxamed Cali Yuusuf (Gaagaab) wafdigaa ayaa ka koobnaa Wasiiro iyo Xubno kamida Baarlamaanka DGPL.

Xubnahaas ayaa ahaa Gudi uu magacaabay Madaxweynaha DGPL Maxamed cabdi Xaashi kasoo lagu magacaabay Gudiga Difaaca Dalka oo uu Gudoomiye u yahay Madaxweyne Kuxigeenka DGPL.

Waxaa dhanka kale Somaliland iyagana ku sugan Magaalada Burco Gudi ka kooban Wasiiro oo ayaguna lagu magacaabay Gudiga Difaaca Dalaka oo uu Magacaabay Madaxweynaha Somaliland Dahir Riyaale Kaahin Gudigaas ayaa ku sugnaa Burco iyo Aaga hore ee Ciidamada Somaliland xiligii uu bilowday Dagaalka labada Dhan.

Dagaalkii dhacay 29 October 2004 oo la,isku adeegsaday Hubka noocyadiisa kala duwan oo ay ku dhinteen sida lasoo tabinayo ilaa Todobaatameeyo Qof oo Soomaali ah oo ka kala dhashay Labada dhan ee Dagaalamayey ayna ku dhawacmeen in ka badan, Dagaalkaa oo socday mudo lagu qayaasay Sagaal Saac, Dagaalkaa kadib oo ay labada dhanba ay sheeganayaan Guul iyo in uu Bilaabay Dagaalaka Midka kale ayaa Ciidamada labada dhan ay ku soo ururinayaan Goobta Dagaalka ayadoo laga Baqayo in uu ka qarxo Dagaal labada Maamul, Dadka degaanka Aricadeeye deganaa ayaa ka qaxay Guryahoodii Warar aan la hubin ayaa sheegaya in ay Dowlada Ethopia ay ku kala dhex jirto labada Maamul in uu mar kale ka qarxo dagaal lakiin mar aan wax ka waydiinay Maamulada labada Dhan ayaa sheegay in aysan arintaa waxba ka,ogeen lakiin ay labada dhanba ay sheegayaan in ay doonayaan Xuduudka Maamulkiisa.

Dhanaka kale waxaa jirta Baaqyo Nabadeed oo ka soo baxaya Hogaamiye Dhaqameedyada iyo Culimada diinta labada dhan kuwaas oo aan wax ka soo cusboonaada oo nabada aysan jirin aydoo aad arkayso in ay saameyn weyn ay ku yeelatay ugu badnaan Qalbiga Shacabka labada dhan, Dhaqdhaqaaqii Ganacsi iyo is dhexgalida Dadweynaha oo aad looga dareemi jirey Magaalooyinka Labada Maamul ee Puntland iyo Somaliland.

c/fatax jaamac
Somalitalkpl@yahoo.com

MABAXWAYNE KUXIGEENKA DGPL MAXAMED CALI YUSUF IYO WAFTI UU HOGAAMINAYO OO KU SUGAN LAASCAANO.

Friday November 12, 04.

LAASCAANO (Somalitalk).

wafti uu hogaaminayo madaxwayne ku xigeenka DGPL Maxamed Cali Yusuf ayaa muddo sadex maalmooda socdaal howleed ku jooga magaalada laascaano ee xarunta gobolka sool socdaalkan oo ay ku wehliyaan xubno ka tirsan wasiiro mana tirsan gudiga xaaladda gad daga ah.

madaxwayne ku xigeenka ayaa ka warbixiyay socdaalka howleed ee ay ku joogaan magaalada lascaano iyo halka uu marayao dagaalkii u dhexeeyaya labada ciidan ee Puntland iyo Soomaaliland mar uu u waramayay saxaafadda ayuu shaaca ka qaaday in maamulka Soomaaliland ay wadaan abaabul ay ku doonayayaan in ay weerar horle ku soo qaadaan deegaanada PL, gaar ahaanna deegaananada gabolka sool, sanaag iyo cayn.

mar wax laga waydiiyay waxa ay ka yeelayaan maamulka Puntland hadii ay weerar ku soo qaadaan maamulka Soomaaliland ayuu sheegay in ay mar walba noqonayaan kuwo difaacidoona deegaanadooda iyo waliba gardarada la doonayo in lagu soo qaado shacabkooda in ay marwalba diyaar unoqonayaan isdifaacidda danahooda waxa uuna raaciyay intaa hadii ay lacala dhacdo in ay abaabulkooda weerar soo qaadaan ay iyaguna qaadi doonaan weerar kaa lamida ayna gayndoonaan oog oo ah halka ay u ah deegaanka oo ay asal ahaan ka soo jeedaan.

madaxwayne ku xigeenka ayaa intaa kadib sheegay mar wax laga waydiiyay in ay jiraan isimo ka soo jeeda maamulka Puntland hadalkoodii ahaa in labada ciidan ee Puntland iyo Soomaaliland in ay isaga baxaan goobaha ay ku dagaalamayaan, ayuu beeniyay madaxweyne ku xigeenku waxa uuna sheegay in warkaa labaahiyay uu ahaa mid aysan sal iyo raad ku lahayn isimada lamagacaabay, waxa uuna yiri waxay ahaayeen kuwo taageersan maamulka Soomaaliland balse aysan ahayn kuwa lamagacaabay taana ayuuyiri waxaa ka mudaharaaday shacabka reer Puntiland ee ku sugan gobolka sool.

waxaa isna beeniyay arinka isimada lagu sheegay in ay u gudbiyeen saxaafadda gudoomiyaha gobolka sool (Baaruud) waxa uuna tibaaxay in isimada lacarabbaabay ay qaarkood kamaqanyihiin gudaha Puntiland.

mar wax laga waydiiyay sidoo kale maxaabiistii lagu kala qabsaday dagaalladii ka dhacay Adhicaddeeye, 29-kii Octoober, ayuu ku tilmaamay in haatan ay ku xiran yihiin maxaabiistii ay qabteen Xabsiga Dhexe ee magaalada Garoowe ee caasimadda DG Puntland. Maxaabiistan ayuu sheegay in la daryeelay, si aad u wanaagsanna loola dhaqmayo. Waxa uu Madaxwayne ku Xigeenku si caro ay ku dhehantahay uga jawaabay su’aalo laga waydiiyay halka ay kusugan yihiin maxaabiistii Puntland isaga oo sheegay in Maamula Riyaale Kaahin ay ku xadgudbeen xuquuqda caalamiga ah ee maxaabiista dagaalka lagu soo qabto.

waxaa ay dileen Col. Axmed Raan oo ay nolol kuqabteen, taasna waxaa lagu caddayn karaa maamulka Riyaale oo saddex jeer oo kala duwan soo gudbiyay liisas kala duwan oo ah maxaabiista ay hayaan" ayuu ku jawaab celiyay Madaxwayne ku Xigeenka Puntland.

mar wax laga waydiiyay in maamulka Puntiland ay lagalayaan maamulka Soomaaliland waan waan ayuu sheegay in aysan taa marnaba dhacaynin asagoo arinkaa xooga saaraya, waxaana jirayay marhore oo lawaydiiyay in ay waan waan lagalayaan Soomaaliland ayuu sheegay in ay dhacyso oo kaliya marka ay ayagu diyaar u noqdaan in ay isga baxaan gobolada Puntlan ee Sool iyo cayn kadibse hadahadal uu dhex mari doono.

sahrosiglan@mail.com

MADAXWAYNAHA DGPL MAXAMED CABDI XAASHI oo GUDOOMIYE CUSUB U MAGABAABAY MAGAALADA BOOSAASO.

12/11/2004 Jimce November.

Boosaaso (somalitolk)- Qoraal dikreeto oo kasoo baxday xafiiska madaxwaynaha dawlad goboleedka Puntland Maxamed Cabdi Xaashi ayuu ku magacaabay guddoomiye cusub degmada Boosaaso .

Dikreetadan madaxwaynaha Puntland xafiiskiisa ka soo baxday 10/11/2004 ayaa shaqadii looga fariisiyay guddoomiyihii degmada Boosaaso Col: Cabdi Yaasiin waxaana uu u magacaabay inuu noqdo guddoomiyaha cusub ee degmadaasi Boosaaso Rooble Cumar Gudcur .

Madaxwaynaha dawlad goboleedka Puntland ayaa dikreetadiisa ku caddeyay in guddoomiyahan shaqada sababta laga wareejiyay ay tahay in uu sameeyay maqal la'aan iyo wax qabad la'aan.

Col: Cabdi Yaasiin oo aan isku daynay inaan la xiriirno oo arimahaasi wax kawaydiinno ayay noo suurto galikariwayday inaanu helno.

Sikastaba ha ahaatee guddoomiyahan cusub ee uu magacaabay madaxwaynaha dawlad goboleedka Puntland ayaa labo goor oo hore loogu magacaabay inuu guddoomiye u noqdo degmada Boosaaso balse maysan suurto galin sababo maamul darteed

sahrosiglan@hotmail.com

SomaliTalk Nairobi | Nov 12, 2004

BAAQ NABADEEDKII CULIMADA SOOMAALIYEED::::

Taariikh Nololeedkii Hogaamiyihii Taariikhiga Ahaa Ee Reer Falastiin, Yaasir Carafaat. 1929-2004

ISHA SAWIRADA: Google Search