WAFTI KA KOOBAN AFAR IYO TOBAN XUBNOOD OO KA KALA SOCDAY QARAMADA MIDOOBAY, DANMARK, IYO JAMACADDA CARABTA OO MAANTA SOOGAARAY CAASIMADDA PUNTLAND EE GAROOWE.

Garoowe (Somalitalk)

sab, 4/12/o4

Waxaa maanta soo gaaray magaalada garowe ee xarunta maamul goboleedka Puntland wafti sadex geesooda oo ka kala socday, Qaramada midoobay, dowlada danmark iyo Jaamacadda carabta, waftigan oo ka soodagay gagida dayuuradaha ee magaalada garoowe ayaa waxaa halkaasi ku soo dhoweeyay golaha xukuumdda, hay,addaha caalamiga, NGO, yada iyo ururada kale.

Waftiga ayaa isla goorihiiba shir lagalay golaha xukuumadda Puntland.

Waxa ayna kulan kooda ku yeesheen xarunta xarunta madaxtooyada ee maamulka PL.

Shirkan oo uu shir gudoominayay madaxwaynaha MGPL, Maxamed Cabdi Xaashi ayaa lagu ariminayay mashaariicda loogu tala galay Soomaliya sanadka 2005, xaaladda abaaha iyo waxyeeladii ay gaysteen roobabkii dayrta ee ka da, ay deegaanada PL oo ay wax yeeladu ka soogaartay dadka reer miyiga ah (Xoolala dhaqatada), wadahadalka ay yeesheen xukuumadda iyo waftiga kadib, ayaa xukuumaddu soobandhigtay codsi ay ku doonayso in maamulka SL ay ka qaadato ciidamadeeda ku xeeran xuduudaha gobolka Sool ee katirsan MGPL.

Waftiga ayaa la filayaa in ay kormeer ku tagi doonaan goobihii ay ka jireen waxyelada kala duwan ee saamaynta ugaystay dhamaanba reer guuraaga iyo xoolihii ay dhaqanayeen kadib markii ay abaarruhu ku dhufteen ayna kaga daba timi roobabkii dayrta oo iyaguna ku reebay ka kabsanwaa ayna illaa iyo haatan la il darnyihiin waxyeeladaasi, wallow ay jireen dadaalo badan oo maamulka uu sameeyay.

Macadda illaa iyo iminka mudada ay waftigu sii joogayaan gudaha maamulka PL.

Wallow ay jiraan warar sheegaya in ay maalinta isniinta ah ee foda nagu soo haysa ay la kulmi doonaan madaxwaynaha dowladda federaalka ku meelgaarka ee soomaaliya Mdane Cabdulaahi Yusuf Axmed ayna kula kulmi doonaan magaalada Nayrobi ee dalka Kenya.

Waftigan ayaa soomaray maamulka SL maalintii shalay ahayd ayna kulmo la yeesheen isla maamulka SL ee magaalada hargaysa.  

sahrosiglan@mail.com