Dhibatooyinkii ay Mowjadaha Baddu Soo Gaarsiiyeen Soomaaliya::
»DGPL iyo Hay'adaha Samafalka oo Soo
Qiimaynaya dhibkii gaarey xeebaha Puntland
»R/wasaaraha
Soomaaliya oo La Hadli Doona Soomaalida Minnesota
»Prof.
Geeddi oo Caalamka ka Dalbay in ay gargaar la soo gaaraan Soomaaliya
»Warsaxaafadeed uu qabtay Madaxweyne ku xigeenka DGPL
»Baaq uu soo Saaray
Musharax Madaxweyne DGPL Eng. Abshir Muuse saciid
»Waraysi: Soomaali
Jooga Dalka Malaysia
Shir Loogaga hadlaayey sidii Dowlada Maamul Goboleedka Puntland iyo hay,adaha
Samafalka ay u soo qiimayn lahayeen Dhibkii ka dhacay Xeebaha Puntland
![](wbari1.jpg)
Madaxweyne kuxigeenka
DGPL iyo wasiirda kale
![](wbari2.jpg)
Agaasimaha Cafimaadka DGPL_Cabdi Cawad |
Waxaa maanta oo Taariikhdu tahay 29-12-2004 shir aad u balaaran ku yeeshay Xafiiska
Madaxtooyada DGPL ee Garoowe Madaxweyne Ku xigeenka DGPL oo uu hormuud u yahay
Wasiirada Maamulka DGPL Qaarkood iyo Xubno ka mida Hay,adaha Samafalaka ee ku sugan
Garoowe Qaarkood, Shirkaa ayaa loogaga hadlaayey sidii loogu gurman lahaa Dadkii ku
waxyeeloobay Fatahaadii Badaha Hindiya ee Xeebaha Puntland.
Shirkaa ayaa lagu xulay
Kooxo isugu jira Maamulka DGPL iyo Hay,adaha waxaa iygana Gadaal looga Daray oo
markay waydiyeen loo Ogolaaday Wariye yaasha Radio iyo kuwa madaxa banaan in ay ku
soo Sameeyaan Qiimayn waxyeeladii gaartay Dadkaa iyo inta Dhibka le,egyahay.
Kooxahaa oo Bari Subaxnimadii lafilayo in ay u kicitimaan Goobahaa.
Kooxahaa ayaa
loo Qaybiyay Labo kooxood oo ay ukala bixi doonaan Degmada Eyl ilaa Degmada Bayla
Xeebahooda iyo Koox kale oo aadi doona Degmooyinka Garacad ilaa Bayla
Xeebahooda, Koxahaas kuwa lamida ayaa Hore uga baxay Degmada Boosaaso iyadoo uu
Hogaaminayo Gudoomiye Kuxigeenka G/Bari Yuusuf Muumin Bide, Koxdaas ayaa Gaarsiisay
Dadkii ku Waxyeeloobay Magaalooyinka Xaafuun, Baargaal, iyo kuwo kale Deeq isugu
jirta Dhar, Cuno iyo Daawo ay ka Ururiyeen Dadka ku Dhaqan Magaalada Boosaaso iyadoo
Daawadu ay bixiyeen Hay,ada UNICEF Puntland, Deeqdaas ayuu Gudoomiye ku xigeenka u
sheegay in ay aad u yartahay oo aysan ku filnan Dadka Waxyeeloobay oo Tirada la
hayaa ay kor u Dhaafayso Kontameeyo waa Magaalooyinka Xaafuun iyo Baargaal.
Mar uu ka hadlaayey Agaasimaha Wasaarada Caafimaadka DGPL Dr. Cabdi Cawad Dhibkii
iyo sida ay ugu Gurmadeen Maamul ahaan ayuu sheegay in ay direen Kooxo loo taba
baray sidii ay u caawin lahaayeen Dadka Dhibka Gaaray iyo Daawo aad u yar oo
Wasaarada Caafimaadka iyo Hay,ada UNICEF ay iska kaashadeen, Agaasimaha ayaa ka
Warbixiyay inay Jiraan Daawo ay ka filaayeen in ay soo Qaado Diyaarad ka imanaysa
Dalka Emarat-ka carabta Dubai Diyaaradaa ayuu Sheegay in ay Xayireen Roobab Biyo Dhigay
Garoonka Diyaaradaha Dubai.
Waxaa kaloo Agaasimuhu u sheegay Saxaafada in uu Magacaabay Madaxweyne ku xigeenka
DGPL Maxamed Cali Gaagaab Gudi ka kooban Wasiiro iyo Agaasimayaal Guud oo u
Qaabilsiisan Arimahaa Dhibka in ay kasoo Warbixiyaan
c/fatax jaamac | SomaliTalk.com | Bosaso,
Soomaaliya
Email: somalitalkpl@yahoo.com | Dec
29, 2004
Prof. Cali Maxamed Geddi oo ka Dalbaday Caalamka in ay
Gargaar La soo gaaraan dadkii ku wax yeeloobay Mowjadihii Badda
badda. Qaybtaan waxaa
isku soo dubaridey:
Canab Mumtaz | SomaliTalk.com | Nairobi, Kenya |
canabmumtaz@yahoo.com
Waxaana kala qayb qaatay:
Axmed Muuse Cabdulle(Idaawaqaca) Nairobi Kenya |
axmeddheere65@hotmail.com
Talaada December 28, 2004
Wasiirka koowaad ee Dowlada FKMG ah ee
soomaaliya Cali Maxamad Geddi oo maanta shir ku qabtay magaalada Nairobi
ayaa ka hadlay khasaarihii ay gaysteen mowjadihii soo gaaray bariga
afrika waxyeeladana ugu gaystay meelo ka mid ah soomaaliya dad rayid ah
ay ku dhinteen, qaar kalena lagu la’yahay wali.
Wasiirka waxa uu ka dalbaday beesha
caalamka in ay la soo garaan dadkaas waxyeelada soo gaartay gargaar
iskugu jira hoy siin iyo xanaano baaritaan caafimaad ah kuwa kalena la
baadi goob.
Waxa uu intaas ku daray mr.Geddi in
Somaliya aysan lahayn wali awood ay dhibaatooyinkan oo kale kaga
hortagto, dowladdiisana aysan caga dhigan,waxaana looga baahan yahay ayuu
yiir in caalamka si wada jir ah ay dhitaatada ku dhacaday dadkaas
soomaaliyeed wax uga qabtaan, hay’adaha gargaarkana halkaas ay u tagaan
si ay qiimeeyaan khasaaraha dhibkaas mowjadaha biyaha wata ay gaysteen.
Prof. Cali Maxamed Geedi waxa uu xusay in Soomaaliya Musiibadaasi ay ka soo
gaareen dhibaatooyin isugu jira dhimasho iyo barakac isagoo xusay in ay ku
dhinteen dad gaaray 100 qofood, waxana uu sheegay in Soomaaliya ay awalba ku jirtay
Colaado iyo masiibooyin kaloo badan hadana ay igu sii darsantay Dhibkan.
Prof. Geedi waxa uu xusay in masiibadani ay asiibtay guud ahaan
Bada Soomaaliya oo dhan isagoo tiriyay Goobo badan ay ka mid ahaayeen
Xeebaha Hobyo, Banaadir, Baraawe, Garacad, Xaafuun, Ceelmacaan iyo deegaano kalle.
Kulanka waxaa Goobjoog ka ahaa Gudoomiyaha Baarlamaanka Soomaaliya Sh. Xasan
Sh Adan, Xubno ka tirsan Baarlamaanka Soomaaliya, Xubno ka tirsan urur goboleedka IGAD iyo marti sharaf
kaloo badan . Todobaadkan bilowgiis ayaa dhibaatooyin
ka dhaceen wadamo badan oo ku yaalla Qaarda Aasiya,waxayna keenaan
qasaarooyin badan oo iskugu jira dhimasho iyo dhawaac,masiibadan oo
iskugu jirtay dhul gariir iyo badda oo dhulka hoose dilaac ka soo gaaray
sida ay wararku sheegayaan sidaasna ay ku yimaadeen mowjado wata biya
xoogan,iyagoo gaaray bariga afrika sidaasna meelo ka mid ah soomaliya
waxyeelo gaarsiyay.
Wararka ayaa sheegaya in dhimashada ay
ka badan tahay illaa hada boqol qofood dad badana la waayay meel ay ku
dambeeyeen,hay’addaha gargaarka ayaa sheegay xalay in meelaha ay
qasaarooyinkan gaareen oo ay ka mid tahay somaliya wax ka qaban
doonaan,waxayna intaas ku dareen hay’addahaas in ay caawinaad u dirayaan
meelaha ay qasaarahaasi gaareeen.
Qaybtan waxaa isku soo dubaridey:
C/fatax Jaamac |
somalitalkpl@yahoo.com |
Boosaaso, Soomaaliya
Isniin December 27, 2004
Warsaxaafadeed uu qabtay Madaxweyne ku xigeenka DGPL
Waxaa maalintii shalay ee ay Taariikhdu ahayd 27-12-2004 lagu qabtay warsaxaafadeed
Xafiiskiisa Madaxweyne kuxigeenka DGPL Garoowe Maxamed Cali Gaagaab ku wajan sidii
wax ay u gaareen Dadkii Badu ay ku soo Fatahday, Warbixin aad u dheer oo uu ka
bixiyay Goobihii ay Dhibtu ka dhacday ayaa uu ku tilmaamay in Dad aad u badan ay ku
Guryo waayeen aysana haysan Dhar ay xirtaan, Cuno iyo Caafimaad Daro ka dhalatay
Dhaawacyadii ka soo gaagaray fatahaadii bada oo aan Dawo haysan.
Magaalooyinkaa iska Tabar darnaa oo usan Gaarin Xiriirka wax qabad ee Hay,adaha iyo
Maamul ayaa Madaxweyne ku xigeenka uu ku sheegay Warbixinada ka soo gaaraya in ay
sheegayaan in aan la hayn tiro dhaba lakiin ay hayaan tiro aad u fara badan oo ah
Dhimasho iyo Kuwo la waayay oo ilaa hada lagu jiro Baadi goob kuwa ka badbaadayna ay
Hoy la,aan hayso oo Guryahoodii ay Biyaha Bada soo galeen.
Madaxweyne ku xigeenka oo saxaafadu wax ka waydiisay sidii wax looga Qabtay Dhibtii
ka dhashey Abaarihii iyo
Robabakii watay Qabowga oo Dad badan ay ku cayroobeen iyo
sida ay uga Caawiyeen Hay,adaha samafalka ah ayuu ku jawaabay in maamulka u xiligii
abaaraha ka qayb qaatay Biyo dhaamintii iyo soo ururinyii Dadkii xoolahu ka
dhamaadeen lakiin ay hay,adaha aysan wax saa u buuran ka qaban oo ay kaliya
Diyaaradaha u sii racaan dalka Kenaya marna ay u soo raceen Dalka Soomaaliya
Gudaheeda.
Madaxweyne ku xigeenka oo ay saxaafadu markale wax ka waydiisay in ay jiraan Culays
Doorashooyinka la filayo Dhawaan in ay ka dhacaan Puntland Caasumada Garoowe iyo
Dhibkaan hada yimi sida ay wax uga qabanayaan ayuu ku jawaabay in ay jiraan
Doorashooyinka Culays ay keeneen tasoo oo ay ugu darantahay Nabad galyada oo laga
Cabsi qabo iyo Dhibkaan hada jira oo ka dhashay Bada soo fatahay in ay keeni karto
in ay dayacmaan Dadkaa dhibku gaaray lakiin hay,daha caalamiga ah waxaan
waydiisanaynaa in ay u so gurmadaan Dhibkaa ayana wax nagala qabtaan.
BAAQ KASOO BAXAY XAFIISKA MUSHARAXA MADAXWEYNAHA DGPL ENG.ABSHIR MUUSE SICIID
Baaqaa ayaa ku Wajahnaa Dhibkii ka dhacay Xeebaha Bada Hindia gaar ahaan Soomaaliya.
Isniin, December 27, 2004
Sida lagu helayo wararka ka imaanaya xeebaha Badweynta hindiya ee PL waxaa ku
dhufatay sida la sheegay Gariir ka dhacay badda gunteeda, sababayna in biyihii bada
oo wata mawjado xoogan dibadda u soo baxeen, sababeena khasaare naf iyo maalba leh,in
kasta oo aan wali la hayn khasaaraha dhabta ah ee ay geysteen. Wararka caalamka ayaa
iyagu si aada uga waramaya masuubadaas ka dhacday badweynta hindiya,meelaha sida
gaarka ah loo tilmaamay ayey ka mid tahay soomaaliya laakin nasiibdaro lama hayo
tirakoob dhab ah, gurmad dawladeed iyo mid caalamiya.
Hadaba, Eng.Abshir Muuse Siciid oo ka mid ah Musharixiinta u tartamaysa xilka
madaxweynanimadda PL.ayaa baaq uu ka soo saaray 27/12/2004 magaaladda Garoowe ugu
horeyn u tacsiyeeyey dadkii ku dhintay dhibkii ka dhacay xeebaha pL iyo waliba guud
ahaan Soomaaliya, wuxuuna ugu baaqay dhamaan hay’adaha samafalka, ganacsata, culumada
diinta, aqoonyahanada ,waxgaradka iyo caalamkuba in ay u sameeyo gurmad dadkaa ku
wax-yeeloobey dhibaatada ka dhacday xeebaha badweynta hindiya ee soomaaliya dadkaas
oo ay soo gaartey dhibaato isugu jirta hoyla'aan ,hu'la’aan, cuntola’aan iyo waliba
xagga caafimaadka. Wuxuuna Engneerku ku baaqay in loo diro dad aqoon u leh xog
ururinta khasaarooyinka si loo helo tirokoob iyo xog dhab ah.
Baqaa ayaa Musharax Eng Abshir Muuse uu ku sheegay in dhibaatooyinkii soo gaaray
Dadkii ay wax yeeleeyeen Abaarihii iyo
Roobabkii Xooga lahaa ee watay Dabaylaha iyo
Qabowga aadka u daraa ee waxyeelada soo gaarsiiyey dadka badan ay hadda ku
suganyihiin meelo ay isugu soo urureen oo ay Qaxooti ku yihiin iyagana aysan haysan
wax daryeel ah.
ILLAAH BAA AWOOD LEH
C/fatax Jaamac
somalitalkpl@yahoo.com
Waraysi ay SomaliTalk la yeesheen Soomaali
Jooga Malaysia
Dalka Malaysia oo looga baqayo saacadaha soo socda dhul gariir sida ay sheegtay
idaacada dowladda ee dalkaas.
Qaybtaan waxaa
isku soo dubaridey:
Canab Mumtaz | SomaliTalk.com | Nairobi, Kenya
canabmumtaz@yahoo.com
Dec 28, 2004
Magaalada lagu magaacaabo kedah oo ah halkii uu ka dhacay dhulka gariirka markii ugu
horeysay ayaa dadkii daganaa waxay noqdeen qaar qaxay,kuwo Alle baryaya iyo kuwa
aanba war ka haynin oo howlahooda iska wata ka dib markii ay dowladda ku dhawaaqday
in dhul gariir kale uu dhici doono saacado kadib sid laga sheegay idaacadaha la iska
arko ee dalkaas.
Warbixin dheeraad ah si aan uga helno waxaan ka wareysanay suxufi halkaas ku sugan
waxna ka barta jaamacad ku taala halka ay dhacday masiibadaas,sida ay xaaladu tahay
hadda, suxufigan oo lagu magacaabo Cusman Cabdi Xassan (Black) waxaan ugu horeyn
waydiiyay sida ay wax u dhaceen?
Black: Markii uu dhacayay dhul gariirkii ugu horeeyay ee maleeshiya ku dhufta waxaan
ku jiray dabaqa jaamacada waxaana hal mar nala wareegay dhulka,waan aamusnay kadib
daqiiqado ayuu joogsaday qof walbana waxa uu uga baxay dabaqa si orod ah,magaaladan
oo ah mida dhibaatada ugu badan uu soo gaarsiiyay dhul gariirka waxaa ka soo jeeda
hogaamiyaha dalka muhathir maxamad waana halka uu ku dhashay,waa magaalo si wayn loo
dhisay dad muslin ah ayaa dagan isla markii dadka waxay guda galeen Alla bari iyo
in ay magaalada qaarkood iska baxaan si aysan ugu imaanin kuwo ka daran kuwan hadda
ku dhacay.
SomaliTalk: Wax Soomaali ah oo waxyeelo ka soo gaartay ma jiraan dhulgariirkaas
magaalada aad joogtay?
Black: Wax Somali ah oo dhib ka soo gaaray ma jiraan intaan ogahay waxaana nahay
toban qofood gobolkaan hadda aan joogo, waana arday soomaalida badankood waxay joogaan
caasimada oo si aad ah looga yaqaanaa,halkan markii soomaalida ay arkaan
dadka gobolkan waa la yaabaan waxayna ugu yeeraan waa Ameerikaan,markay na arkaan si
aad ah ayay noo fiiriyaan.
SomaliTalk: Dadka ku dhintay tiradooda meeqa ayay gaarayaan guud ahaan dalka oo dhan
wax gargaar ahse maloo fidiyay?
Black: Sida ay sheegtay dowlada dhimashada waa 100 qofood inta la ogyahay waana dalka
ugu qasaaraha yar marka la eego wadamada kale ee Qaarada ee Aasiya,waxaa gargaaraya
dadkii dhaawaca soo gaaray dowlada,waa wadan dhaqaale leh wax badan ugama baahna
dibada oo iyaga ayaa ku filan hada in ay xaliyaan dhibaatooyinkan.
SomaliTalk: Hadda waa sidee jawiga kadib musiibadaas markii ay dhacday maxaase laga
yaabaa hadal hayn ku aadan in ay soo laaban karaan?
Black: Saacado ka hor hadda ayay ka sheegtay idaacadaha la iska arko in laga cabsi
qabo dhul gariiro cusub oo ku soo fool leh magaalada in ay dhacaan,waxaana dadkii ay
u kala baxeen qaar qax ku maqan, kuwo Alle baryaya iyo qaar iskaga jira bararka oo
aan laba soconin warkan,laakiin guud ahaan magaalada ayaa aad u kacsan oo cabsi xoog
leh ayaa soo food saartay,dowladana waxay wadaa hada in ay sameeyaan qorshe lagu
badbaadinayo dalka hadii ay heli karaan ama ay awoodaan inkastoo ay yihiin
musiibooyin dabiici ah.
SomaliTalk: maxaa keenay ayay leedahay dadka saynisyahanada ah ee dalka iyo dowladab
musiibooyinkan?
Black: Waxaa socda baaritaan la xiriira arrintaas walina ma jirto cid cadaysay waxa
keenay iyo sababta midna,laakiin waxay dadku aaminsan yihiin in ay tahay masiibo
rabaani,laakiin waxay wadaan dadaalo ay ku ogaanayaaan qurbaro kala duwan.
SomaliTalk: ma jiraan wax dhibaatooyin ah oo aad kala kulantaan xagga sharciga iyo
daganaanshaha dalka?
Black: ma jiraan wax dhibaato ah oo aan ku qabno,waayo dalkan waxaa dagan dad muslim
ah oo hadii aad islaam sheegato aad ayay kuu dhawaynayaan runtii laakiin ajnabiga
kuma badna saasna loogama jecla, somalida halka aan daganahay waxaa looga yaqanaan
Amerikaan,xagga sharcigana waxan ku joognaa ardaynimo, wadankana waa soo dhaweeyaa
somalida ardayda ah badnaa wax dhib ahna kalama kulmaan,qofkii sameeya xadgudub waa
macquul in sharciga la mariyo laakin kuguma xadgudbayaan.
Faafin: SomaliTalk.com | Dec 28, 2004
60,000 oo Qof ayey mareysaa Dhimasha Mawjadihii Dhulgaruiirkii Indonesia
[Daawo CBC]In Kabadan 100 Soomaali ah oo Looga Cabsi Qabo in ay Ku Dhintay
Xeebaha Soomaaliya
Meelaha ilaa hadda la sheegay in
mawjadahaasi ay dhibaatada u geysteen waxa akamid ah: Xaafuun,
Bayla, Garacad & tuulooyin ka tirsan Nugaal, Ceel-Macaan, Baraawe
.....
Dec 27, 2004
Wararkii ugu dambeeyey ee ka soo
baxaya dhibaatadii ka dhalatay mawjadihii dhulgariirka ee ka dhacay
Indoniisiya aya asheegaya in ay siweyn u saameeyeen xeebaha
Badweynta Hindiya ee dalak Soomaaliya. Waxaa wararku sheegeen in ugu
yaraan 100 qof ayaa looga cabsi qabaa in ay ku dhinteen xeebaha
dhanka woqooyi Bari ee Soomaaliya.
Waxaa wararku sheegeen in meelaha ay
hirarka mawjadaha baddu sida ba'an u saameeyeen ay ka mid yihiin Xaafuun iyo
tuulooyinka kale ee ku xeeran Badweynta Hindiya ee xiga woqooyi Bari ee
Soomaaliya.
Warar kale ayaa tibaaxay in Bayla iyo
Garacad iyo tuulooyin ka tirsan Nugaal ay ku dhinteen ugu yaraan 14 qof.
Warar kale ayaa sheegaya in dhanka Puntland ay ku dhinteen 30 qof, 7 qofna
ay ku dhinteen meel u dhow Muqdisho. Magaalada Baraawe waxaa la sheegay in
dadkii halkaas deganaa ay fuuleen meelaha taaga ah kaddib markii ay mawjaha
baddu halis geliyeen magaalada, waxaana la sheegay in xataa masjid halkas ku
yaal ay hirarka baddu qariyeen, sida uu Reuters u sheegay Cabdullahi
Dhuxulow oo ka mid ah madaxda Baraawe, waxa kale oo mawjaduhu burburiyeen
doonyihii kalluumaysiga ee Baraawe.
Sidaas oo kale ayaa wararku sheegeen in
xeebaha koonfureed ay mowjadahaasi khasaaro soo gaarsiiyeen..
Sidoo kale dalka Kenya waxaa dadkii
dalxiisayaasha ahaa deddeg looga qaaday xeebaha ku xeeran Mombasa.
Afhayeen u hadlayeey Madaxweyna DFKMG ayaa
sheegay in laga cabsi qabo in tuulooyin dhan ay mawjadahaasi qariyeen.
Yuusuf Ismaaciil Baribari waxa uu intaas ku daray in kalluumaysato sida
caadiga ah xeebaha u aaday laga yaabo in ay ku qaraqmeen mawjadahaas
lixaadka badan.
Dhulgariirka sababay mowjadaha aadka uu
xooga badan ee soo gaarey Soomaaliya, waxa uu ka dhacay jasiirada Sumatra ee
dalka Indonesia, jasiiradaas oo Soomaaliya u jirta 4500 km.
Hirarkii badda ee Ka Dhashay Dhulgariirkii Aasiya oo Soo Gaarey
Afrikada Bari::
Dec 27, 2004
Ugu Yaraan 44,000 oo qof ayaa ku dhintay mawjadihii ka dhashay
dhulgariirkaas..
Dhul-gariirkii ugu lixaadka badnaa ilaa 40 sano ayaa khasaaro ba'an
gaarsiiyeye dalalka Aasiya iyo Afrika, dhulgariirkaas oo ubucsiidu ahayd
Indonisia, khasaaraha ugu weyna wuxuu ka dhashay mawjaha hirarka badda oo
aadka u lixaadka badan oo qarqiyey dadkii deganaa dhulka jasiiradaha ah ama
dadkii dalxiisayaasha ahaa iyo kalluumaysatadii markaas ku sugnaa badaha iyo
xeebaha Aasiya. Dalalka uu khasaaraha ugu badan gaarsiiyey waxaa kamid
Indonesia, Sri Lanka India, Thailand aiyo Maldives. Kumanaal qof ayaana ku
qaraqmay badaha. Ilaa hadda dhimashada waxaa lagu qiyaasay 44,000 qof.
Waxaana lagu soo waramay in hal magaalo ka tirsan Indoniisiya ay ku dhinteen
10,000 oo Qof.
Sagaal Soomaali ah ayaa la sheegay in ay ku dhinteen xeebta Kabaal oo 800
km u jirta Muqdisho. Waxa kale oo la sheegay in ilaa 7 qof la waayey aaga
xeebta Ceel Macaan oo u dhow Muqdisho.
Waxaa loogu baaqay dadweynu in ay ka dheeraadaan xeebaha iyo jasiiradaha
badaha Aasiya iyo Afrikada bari.
WARARKII UGU
DAMBEEYEYE KA AKHRI:
HALKAN... GUJI...
Prof. Geeddi oo Soomaalida Minnesota uga
Warbixin Doona Dhibaatadii ay Geysteen Mowjadihii Badda
SomaliTalk.com | Minneapolis | Dec 29, 2004
Cinwaanka
xarunta:
"Somali
Justice Advocacy Center"
1050 Selby Avenue
St Paul, Minnesota 55102
Voicemail: 651-917-0383
Fax: 651-917-0379 |
Qoraal SomaliTalk kasoo gaarey Xarunta "Somali
Justice Advocacy Center" ayaa shaaca ka qaaday in ra'iisul wasaaraha
Soomaaliya, Prof. Cali Maxamed Geeddi, uu khadka telefoonka toos ugala hadli
doono kulan ay qabayaan Soomaalida Minnesota, kulankaas oo looga hadlidoono
dhibaatadii ay geysteen mowjadihii ka dhashay dhulgariirkii badda ee Aasiya,
kuwaas oo soo gaarey Soomaaliya, kuna diley ilaa 100 qof, kuna dhaawacay
ilaa 150 qof - inta la qiyaasay. Kulankaas uu la hadli doono Prof.
Geeddi waxaa lagu qaban doonaa xarunta "Somali Justice Advocacy Center"
oo ku taal magaalada St. Paul ee Minnesota [1050
Selby Avenue], marka ay saacada Minnesota tahay 11:00am ee maanta (Arbaca 29
December 2004).
Sida ku cad warsaxaafadeedka, waxyaabaha uu
Prof. Geeddi uga xog warami doono Soomaalida Minnesota waxaa kamid ah
dhibaatada ay mowjadahihii baddu u geysteen Soomaaliya. Prof. Geedii waxaa
la filayaa in uu booqasho ku aado dhulka ay mowjadahaasi aafeeyeen ee
Soomaaliya.
"Somali Justice Advocacy Center" Waxay
adduunka u weydiiyeen in ay caawimaad degdeg ah la gaaraan Soomaaliya
meelaha ay dhibaatadu ka soo gaartey mowjadahaas xoga weyn ee qarqiyey
meelaha xeebaha ah iyo kalluumaysatadii markaas badda ka kalluumaysanayey.
Wixii faahfaahin dheeraad ah oo ku saabsan
kulanka, waxaa toos loogala xiriri karaa cinwaanka kor ku qoran (dhanka
midig) ee "Somali Justice Advocacy Center".
Dowladda FKMG
ah oo dalbatay in waqti loogu daro mudadada sii joogitaankooda dalka kenya...
guji.
Faafin: SomaliTalk.com | Dec 28, 2004
WARARKA KALE::::
K/Afrika:
Afar Soomaali ah oo lagu Diley Koonfur Africa
Pakistan: Labadii Soomaalida ahaa oo la siidaayey
Boosaaso: MDGPL u amba baxay Gobolada Sanaag/Sool
Hindiya: Halgankii Dr. Xareed ee Waxbarashada
Jilib: Guryihii Dawladii Hore oo Dadka Laga Saarayo
Muqdisho: Wareysi uu bixiyay Max’ed Faarax Jimcaale
Wararka oo dhan ka
akhri halkan.. Dec 27, 2004
Kulaabo bogga www.SomaliTalk.com
|