Barnamujka
caawa Radio Xoriyo ka baxaya waxuu ka
kooban yahay.
- Ciidamada
gumaysiga Itoobiya oo 4 nin oo xoolo dhaqato ah ku dilay gobolka
Qorraxay.
- Xabsiga Jig-jiga
oo laga waayey Maxaabiis ku xidhnayd iyo weliba dad xabsiga loo
taxaabay.
- Khilaaf soo kala
dhexgalay Ciidamada Maraykanka ee ku sugan Magaalada Goday iyo Ciidamada
Itoobiya:-
- Ganacsatada Reer
Ogaadeeniya oo ka cabanaysa Joojinta lacagta Shilin Soomaaliga ah.
- Barnaamujkii
aragtida halgamaaga iyo suugaan halgameed.
Ciidamada gumaysiga
Itoobiya oo 4 nin oo xoolo dhaqato ah ku dilay gobolka Qorraxay.
Xadgudubka ay ciidamada
gumaysiga Itoobiya ku hayaan dadweynaha reer Ogadeniya ayaa maalinba
maalinta ka denbaysa ka sii daraya, waxaana hadda ugu denbeeyay afar nin oo
si waxshinimo ah ay ciidamada maxaysatada ah ee gumaysiga Itoobiya ugu
dileen gobolka Qorraxay.
30/11/04 deegaanka Karin-Bilcille
oo degmada Qabridaharre ka tirsan ayay ciidamada wayaanuhu ku dileen 4 nin
oo shacbiga aaggaas ku nool ka mid ahaa,alle ha unaxariistee
marmuuxayaashaas ayaa ahaa xoolo dhaqato la joogay geeloodii xiligii la
dilay. Laba nin oo raggaas la laayay ka mid ah waxay Wayaanuhu ku dileen
xabbad,halka labada kalana ay gawraceen. Ragaas la laayay ayaa lagu kala
magacaabi jiray:
-
1- Wacdi Guhaad
Aaden.
-
2- Mahad Cali
Abshir.
-
3- Cali Gurey.
-
4- Axmed Nuur.
Dilkaas foosha xun
markii ay maqleen dadweynihii ku dhaqnaa magaalada Qabridaharre waxay isugu
soo baxeen maxkamadda horteeda iyagoo gumeysiga Itoobiya iyo ciidamadiisa
waxshiga ahba aad ugu cadhaysnaa una cambaareeyey .
Dadweynihii halkaas isugu
soo baxay waxaa mar dambe u yimid oo la hadlay nin la sheegay inuu
maxkamadda ka socdo, kaasoo raalli galin ka bixiyay dilka loo gaystay dadka
rayadka ah, isagoo sheegay inuu arintaas baadhi doono.
Xabsiga Jig-jiga
oo laga waayey Maxaabiis ku xidhnayd iyo weliba dad xabsiga loo taxaabay.
Wariyaha RX uga soo
warama magaalada jig-jiga ayaa soo tabiyey in 5 maxbuus oo ku jiray jeelka
magaalada Jigjiga laga waayay jeelkaas 29/11/04, maxaabiistaas ayaa waxaa
waayay dadkii ehelada ahaa ee xabsiga ku masruufayay. Maxaabiistaas oo laba
ka mid ah lagu kala magacaabi jiray Rashiid Dheere iyo Cabdi Xakiin ayaan
ilaa iyo hada la ogayn meel ay ku sugan yihiin, waxaana la tuhunsan yahay in
ay ciidamada Itoobiya la baxeen oo ay Jeelal kale u warejiyeen amaba ay
dileen. Maxaabiista la waayay Labadii bilood ee ugu danbeeysay ayaa waxay
tiradoodu gaadhaysaa 50 Maxbuus, ilaa iyo hadana lama oga ciidamada Itoobiya
meel ay geeyeen maxaabiistaas.
Dhinaca kale waxay
ciidamada itoobiya xabsiga u taxaabeen Axmed Salal Sh. Maxamed iyo C/raxmaan
Kaahin oo loo yaqaan Buulgub. Mar uu wariyaha Radio xoriyo ehelada labadan
maxbuus wax ka waydiiday sababta loo xidhan ayay u sheegeen in ayna garanayn
wax danbi ah oo loo haysto labadan dhibane, waxayna intaas ku dareen in loo
diiday in ay soo booqdan amaba ay wax raashi ah u geeyaan.
Dad bannaanbax sameeyay markii xoolo laga
qashay
Tuulada lagu magacaabo
Qudhmoone oo ka tirsan degmada Iimey Bari ayaay 24/11/04 bannaanbax wayn ku
sameeyay dadweynaha tuuladaas ku dhaqan, ka dib markii si is-dabajoog ah ay
ciidamada Wayaanuhu xoolo uga boobeen, ka dibna u qasheen.
Dadwaynuhu waxay
bannaanbaxan sameeyeen, ka dib markii ciidamo malleeshiyo ah oo gumaysiga
Itoobiya leeyahay oo halkaas degganaa ay 15 neef oo adhi ah ka boobeen oo
qasheen. Bannaanbaxani wuxuu keenay in dadweynihii iyo malleeshiyadii
gumaysigu ay isku dhacaan, waxaana isku dhacaas ku dhaawacmay 3 qof oo
dadweynaha ka mid ah iyo 5 malleeshiyada Itoobiya ka tirsan.
Dhacdadaas kadib ayay
dadweynihii ka qaxeen tuulada Qudhmoone, ka dib markii ay ka cabsadeen in
ciidamada Wayaanuhu weerar aar-goosi ah ku soo qaadaan.
Xoolahaas ay ciidamada
wayaanuhu boobeen ee ay qasheen waxaa kala lahaa:
Isla degmada Iimey Bari
waxay ciidamada gumaysiga Itoobiya ku xidh-xidheen dad rayad ah,
waxaana ka mid ah dadka
la xidhxidhay:
Dhinaca kale 28/11/04
waxay ciidamada Wayaanuhu weerar ku qaadeen meesha lagu magacaabo Lix-irdood
oo degmada Shilaabo ka tirsan, waxayna gubeen wixii dhisma ahaa ee halkaas
ku yaallay, waxay sidoo kale boobeen hantidii dadweyanaha ee halkaas
taallay.
Khilaaf soo kala
dhexgalay Ciidamada Maraykanka ee ku sugan Magaalada Goday iyo Ciidamada
Itoobiya:-
Wararka naga soo gaadhaya dhanka Magaaladda Goday ayaa sheegaya in Ciidamada
Maraykanka ee ku sugan magaaladaas iyo ciidamada Itoobiya ay isku dhaceen.
Sidaa waxaa u sheegay
wariyaha Qoraxay Online Axmed Muuse oo isagu markii khilaafku dhacay ku
sugnaa Magaaladda Goday. Khilaafkan ayaa ka dhashay hawlgal ay ciidamada
Maraykanku ku tageen deegaano ka baxsan magaalada gudaheeha, taas oo ay is
hor taageen ciidamada gumaysiga Itoobiya ee saldhigyada ku leh magaalada
Goday.
Ciidamada Itoobiya waxay
u sheegeen Ciidamada Ameerikaanka ah in Gobolka Soomaalida Ogaadeeniya ay ku
sugan yihiin Ciidamo argagixiso ah, hase yeeshee Buu yidhi Axmed iyagoo
arrintaas daba galkeeda ku jira ayey Ciidamada Ameerikaanku waxay bilaabeen
in ay hawl-galo iyaga u gaar ah ka sameeyeen Tuulooyinka iyo dhulka
baadiyaha ah waxayna u jeedadoodu ahayd in ay arkaan sida wax ay uga jiraan
Waxa ay Ciidamada Itoobiya sheegayaan.
Wuxuuna intaas ku daray
wariye Axmed in Ciidamada ameerikaanku ogaadeen in waxa ay sheegayaan
ciidamada Itoobiya ayna waxba ka jirin, waxayna maalintii iyo habeenkiiba
dhexmaraan ciidamada Ameerikaanku suuqyada magaalada iyagoo aan wax cabsi ah
ka qabin bulshada iyo dadweynaha ku dhaqan Deegaankaas.
khilaafkan ayaa sii
balaadhay kadib markii uu askari ka mid ah kuwa Itoobiya uu ku armay dhawr
askari oo ameerikaan ah oo marayay gudaha magaalada in ay ka baxaan
magaalada oo ay ku sugnaadaan xeryahooda, taas oo ay ku gacan saydheen
askartii maraykanka ee uu amarka siiyey. Khilaafka ayaa habeenimadii sii
balaadhay waxayna Labada dhinac is dhaafsadeen Rasaar waxyar socotay oo aan
wax khasaare ah gaysan.
Si kastaba ha ahaatee,
waxaa la sheegay in Ciidamada Itoobiya ay si weyn ugu fashilmeen arrimahihii
ay horay uga dhaadhiciyeen Askarta Ameerikaanka ah ee haatan ku sugan
Magaaladda Goday.
Ganacsatada Reer
Ogaadeeniya oo ka cabanaysa Joojinta lacagta Shilin Soomaaliga ah.
Wararka naga soo gaadhaya
dhanka Gobolada Qoraxay, Doolo iyo Jarar ayaa sheegaya in ay Dhibaato weyni
ka soo gaadhay Ganacsatada goboladaas lacagtii shilin Soomaaliga ahayd ee ay
xukuumada gumaysiga Itoobiya ka mamnuucday Goboladaas. Mamnuucida lacagta
Shilin Soomaaliga ah ayaa waxay ka danbeeysay sarifka lacagta Itoobiya oo
hoos udhac weyni ku yimid.
Shacabka Ogaadeenya oo
aan wax xidhiidh ganacsi ah la laheyn Itoobiya ayuu ganacsigoodu ku xidhan
yahay dhinaca Soomaaliya, lacagta gobolada Ogadenya laga isticmaalo ayaa ah
lacagta shilin soomaaliga ah,halka magaalooyinka waaweyna laga isticmaalo
labada lacagoodba, waxaase Tuulooyinka iyo magaalooyinka yar yar gabi
ahaanba laga isticmaalin lagana aqoonin lacagta Itoobiya.
Sariflayaashii iyo dadkii
ganacsiga ku lahaa magaalada Qabridahare ayaa laga u ruuriyay dhamaan waxay
lacag haysteen, waxaana la geeyay saldhiga ciidamada Booliska ee magaalada
Qabridahare, dadkii hantida lahaana ilaa iyo hada looma sheegin wakhti
go,aan laga gaadhayo waxii laga yeeli lahaa hantidaas lacageed ee laga
uruuriyey.
07.12.2004
C/Nuur
Sh. Maxamed
raadioxoriyo@yahoo.com
Radio
Xoriyo waxaad ka dhegaysan kartaa Mawjadda 31 MB ee dhererkeedu yahay 9820
KHZ, Maalmaha Talaadada iyo Jimcaha 7: 30PM waqtiga Afrikada.
Afeef: Aragtida qoraalkan waxaa leh qoraaga
ku saxiixan
Qoraalka Xiga... Guji... Faafin: SomaliTalk.com | Dec
8, 2004
Kulaabo bogga www.SomaliTalk.com
|