Abaabul
Mudaharaad oo Ka Socda Kismaayo
-
Waxaa shalay iyo maanta ka socda
magaalada kismaayo abaabul mudaharaad ay
wadaan ururada haweenka ee ka jira
magaalada kismaayo
Faysal
xaaji siyaad muumin |
faysalsiyaad@hotmail.com
kismaayo soomaaliya | SomaliTalk | Dec
19, 2004
Abaabulkan
ay wadaan ururda haweenka ayaa waxaa laga
dareemayaa dhamaan xaafadaha magaalada
kismaayo gaar ahaan xaafada farjano oo ay ku
taalo xaruntooda ururka haweenka kismaayo.
Abaabulkan
mudaharaad ay wadaan ururka haweenka
kismaayo ayaa waxay kaga soo horjeedaan
xaalada amaandaro ee ka jirta magaalada
kismaayo ayagoo boorar ay ku qoran yahiin
halku dhagyo ay kaga soo horjeedaan
isbaarooyinka iyo dilka iyo afduubka ay ku
dhajiyeen wadooyinka soo gala xaafada
farjano ee magaalada kismaayo.
Qaban
qaabadan mudaharaad ay wadaan ururka
haweenka ayaa waxay soo shaacbaxday kadib
markii uu shalay galinkii danbe kulan la
yeeshay ururka haweenka gudoomiyaha dagmada
xaaji daahir maxamed cilmi oo isagana ku
booriyay in ay sii xoojiyaan kaalinta
baaxada leh ay kaga jiraan haweenka ururada
bulshada ayadoo la filayo in ay banaanbaxaan
ka qayb qaataan ardayda iskuulada iyo
qolyaha dawanka qaraaca sida baanbayda.
Afduub Ka
Dhacay Kismaayo:::
Waxaa
shalay galinkii danabe lagu guulayestay in
xarnimadoodii loosoo caliyo haweenay iyo
canug yar oo ay dhashay oo lagu afduubtay
magaalada kismaayo taasoo ay ku guulayesteen
taliyaha ciidanka isbahaysiga dooxada jubba
mudane goobaale ayadoo ay halkaasi
tacshiirad isku waydaarsadeen qolyahii
afduubka gaysatay iyo ciidankii uu watay
taliyaha ciidanka isbahaysiga mr goobaale
ayna halkaasi ku dhaawacmeen afar qof oo ka
tirsanaa sida la sheegay qolyahii afduubka
gaystay isla markaana ayagoo badqaba
dhibanayaashii lagu soo celyay hoygoodii.
Hadaba
haweenayda la afduubtay ayaa waxaa magaceeda
lagu sheegay ubax cali aydoo loo afduubtay
deegaanka kabsuumo lagana dalbaday saygeeda
lacag madax furasho ah in uu ka dhiibo
eheladiisa ugu danbayentiina ay ku
guulayesteen xalinta arintan isbahaysiga
dooxcada juba.
Hadaba ma
ahan markii ugu horayesay ee afduub loogu
geysto maglaada kismaayo dadka aan is
difaaci karin ee shacabka ah sidoo kale
waxaa jira in horaantii sanadkan afduubyo
loo geystay dadbadan oo uu ka mid ahaa
madaxii qaramda midoobay u qaabilsanaa
amaanka gobolada koonfureed tasoo sababtay
in dhamaan hay'adahii samafalka ahaa ay ka
huleelaan magaaladan kismaayo.
faysal
xaaji siyaad muumin
faysalsiyaad@hotmail.com
kismaayo soomaaliya