Maleeshooyinkii 14 sano ka
dagaalamayay Muqdisho oo u diga-rogtay Gobalada dhexe
Waxaa maalmahan ku sii
qulqulayay gobalada Mudug iyo Galagaduud Maleeshooyin hoos
imaan jiray qaara ka mid ah hogaamiye Kooxeedyada magaalada
Muqdisho, kuwaasoo doonaya inay ka qayb galeen isgumaadka ka
socda gobaladaas ee ku saabsan dagaalka qabaliga ah ee ay
wadaan kuwa aaminsan ee ahmiyadoodu tahay qabiil.
In kabadan 30 tikniko ah oo ka
baxday magaalada Muqdisho, si ay garab usiiyaan beel ka mid
ah beelaha ka dagaalmaya aagaas ayaa maanta waxay foodda is
dareen beeshii kale oo u gashay jidka maadaama ay dhanka
Muqdisho deegaan ahaan ka xigaan.Waxaa halkaas ku riiqday oo
ayna naftu dhulka la gaarin in ka badan 36 qof,laba jibaar
tiro ka badanna waxaa kasoo gaaray dhaawac oo labada dhincba
ah, gaadiid badanna wax gubtay iyo wax lakala qabsaday ayay
noqdeen.
Mar aan khadka fooniyaha kula
xirriray deegaanada dagaalku aafeeyay waxay noo sheegeen in
dhul badan laga qaxay,maydadkuna wali ay waran yihiin dhulka
miyiga ee dagaladu ka soconayaan, ayadoo ay suuroobi karto
waxyeeladu inay intaas ka badantahay.
Waxgarad ka tagay magaalada
muqdisho oo u istaagay dhexdhexaadinta labadaas beelood ee
Sacad iyo Saleemaan, ayaa maalmahan rajo fiican ka sheegayay
ka dib markii labada beelood ay udhiibteen
dhexdhexaadnimadooda isla markaana ka aqabaleen xabbad
joojis.Balse waxaa intaas iyana garab socotay in Muqdsho
laga diro tiknikooyin iyo maleeshoyin ka qaybgala dagaalkaas
qabaliga ah, kuwaasoo aan dheg jalaq usiin samotaliska ay
wadeen odayaasha Xamar iska xilqaamay.
Daabaco
Boggan | Print
