JOOJINTA DAGAALKA GELINSOOR IYO HOBYO
- BAAQ NABADEED Kasoo Baxay
Waxgaradka & aqoon yahanada beesha Habar Gidir ee UK
- Beehsa Shiikhaal oo baaq ka
soo saartey dagaalada beelaha Sacad iyo Saleebaan
- Baaq Nabadeed kasoo
baxay Afhayeenka MGPL oo ku wajahan Dagaalka ka socda Mudug
Galguduud
- Bayaan Nabadeed ay soo
saareen culumada Gobolka Mudug
- Salaadiinta
Beelaha Daarood oo Baaq Colaad Joojina ka Soosaaray Dagaalada
Gelinsoor iyo Hobyo...
- Deegaan Baaxadiisu ka Badantahay 250 Km oo
Dagaal Lagu Hoobtay ka Socdo...
- Baaq
ku socda Beesha Habargidir.
BAAQ NABADEED Kasoo Baxay
Waxgaradka & aqoon yahanada beesha Habar Gidir ee UK
Waxgaradka iyo aqoon yahanada
beesha Habar Gidir ee ku nool dalka ingiriiska gaar ahaan
magaalada Birmingham ee Boqrtooyada ingiriiska ayaa shir ay
yeesheen waxay si wadajir ah usoo jeedi nayaan baaq nabadeed si loo
xakameeyo loona joojiyo dagaalada kasoconaya gobolada Mudug iyo
Galgaduud iyadoo nuxur ahaan aan soo jeedi nayno talooyinkaan:-
- 1. In si shuruud la'aan ah
loo joojiyo dagaalada soconaya
- 2. Inla furo wada xaajood si
loo dhameeyo muranka taagaan
- 3. In wadada la qaadayaa
noqotaa 'Shareecada Islaamka' si deg deg loogu taago tiirarka
nabadda loona hakiyo colaadda
- 4. In dhaqso loo joojiyo
hurinta iyo taakulaynta dhiilada colaadda
- 5. In deg deg loo jiscimo
lana diro waxgarad labada beelood ah si ay u gaaraan goobaha
shidada colaadu ka aloosantahay si loogu caqli celiyo walaalaha
is-maan dhaafay oo is-dilaya
Waxaa baaqaan nabadeed diraya:-
- 1. Abdirahmaan Sheekh
Nur Hassan
- 2. Maxamed Xuuriye Cilmi
- 3. Inj Mahamuud
Cabdullahi Mahamuud
- 4. Inj Ahmed Khayre
Guutaale( ingiris)
- 5. Abdi Guuleed Farax
- 6. Abdullahi Isse M (Durraan)
- 7. Diini Maxaed Dini
- 8. Omar Warsame Xirsi
- 9. Mahamed Mire Ali
- 10. Ahmed ali Awaale
- 11. Siciid Xasan Ereg
- 12. Omar Suuri M Rooble
- 13. Mahamed Ali Diirshe
- 14. Siciid Yusuf Guuleed
- 15. Cabdullahi Axmed Codka
- 16. Abdullahi Abdulle
Ismanciil,
Waxaanna uga tacsi yaynaynaa intii
dhimatay samir iyo iimaan alaha kasiiyo ,
AAMIIN,AAMIIN,AAMIIN,
kala xiriir: cabiraxman shekhnur
cabdiraxmanshekhnur@yahoo.com
Beehsa
Shiikhaal oo baaq ka soo saartey dagaalada
beelaha Sacad iyo Saleebaan
Dec 6, 2004
Shir balaraan
oo aay isku yimaadeen beesha Martiile Hiraab (Shiiqaal)
ee ku nool cariga ingiriiska gaar ahaan
magaalada London ayaa lagu lafa gurey xaalada
dagaalada ka soo cusboonaaday deegaanada
Galinsoor Hobyo iyo tuulooyin kale ,dagaaladas
oo u dhaxeeya beelaha sacad iyo saleebaan oo ka
tirsan beelweeynta Madarkicis Hiraab ee (Habargidir
).
Waxgaradka
beesha Shiiqaal waxeey ayaga oo ka xun
dagaaladas uga hadleen shirkooda dhibaatada
dagalkaas sababey iyo cawaaqib xumada laga
dhexley, waxeeyna sheegeen in walaalaha is
dilayaa ee sacad iyo saleebaan aaneey u
baahneeyn dagaal lagu waxyeelo cuduudood iyo
muruqooda kaas oo keeni kara dhibaata ku timaada
guud ahaan beelaha hawiye gaar ahaan beelaha
hiraab.
Dhamaan
xubnihii ka qeeyb galey shirka waxeey muujiyeen
walwalka aay ka qabaan dagaalada u dhaxeeya
beelaha walaalaha ah ee u dhaxeeyo dagaalka lagu
wareemayo waaxyaha beelaha hiraab.
Wax garadka
beesha Shiiqaal gabagabadii shirka waxey ka soo
saareen baaq ay u jeediaan labada beelood ee
dagaalku u dhaxeeyo ee sacad iyo saleebaan
waxeeyna ugu baaqeen.
- 1-In
dagaalka u dhaxeeya labada beelood ee
saleebaan iyo sacad si sharuud la,aan ah
lagu joojiyo.
- 2-In
labada dhinac aay ogolaadaan wada haal
sharuud la,aan ah oo lagu dhameeyo xaalada
dagaalada.
- 3-In waxii
dhibaatooyin ah ee jira lagu dhameeyo qaab
walaalnimo ah oo leh garaasho iyo
garwaaqsi.
- 4-In
walaaha is dilayaa aay u turaan maatida aay
ku dhex dagaalamaayaan ee aan xamil Karin
dhibaatada dagaalada.
- 5- In aan
wax la yeelin deegaanada dadka iyo goobaha
maatida dagan yihiin ee adeega bulshada.
- 6- In
dadka aan loo gumaadin heeyb qabiil lana
dhowro ergooyinka nabada si dabka loo
baqtiiyo.
- 7- In
labada dhinac aay hilmaamaan cadaawada caqli
xumada aha labada dhinacna aay xasuustaan
qiimaha walaalnimada si aan loogu tarax
tagin in colaadu la sii fogeeyo.
- 8-in
dagaalada aan la siyaaseeyn ee la dhaqameeyo
si loo helo albaabkii colaada lagu dhameyo.
Ugu dambeeyn
waxeey dhamaan beelaha hawiye ugu baqeen in aay
u istaagaan sidii aay u joojin lahaayeen dhiiga
sokeeye ee macno la,aanta u daadanaya.
C/laahi macalin
sahal (ciro) oo ka mid aha waxgaradki shirka oo
ku hadalayay magaca beesha shiiqaal ayaa sheegay
in shirkan mid ka balaaran la qaban doona aayna
ka qeeyb gali doonaan dhamaan beelaha hawiyo
shirkaasina uu u magaacibo doono ergiiyin ka
qeeyb qaata xalnta dhibaatada dagaalkaas.
Beeqa waxaa
beesha martiile hiraab shiiqaal u wakiilatey in
aay magacooda ku saxiixaan.
- 1-Cabdi
Sheeq Xaaji maxumed
-
2-Cabdulaahi Macalin Cabdi sahal (cirro)
- 3-Muuse
Sheeko Xariir
- 4Sheekh
Daahir Sheekh Xuseen Raaliyo
-
5-Ceydaruus Cali Dhoof
- 7-Xaaji
Jaabi
- 8-Xaaji Ow
Mmuuse Duceeye
- 9-Cumar
Macalin Nuur
- 10-Dr.
Cabdi Sheekh Aadan
UJEEDO:
BAQ NABADEED
Anaga oo
ka tiiranyaysan dagaalada iyo colaada
baryahaan ka dhexsocotay, dadka
walaalaha ah ee wada daga Gobolada Mudug
iyo galgaduud ee Sacad iyo Saleeman,
waxaan u soo jeedinaynaa in ay si
sharuud la,aan ah u joojiyaan dagaalka
naxariis la,aanta ah, ee ka socda
deegaanadaas, una dhaga nuglaadan
baaqyada nabadeed ee ka imaanaya gudaha
iyo dabada, ayna u bilaabaan wada hadal
nabadeed sida ugu dhaqso badan.
-
In
la kala qaado ciidamada is hor
fadhiya.
-
In
la bilaabo wadahadal nabadeed.
-
In
laysku celiyo wixii hanti ah ee la
kala qabsay.
-
In aan
colaadaas dib danbe u bilaaban.
MAGACYADA
DADKA BAAQA DIRAY
-
Ugas Axmad Sh. Maxamud
-
Cabdi Xasan Nuur (Cadaawe)
-
Suldan Cumar Xaaji Yusuf
-
Dahir Macalin Abshir
-
Maxamed Carab Cilmi
-
Maxame Farax Jumcale(sandhere)
-
Cali
Cisman Xayle(Buuje)
-
Maxamed Cali Abti-doon
-
Caamir
Ciise Lugoole
-
Axmad
Xasan Cali Dhoore.
-
Xasan
Maxamed Caynte.
-
Cabdi/casis
Xaaji Maxame.
-
Cabdi/risaq
Axmad Sh.labaale.
-
Cabdi/xakin
Cisman-Luudo.
-
Cabdi/casis
Siciid Geesood.
-
Avv.
Xusen Diiriye Afrax.
-
Cali
wehliye maxamed.
-
Khalif
Sh. Maxamud (Gacmadheere.
-
Yasin
maxamed Cosoble
Wabilahi
towfiiq
Waxaa soo
tebiyey:
Axmed
Muuse Cabdulle(Idaawaqaca)
axmeddheere65@hotmail.com
Kenya, Nairobi
JOOJINTA DAGAALKA GELINSOOR IYO HOBYO
Afhayeenka maamul Goboleedka Puntland Manchester/Uk
Hussein Maxamed Huubsireed .
Bismilaahi Raxmani Raxiim
Baaq Nabadeed Dagaalka ka socda Mudug Galguduud
Dec 6, 2004
Aniga oo ku hadlaya afka shacab waynaha Puntland iyo Somalida inta nabada jecel ,
waxaan baaq nabadeed u soo jeedinayaa shacabkaa walaalaha ah , ee islaamka ah, ee
soomaalida ah , ee dhiigoodu sida micna darada ah ku daadanayo in ay si shuruud
la'aan ah u joojiyaan dagaalka. walaalayaal dagaal wiil baa ku dhintee wiil kuma
dhasho , in aan Dagaal ahli micna lahayna waxaad ku ogaanaysaan maanta labadii isla
dhalatay ayaa is dhamaynaysa , waxaan ilaahay ka rajaynayaa , kana baryayaa in
dagaalkaas uu qaboobo , hadaanu nahay shacabka reer Puntland aad baanu uga xunahay
dagaalkaas micna darada ah, Ilaahay u noqda , is cafiya , ka shaqeeya wanaag iyo
nabad , wada dhalashadiinana ha ilaawina , Gobolada dhexe waa xuduntii wadanka , in
maanta meel Somaliya ka mida lagu dagaalamo waa khalad ,barakac iyo qax caruurtiina
ha u horseedina , maanta waxaa lagu tartamayaa waa wanaaga , wakhtigii xumaanta iyo
dagaalku xiisaha lahaa waa dhamaaday 14 sano noogu filan Cashar dhibaata ah .
Islaanimadu waa qaali , Aano qabiilna waxaanba u arkaa Casri jaahiliya , Diinteenaa
na faraysa in qofkii qof dilaa la dilo , laakiin qof aan waxba galabsan iyo
mushtamac dhan in ay shakhsi wuxuu gaystay isu baa'bi iyaan waa khalad.
Caqligu ha shaqeeyo caadifada dagaalkuna ha dhamaato.
waxaan ka codsanayaa inta ay khusayso oo wax ka qaban karta kala dhex galida dadka
walaalaha ah in aysan wakhti intaa ka badan la sugine ay goobta dhibaatadu kajirto
tagaan kalana dhex galaan,Qaboojiyaana dagaalka,
Wabilaahi Tawfiiq
Afhayeenka Maamul Goboleedka Puntland
Hussein Maxamed Huubsireed
mohamoud_hussein@yahoo.co.uk
Faafin: SomaliTalk.com | Dec 6, 2004
Golaha wasiirada DFKMG
ah ee Somaliya ayaa baaq colaad joojineed u diray dagaal
beeleedka haatan dib uga soo cusboonaaday goobo kamida
Gobolada Mudug iyo Galguduud
Axmed Muuse
Cabdulle(Idaawaqaca)
axmeddheere65@hotmail.com
Kenya, Nairobi Somalitalk
Dec 5, 2004
![gelinsoor](gelinsor.jpg)
Sawirka AFP: 12-2-2004:: 28 qof ayaa ku dhintay
Gelinsoor, labaatan iyo labo ka mid ah dadka la diley meydkooda
waxaa Khamiistii la geeyey Gaalkacyo, sidaas waxaa qoray AFP
SOMALIA NEWS: TODAY
|
Shir deg deg ah oo
Golaha Wasiirada DKMG federaaliga ah ee Somaliya ay ku
yeesheen magaalada ay haatan kusugan yihiin ee Naivasha
ayay kulankoodaasi ka soo saareen Baaq Colaad joojineed
oo ay u dirayaan beelaha Soomaaliyeed ee haatan Dagaalka
Sokeeye ku dhex marayo Goobo kamida Gobolada Mudug iyo
Galguduud.
Dagaalkaasi sokeeye ee haatan markale dib uga soo
cusboonaaday Goobo kamida gobolada kor ku xusan ee mudug
iyo Galgaduud ayay wasiiradu ka muujiyeen walaac, iyaga
oo sheegayna in dagaalku aanu wax faa'iido ah usoo
kordhinayn beelaha walaalaha ah ee goobahaasi isku
dilaya,waxa ayna wasiiradu baaqoodaas colaad joojinta ah
ku muujiyeen sida ay uga xun yihiin dagaal markale
soomaaliya dib ay isugu laayaan hab beeleed. iyada oo
xiligan lagu jiro dib u heshiisiin iyo dhismaha dawlad
Qaran.
Golaha Wasiiradu waxa ay ku baaqayaan in dagaalka la
joojiyo si sharuud la'aan ah wixii khilaafad ahna lagu
xaliyo nabad iyo wada xaajood, Golaha Wasiiradu waxa ay
ugu baaqayaan dhammaan shacabka Soomaaliyeed inay gacan
ka geystaan hirgalinta nabadda iyo ka hortagga colaadaha
dhexmaraya ummadda walaalaha ah.
baaqaan colaad jiijinta waxaa ku saxiixan Ali Mohamed
Faqi Wasiirka Wasaaradda Warfaafinta.
Faafin: SomaliTalk.com
| Dec 5
Bayaan Nabadeed ay soo saareen
culumada Gobolka Mudug
sahrasiglan
sahrosiglan@mail.com
SomaliTalk (Garoowe) | Dec 4
Bayaankan ayaa ka dambeeyay kadib
markii ay labo beelood oo wada daga gobolka galgaduud dagaalameen
ayna ku dhinteen tiro ka badan labaataneeyo halka ay tiro kale oo
gaaraysa afartameeyana ay ku dhaawacantay, waxaana jira warar
sheegaya in ay jiraan abaabul dagaal ayadoo maalmahanba laga cabsi
qabo in ay dagaalo kuwaa lamida ka aloosmaan gudaha magaalada
galkacyo, waxaana jira tan iyo maanta in ay gabi ahaanba xirnaayeen
dhaqdhaqaaqii ganacsi ee magaalada galkacyo gaar ahaanna goobaha
ganacsi ee labada beelood ee dirirtu ay dhexmarayso, waxaana jira
dadaalo ay wadaan maamulka, odayaasha, iyo dhalinyadada gobolka
mudug kuwaasoo lagu doonayo sidii loo dhexdhexaadin lahaa labada
dhinac ee bahwadaagta ah.
Waana kan baaqii culimaa'udiinka
Gobolka Mudug
Jamhuuriyadda
Soomaaliya
04/12/2004
Ujeedo:- Baaq Nabadeed
Anagoo ah culimaa'udiinka gobolka
Mudug waxaanu baaq nabadeed usoo jeedinaynaa beelaha walaalaha ah ee
maalmihii ugu dambeeyay ku dagaalamayay gobolka Galguduud iyo meelio
ka mid ah Gobolka Mudug.
Waxaanu usoo jeedinaynaa labada
beelood ee walaalaha ah in dagaalka ay si shaqso ah u joojiyaan oo
ay wada hadal ka yeeshaan waxyaabaha ay kala tirsanayaan, waxaan
kaloo u sheegaynaa in dagaalku uu adduun iyo aakhiroba khasaaro
yahay, dad kudhinta mooyee aysan cidi ku dhalan.
Culimaa'udiinka gobolku waxay aad
uga xunyihiin dhiiga dadka Islaamka ah ee daadanaya. Waxay kaloo ku
baaqayaan in qof dhintay uusan soo noqonayn ee labadbaadiyo dadka
haatan nool.
Hadaba waxaan mar labaad usoo
jeedinaynaa beelaha dagaalamaya inay aqbalaan baaqan nabadeed ee
kasoo baxay culimada gobolka Mudug.
![](culimo.JPG)
Wabillahi Towfiiq
Waxaa soo tebisey
sahrosiglan@mail.com
Salaadiinta
Beelaha Daarood oo Baaq Colaad Joojina ka Soosaaray Dagaalada
Galinsoor iyo Hobyo ku dhaxmaraya labo beelood
Axmed Muuse Cabdulle(Idaawaqaca)
axmeddheere65@hotmail.com
Kenya, Nairobi
Nov 4, 2004
- N.B Qoraalkan waxaa i soo
Gaarsiiyay Ugaas ka Mida Salaadiinta Beelaha Daarood iina shegay
in uu yahay
- Afayeenka Salaadiinta
Beelaha Daarood Ugaas C/wali Sh Maxamed Nuur
- ku beelaha ku dagaalamaya
deegaanka gallinsoor & hobyo
Ujeedo baaq nabadeed
waxaa ansiib darro ah 14sano kadib
in umadda somaliyeed wali u xiiso qabaan dagaallo sokeeye, waxaa
lagu tilmaami karaa dagaalka ka socda degaamada aan kor ku soo
xusney, ayaan darro usoo hoyatey muslimiinta, gaar ahaan ummadda
soomaaliyed, sidaas darted waxan ugu baaqeynaa annagoo ah
salaaadiinta beelaha daaarood,, qodobada soo socda:-
1- Wa in ay xabbada joojiiyaan
Beelaha ku dagaaalamaya deegamada Hobyo & Gallinsoor si shuruud
la'aan ah, ayagoo fiirinaya dhiiga sokeye e lagu daadinaayo macno
la'aanta iyo bara kaca ka dhalanaya daagaalada sokeye.
2- Waa in loogu gurmado si aan kala
har laheyn si loo joojiyo dhiiga daadanaya e walaalaheena, isla
markaana ay hormuud ka noqdan Culimaa'udiinka, Ganacsatada iyo
Dowladda federaalka e soomaaliya, si loo yareeyo khasaaraha
balaaaran e ka dhalan kara haddii udagaalka sii socdo.
3- Waxaa haboon in la xusuusto
dagaal sokeey in aan laga gaaraynin wax faa'iido ah aakhiro iyo
aduun midnaba, sidaas darted waxaan mar kale ugu baaqaynaa walaahaha
is-dilaya sii shuruud la'aan ah inay xabbada u joojiyaan wax kastana
lagu dhameyo wada hadal.
FIIRO GAAR AH:-
dhamaan ummadda Soomaalaiyeed
waxaan ugu baaqaynaa meel kast oo ay joogto inay ka bayb qaataan
sidii loo joojin lahaa dagaalka sokeeye ee ka bilowday dagaamada
Hobyo & Gallinsoor.
wada shaqayntu waxay leedahay
horumar
N.B Qoraalkan waxaa i soo
Gaarsiiyay Ugaas ka Mida Salaadiinta Beelaha Daarood iina shegay in
uu yahay
Afayeenka Salaadiinta Beelaha
Daarood Ugaas C/wali Sh Maxamed Nuur
Deegaan Baaxadiisu ka Badantahay 250 Km oo
Dagaal Lagu Hoobtay ka Socdo
Cabdi Xasan somalitalk/Muqdisho
abdi172@hotmail.com
Dec 3, 2004
Laga
bilaabo Gelinsoor ilaa hobyo ,dhanka kale Qaydaro ilaa meel udhow
Xarardheere, ayaa dagaal ku dhexmarayaa Beelaha Sacad iyo Saleemaan ee
H/Gidir. 48kii saac ee la soo dhaafay dad ka badan ilaa 58 qof ayaa ku
nafwaayay masiibadaas dagaal; dhaawac gaaraya in ka badan 100 qofna waa
la xaqiijiyay.
Maraan khadka isgaarsiinta Fooniyaha kula
xirriirnay aagagga dagaalku ka socdo waxaa naloo xaqiijiay in Gelinsoor
ay ku dhinteen ilaa 31 qof, Hobyo 12 qof , Qaydaro 9 qof, meelo kale
sida Isbitaalada Galkacyo iyo Cadaado waxaa iyana ku dhintay ilaa iyo 7
qofood.
Dadka aanu la xiriirnay waxay sheegeen in
dagaalka halkaa ka socda aan lagu tilmaami karin dagaal qabiileed, balse
la moodo laba Dawladood oo isku haysta xuduud dhuleed, dhammmaan hubabka
waawayn iyo qoryaha darandooriga ayaa labadii maalmood ee lasoo dhaafay
ka onkadayay xuduudda dheer ee u dhaxaysa labadaas beelood ee walaalaha
ee ay iskugaysay sagaaradu biyaha waa cabtaa iyo ma cabto. Tikniko ka
badan ilaa iyo 35 iyo maleeshooyin faro badan ayaa hadda isku hor
fadhiya magaalada galinsoor oo ah xuduud ay ku kulmaan labadaas
beelood.sidoo kale dhamaan meelaha ay iska galaan labadaas beelood waxaa
ka socda dagaal aan waxba la isukala harin sida Qayadaro, Hobyo iyo baadiyaha
udhexeeya deegaanadaas.
Ilaa iyo hadda ma muuqato cid isku
xilqaantay inay joojiso dagaalkaas galaaftay dhalinyaro badan oo soo
koraysa, waxaase aad moodaa in loogu deeqayo gurmad qaaraan oo sii
hurinaya colaad sii fogaata sida laga dareemayo meelaha hubka lagu kala
gato oo maalamahan suuq helay.
Ka dib markii la dilay 5 oday dhaqmeed iyo
guddoomiyihii degmada Cadaado,oo u dhashay beesha Saleemaan,waxaa cirka
isku shareeray colaadii u dhaxaysay labadaas beelood oo markii hore isku
qabtay ceel biyood oo WIYEER ah -Anaa kaa hor cabbin iyo maya anoo ina
hebel ah see iga hor cabtaa baa arini ka bilaabtay markeedii
hore--maantase ay marayso in la isku adeegsado Sawaariikhda lidka
diyaaradaha iyo baaburta guuxa dheereeya ee aan waxba reebayn, halkii
waagii hore la isku adeegsan jiray tooray iyo waran.
BAAQ
NABADEED
Ku: Dhamaan inta Nabada Jecel, Odayaasha, Duqowda, Dhalinyarada, Waxgaradka,
Culumadiinka iyo Aqoonyahanada Beesha Habargidir.
Waxaa halkaan kusoo gudbineynaa baaq
nabadeed aan u direyno beellaha wada dhashay ee kunool gobalka Mugud, gaar
ahaan, Dagmada Galinsoor. Waxaan marka hore ka codsaneynaa ineey joojiyaan
dagaalada ahliga si shuruud la'aan ah. Kadib markaan u kuurgalnay xaalada
ka aloosan Degaanadaas, waxaa inoo soo baxday in si degdeg ah loo soo afjaro
dhamaan wixii colaado ah iyadoo la tixgalinayo qodabada soo socda:
· In waxwalba oo dhibaato ah lagu soo afjaro qaab toosan oo wadahadal ku
dhisan, iyadoo la kaashanayo waxgaradka labada beelood ee walaalaha ah.
· In laga hortago colaadda ka taagan deeganaadaas si aysan ugu fiddin
goobaha nabdoon ee xasiloonida ka jirta.
· In waxgarad firfircoon lagu xoojiyo gudigii labada dhinac ka socday ee loo
diray degaanadaas, isla markaasna door weyn loo furo waxgaradka beesha
Habargidir, si ay nabad waarta ugu soo dabaalaan degaanada colaadu saameesay.
· In laga feejignaado dhibaatooyinka ey marwalba maleegaan cadowga jecel
burburka beelaha wadadhashay iyadoo si qotodheerleh loo baarayo waxyaabihii
kalifay iskudhaca iyo dadkii ka danbeeyay. Sidoo kale, waa in la baadigoobaa
qadiyad mideysan oo u adeegta danta iyo midnimada beesha si mustaqbalka
looga hortago, loona fashiliyo waxwalba oo keeni kara iskudhac iyo dhiig
daata.
Kalfadhigan oo si degdeg ah uga dhacay magaalada Boston, kana soo qeybgaleen
Aqoonyahano iyo Nabadoono ka socda Beesha Sacad ee ku dhaqan Boston iyo
nawaaxigeeda, waxay kala yihiin dadkaas sida soo socota:
1. Prof. Sh. Cabdi Geele Bootaan - Caaqil/Nabadoon
2. Prof. Cabdirisaaq Xuudi - Aqoonyahan
3. Cabdinaasir Xaashi Maxamuud (Teytaro) -- Gudoomiyaha Beesha
4. Eng. Cabdidheere Cabdullaahi Axmed - Aqoonyahan
5. Cabdixakiin Maxamuud Axmed - Mujaahid/Halgame
6. Mahad Diini - Nabaddoon
7. Maxamuud A. (Digool) - Caaqil-Nabadoon Sacad
8. Sh. Yaasiin Iimaan Aadan - Caalim Diineed
9. Gen. Dhajac Tahliil Maxamuud - Nabadoon
10. Dr. Cabdulaahi Xasan (Kabalabi) - Aqoonyahan
11. Fiqi Sh. Max'ed Iimaan - Ganacsade
12. Sh. Cabdullaahi Warsame Xaashi - Ganacsade/Nabaddoon
13. Xasan Rooble (Baasaweyne) - Nabadoon/Ganacsade
14. Sh. Cabdullaahi Axmed Guuleed - Caaqilka Beesha
15. Cabdishakuur Aadan (Dharijabshe) - Siyaasi/Ganacsade
ibrosjey@juno.com
Faafin: SomaliTalk.com | Dec 3, 2004
Afeef: Aragtida baaqaan waxaa leh magacyada kusaxiixan
Kulaabo bogga www.SomaliTalk.com
|