Dec 5, 2004

Dadka Soomaalida ahi waa isku diin, isku dhaqan ,isku af waana dad si kasta iyo meel kasta  isku mid ka ah, waxa keliya oo ay ku kala duwan yihiin waa magacyada,ha ahaato tan qof ahaaneed ama qabiil ahaaneed. Haddaba aniga aragtidayda waxaa su,aal da,wynoo madaxa daalineysa ila noqotay, sida uu caqli saliim ahi u aqbali karo  inaan magacyada kala duwan dartood isu laynno, mar hadii wax ama si kale oon ku kala duwan nahay ay san jirin. Qabiilku waa magacyo aan annagu isku kala qoqobnay, jiritaan koodaana aallaahu aclam, sida diinteenna xaniifta ah ku soo arootay waxaa nala faray inaan isku aqoonsanno oo keliya,(Yaa ayuhal naasu innaa kalaqnaakum min zakarin wa unthaa, wajacalnaakum shucuuban wa qabaa,il litacaarafuu, inna akramakum cindaallaahi atqaakum.). hadii anaan sidaa yeeli karinna waxaa nal ku amray inaan ka tagnno waa qurunne sida xadiithkaa saxiixa ah uu leeyahay(Dacuuhaa fa,innahaa muntanah).Haddaba mar hadii magacyada kala duwani ay na badeen bur bur,baaba, baahi iyo belo aan dhamaan maxaan isaga dhex weyney qaar naga mida oo ciddi caaradeed oo caqli ama qarasho ah leh oo u istaagta sidii dabkaa iyo musiibada loo damin lahaa, mise waxaa runa fiqi bahdi kama janna tago. Waan ogahay in afar iyo tobankii sano oo la soo dhaafay waxa aan xusay oo dhan ay dalka ka jareen ee quus ayaan joogay,markaasaa waxa ii muuqday iftiin yar kadib markii wax un lagu dhisay Nairoobi, waxaana u qaatay in ifka yar ee meesha ilu ku wareertayda ka muuqda layla wada arakay, malahase waaba igu keli.