Baarlamaanka Soomaaliya ayaa
maanta ogolaaday in Prof Cali Maxamed Geedi Shanta Sanoo ee
fooda nagu soo haysa Noqdo Raysulwasaaraha Soomaaliya
Nairobi
(SomaliTalk.com): Baarlamaanka Soomaaliya ayaa maanta kalsoonida
rasmiga ah ugu ogolaaday in uu noqdo raysul wasaaraha Soomaaliya
Shanta sano ee fooda nagu soo haysa Prof Cali Maxamed Geedi,
waxana uu helay cod gaaray 229 Xidhibaan oo iyagu codka hal
dheerida ah ugu gacan taagay, 24 Xidhibaan way ka aamuseen
iyadoo 6 Codna gaashaanka ku dhuftay kal sooni siina Mudana Cali
Maxamed Geedi.
Kulanka waxaa ka soo qaybgalay
259 Xidhibaan waxaana ku doominayay Gudoomiyaha Baarlamaanka
Soomaaliya Sh. Xasan Sh Adan, Gudoomiye ku xigeenka Koowaad Prof
Maxamed Cumar Dalxa iyo Gudoomiye ku xigeenka Labaad Cusmaan
Cilmi Boqore.
Waxaa kulkankan Joogay
Madaxwaynaha Soomaaliya mudane Cabdulaahi Yuusuf Axmed,
Diblumasiyiin ka-kala socada Besha caalamka, IPF, IGAD,
Jaamacada Carabta, Midoowga Yurub, Midoowga Afrika ,Danjiraha
Doowlada Kenya u qaabilsan Shirka Soomaalida Kipligat iyo
Danjiraha Kenya ee Soomaaliya Mudane Maxamed Cabdi Afay.
Kulanka waxaa ka hadlay
Gudoomiyaha Baarlamaanka Soomaaliya Sh. Xasan Sh Adan oo isagu
sheegay ugu horaynba Salaan isaga oo u jeedinayay Madaxwaynaha
Soomaaliya Mudane Cabdulaahi Yuusuf Axmed iyo Xibnaha
Baarlamaanka Soomaaliya.
Sh. Xasan Sh Adan waxa uu
sheegay oo sharaxaad ka bixiyay kulanka maanta iyo waxa uu ku
saabsanyahay isagoo sheegay kooramka in u dhanyahay ayna joogaan
153 Xidhibaan waxa uuna intaasi raaciyay in ay imaandoonaan.
Waxa aan maanta halkan u nimid
Qodobka 49 oo la soo saxay waxaana la idiin aqrin doonaa
Wareegtadii lagu magacaabay Raysulwasaaraha Cusub waxaann idinka
codsanayaa in aan arinkaas si dadnimo leh u wajahno, buu yiri, una
diyaar garoowno anagoo isku aragti ah oo aan kala aragti ahayn
si xurmad iyo dadnimo ku jirto aan isku dhagaysano waxaana hadda
ku soo dhawaynayaa Madaxwaynaha ka dibna waxaa hadalkii qaatay
Madaxwaynaha Soomaaliya Mudane Cabdulaahi Yuusuf Axmed isaga oo
ku bilaabay Sidan:
Salaan ka dib sidii Gudoomiyaha
Baarlamaanku u sheegay fadhigaan fadhigi inoogu xigay ee ka
horeeyay oo ku aadanaa 11/12/2004 adinkoo ah baarlamaankii ummadda
Soomaaliyeed waxaad gaadheen go'aan aa tiraahdeen Sharcigaa meel
looga dhacay qodobka 49aad sidaa daraadeed raysul wasaarihii
hore loo soo magacaabay iyo Xukuumadii uu soo dhisay kal
soonidii waa kala noqonay qodobkaad Cuskateenwaxa ay ila tahay
dadku way haystaan Axdigii waan garaystay anigu waana aqbalay
sidaan horay idinkugu sheegay shalayba oo aan is aragnay
qaarkiinba codsigiinii ahaa Madaxwaynuhu raysul wasaare dib ha u
soo magacaabo.
Anigu waan ajiibay waana soo
magacaabay raysul wasaarihii waxaana soo magacaabay 13/12/2004
bisha aynu hadda ku jirno waa la wadayaqaanaa waa Cali Maxamed Geedi
ahna Xildhibaan Baarlamaanka Ka tirsan, Qoraal
baan ugu soo gudbiyay (dib u magcaabistiisa), waxa ay ila tahay arintu haday aheed
sharciga aan aqbalno anigu waan aqbalay, waana qaatay, shaqsiga
markaa ah madaxwaynaha xilka ugu horeeya ee ugu muhiimsan ee
laga rabaa waa sharciga in uu raaco in u ilaaliyo isaga naftiisa
cidii sharciga jabinaysay in uu ka hor yimaado waa loo
baahanyahay, sharci hadaan lagu wada socon hadee xoog iskuma
muquunin karno, raysul wasaarihii waan idin hor keenay sidii
baarlamaanku soo go aamiyay waa joogaayoo safka horuu fadhiyaa
shaqo aad u dirsan lahaydeen idinkoo baarlamaankii dalka ah
adinkay idiin taal, waxaana rajaynayaa arintu in ay ahaato
sharcigii qaldanaa oo lasaxayay in aysan turxaan danbe iyo
dhibaato danbe yeelan.
Waxaan Mudane Cali Maxamed
Geedi ka coodsanayaa hadii wax qoonsimaad ihi jireen ama wax
sharciga ku salaysan ama wax qayb ku salaysan in uu ka taxadaro.
Waxaa isaguna goobtaa ka hadlay
Prof Cali Maxamed Geedi oo isla goobta kal soonida lagu siiyay
lagu dhaariyay isaga oo sheegay in uu soo dhisi doono dowladiisa
sida ugu fudud waxaa kaloo uu sheegay in uu samayn doono wada
tashi ay ka qaybqaadan doonaan bulshada oo dhan.
Axmed Muuse Cabdulle(Idaawaqaca)
axmeddheere65@hotmail.com
Kenya, Nairobi | SomaliTalk.com
Faafin: SomaliTalk.com | Dec
23, 2004
Wararka Kale....
Nairobi: Madaxweynaha JFS oo casumey Xildhibaanada
Berbera: Shil gaari oo ay ku dhinteen cuqaal reer Burco ah
Baydhabo: "Ciidamo ayaa weerar nagu soo haya" Saransoor
Muqdisho: Dagaalkii G/dhexe
oo ku faafay kilinka shanaad
Wararka oo dhan ka
akhri halkan... Guji...
Daabaco
Boggan | Print
