Heshiis
ay kala saxiixdeen jaamacadaha suudaan
iyo wakiilka arimaha carabta ee
DG/Puntland
Dec 7, 2004
Sawirada laga qaaday xilligii heshiiska
 |
Maalmihii lasoo dhaafay ayaa dalka suudaan
magaalo madaxdiisa khartuum waxaa booqasho ku yimid wakiilka arimaha carabta
ee dowlad gobaleedka Puntland Muadane Maxamed Cabdi Cali (Malow),
booqashadaas oo daba socotay socod hore oo ay ku yimaadeen wakiilka iyo
Agaasiha Machadka Culuunta Caafimaadka ee Bosaaso Prof Cabdirisaq Xusen
Xassan , waxaa socdaaladaas dhamaantood ay ujeedadoodu ahayd sidii dowlada
suudaan ay uga kaalmayn lahayd arimaha tacliinta sare ardada wax ka barata
dugsiyada puntland.
Hadaba 7/12/04 ayaa waxaa uu wakiilku
kulamo kala duwan la yeeshay madaxda jaamacadaha dalka suudaan oo ay ka mid
ahaayeen Jaamacadaha Shandi, Upper Nile University iyo Jaamacada Ifriqiya
Alcaalamiyah. asagoo kala hadlay sidii loo xoojin lahaa xiriirka taariikhiga
ah walaaltinimada ah ee ka dhaxeeya somaaliya iyo suudaan, wakiilku wuxuu
masuuliyiinta hortooda ka cadeeyay in somaliya iyo suudaan ay yihiin labada
dal ee isugu dhow marka loo eego dhinacyo kala duwan, wuxuu mahad balaaran u
celiyay dhamaan masuuliyiinta iyo shacabka reer suudaan, sidii ay u garab
istaageen walaalahood reer soomaliya tan iyo intii uu burburka ka dacay
dalkoodii, gaar ahaan wuxuu tilmaan cad ka bixiyay dhinaca tacliinta oo uu
sheegay in dalka suudaan ay deeq wax barasho siiyeen arday soomaliyeed oo
gaaraysa ilaa 5000 oo arday kuwaas oo isugu jira kuwo qalin jabiyay iyo kuwo
wali ku guda jira waxbarashadoodii.
Markaa ka dib ayaa waxaa Jamacadaha Upper
Nile iyo wakiilku waxaa ay kala saxiixdeen heshiis ku saabsan sidii loo
mataanayn lahaa jaamacada Upper Nile iyo Machadka Culuunta Caafimaadka ee
Bossaso/ Puntland, ayadoo jaamacadu ay ka kaalmayn doonto machadka dhinacyo
kala duwan sida macalimiinta, dhamaystirka aqoonta ardada iyo waliba in ay
dalka gayn doonaan khubaro caafimaad oo wax ka qayb qaadata daryeelka dadka
buka, heshiiskaas waxaa u saxiixay labada dhinac Gudoomiyaha Jaamacada iyo
wakiilka puntland, waxaana goob joog ka ahaa maamulka jaamacada Upper Nile.
Waxaa sidaasoo kale uu wakiilku uu lagalay
heshiis Jaamacada Ifriiqiya Alcaalamiya, heshiiskaas oo ku saabsanaa
furitaan xarun waxbarsho oo laga furayo magaalada gaalkacyo, xaruntaas oo
wax lagu bari doono ardada u diyaarsan inay galaan jaamacadaha, sanadkiina
laga qaadi doono labo jeer imtixaan ay qaadayaan macalimiin ka socota
jaamacada Ifriiqiya, xaruntaan oo hore looga furay meelo kala duwan oo
somaaliya ka mid ah, waxaa ardada ku baasta imtixaanaddas ay fursad wax
barasho ka helaan kuiliyadaha jaamacada Ifriqiya.
Qaybo ka mid ah masuuliyiintaa ayaa
wakiilka waxaa ay ugu dhiibeen madaxwaynaha somaliya Mudane Cabdullaahi
Yuusuf Axmed warqado ay ugu hanbalyaynayaan madaxwaynaha kalsoonida uu ka
helay shacabka soomaliyeed inuu hogaamiyo shanta sano ee soo socota, waxayna
ayna u rajeeyeen umada soomaaliyeed in ay u soo noqon doonto doorkeedii
caalamka ay ku lahayd .
Ugu danbayn wuxuu wakiilku mahad balaaran u
celiyay dhamaan masuuliyiintii ay kulmeen, wuxuuna gudoonsiiyay shahaado
sharafyo ay maamulka puntland iyo machadka caafimaadka ugu soo tala galeen.
Dalaka suudaan waxaa uu kaalin aad u
balaaran ka qaatay tan iyo intii ay burburtay dowladii soomaaliyeed sidii
looga kaalmayn lahaa ardada soomaliyeed dhanka waxbarashada si loo helo
kaadir aqoon sare leh .
Diyaariye Cabdikariim Xusen Xasan
Khartuum / Sudaan
iicobos@hotmail.com
Qoraalka Xiga... Guji... Faafin: SomaliTalk.com | Dec
8, 2004
Kulaabo bogga www.SomaliTalk.com
| 
Daabaco
Boggan | Print
