Hadalada ka soo yeedhay koox isku magacawday inay yihiin ururka badbaadinta
ee ururka wadaniga ogadenia , ayaa sheegay ka dib markii ururku isugu
yimaadeen shirkii dhacay bishii june ee 2004 ta . Ayaa khilaafaad soo kala
dhex galay ururka , ka dib markii laga codsaday hogaanka ururka ONLF inuu
qabto shirwayne lagu soo dooranayo hogaan cusub waa sida hadalka kooxdaasi
ay u yidhaahdeene.
Hadaba sida ay kooxdaasi ka codsadeen dadka iyagu ay matalaan ee reer
ogadeinya , waxay ka codsadeen inay hakiyaan taageeradii dhaqaale ee ay siin
jireen jabhada ilaa inta shirwayne laga qaban doono oo lagu soo dooran doono
hogaan cusub. Waxa hadaba u baahan in lays waydiiyo su'aalo dhawr ah .Intee
in le'eg ayay dadwaynaha reer ogadeniya taageersan yihiin jabjahada
xilligan xaadirka ah ? . Sidee ayaase loo dareen san yahay khilaafkan maamul
ee soo dhex galay jabhada. ?. Mase dhici kartaa in ay jabhada ONLF ay
baaba'do ? hadiise ay baa'bado maloo darsan doonaa mise waa laga maarmi
doonaa ? maadaama ay jiraan dhibaatooyin fara badan oo loo gaystay , dhamaan
dadwaynaha somaliyeed ee dagan degaanka bariga Ethiopia .
Waxaan su'aalahan u dhaafayaa jawaabahooda , dadka somalida Ethiopia ee
iyagu daneeya danta guud ee Somali Galbeed. Waxa kale oo is waydiin mudan ,
hadii in badan jabhada ONLF ay cabudhis ku haysay dadka kale ee dagan Dhulka
somalida Ethiopia , ma jiraan dadkale ama ururo kale oo matali karaa ummada
somalida Ethiopia taasoo siyaasad ahaan iyo magac ahaanba ka duwan tii ONLf.
Sida ururkii hore loo oran jiray Somali Galbeed iyo kuwo kale oo imikaba ka
jira kililka shanaad. Waxaan hadaba kula talin lahaa dhamaan dadka iyagu
danta iyo dhulkaba wadaaga ee Somali Galbeed in ay danahooda ka tashadaan .
Hadii ay burburto Onlfna ay ka faa'iidaystaan hadii uu jiray cabudhis ay
Onlf cabudhin jirtay dad badan oo nabad ama magac kale oo lagu halgamo
doonayay. Khaasatan ururkii la odhan jiray Ururka Somali Galbeed maxaa
yeelay waa ururka qudha ee matali kara shacbiga soomaaliyeed ee reer
Ethiopia hadii majaraha ay u qabtaan dad daacad ah.Isugana yeedhaan dhamaan
ururada kala duwan ee ka jira dibada iyo dalka ee ka soo jeeda dadka reer
Somali galbeed. Kuna casuumaan xataa dadkii hore ee isku magacaabi jiray
inay yihiin ONLF , waayo ? walaalkaa hadii uu qalad kaa galo waxaa wanaagsan
in aad adigu ka roonaato oo aad cafido. Taasi hadii la helo waxa la gaari
karaa mustaqbal iyo nabad gelyo, waxaana mar walba aad niyada ku haysaan
inaad dadkii reer miyiga ah ee abaaraha iyo xabada ONLF iyo xabashidu ay
baabi'isay loo dhaamo xaalada ay ku sugan yihiin. Dhulkiinana aad ka
dhigtaan sida shacabka kale ee Ethiopia , mustaqbalka caruurtiinana aad ka
talisaan hadii idinku aad qabiil iyo macna daro isku haysataan.
Nabadey.
ALI ALI <beeldaaje@hotmail.com>