Daabaco Boggan | Print

---

---

• WARSAXAAFADEED kasoo Baxay Dr. Culusow
• Baarlamaanka Soomaaliya oo deeq ka helay hey'adda Awepa
• Kulan looga doodayo xaquuqda Haweenka oo ka furmay Nairobi maanta 

WARSAXAAFADEED kasoo Baxay Dr. Culusow

• "...anigoo aqoon yahan Soomaaliyeed ah, Ummadda iyo Dalka dembi ka gelin, kana dhashay Beesha Hawiye, waxaan ka codsanayaa Xildhibaanada Soomaaliyeed in ay nala dhisaan Ra’iisul Wasaaraha, oo ayna na diidin, wixi qalad ah ee dhacay in ay raali ka noqdaan, diyaarna loo yahay in la saxo...." Dr. Cabdi Maxamed Culusow ‘Black’ | Email: drabdi2000@yahoo.com

  ---

WARSAXAAFADEED | December 17, 2004

Ayadoo, dhibaatada dadka iyo dalka haysato, ay fara badan yihiin, oo afar iyo tobban sanno, dalki qolaba meel goosatay, Ummadda Soomaaliyeedna, qaar dalka ka qaxay, oo dhibaato dibedda ku haysato, qaarna dalka gudahiisa qaxooti ku yihiin ama kuwi dalka ku haray, ay ku sugan yihiin, in ay noqdaan qaar xabad disho, qaar gaajo, macluul iyo cudur u dhinta; ayaa waxaa lagam maarmaan ah in leys daba qabto, oo Dalka iyo Dadweynaha Soomaaliyeed loo naxo.

Awaan Yamyam oo Barnaamij Dhaqameed Kusoo Bandhigay Jaamacada Bariga Afrika Barnaamijkaas oo loogu magac daray: Murtidii Yamyam, Martigalinta Boosaaso iyo Masrixiyada Jamacada Bariga Afrika... Guji.. Dec 16

Haddaba, waan la wada socona, Shirki labada sanno wixi qaladaad ah ee dhacay, qaladaadyadi sida la rabo loogu fasirtay, Axdigi Qaranka-KMG aha iyo qaladaadki dhacay, markii Dowladda la soo dhisay, oo ayna dheeli tirneyn awood qeybsigi ama jagooyinka muhiimka ah ee Dowladdaa sida lo qeybiyay. Waxaan, aaminsanahay, in Ra’iisul Wasaaraha diyaar u yahay, in uu saxo wixi qalad ah; sida ay sheegayaan, wararki iga soo gaaray Xildhibaanada Beelaha aan la kulmay iyo in Mudane Cabdullaahi Yusuf Axmed, Madaxweynaha kula taliyay Beesha Darood, mar uu la kulmay, in la taagyeero Ra’iisul Wasaaraha; oo aan la qabo, ahna talada ugu fiican ee Xildhibanada la siin karo. Marka, waxaanna dhammaan Xildhibaanada Soomaaliyeed ka codsanaya, in ay si yaan Ra’iisul Wasaaraha Cusub, Codka Kalsoonida, si aan horay ugu socono, fursadna la siiyo, oo aan ku qeymeyno, wax qabadkiisa shaqo.

Mida kale hoggaamiyaasha Xildhibaanada noqday, laguna tixgeliyay in ay ka midnoqdaan dowladda, waa in ay ogaadaan, in ay matalaan jufadooda, oo aan loo baahneyn in ay fara geliyaan arrimaha beelaha kale, culeysna ku saaraan Ra’iisul Wasaaraha, cidda ay rabaan in Wasiir loogu magacabo, beel ayna u dhalan. Ra’iisul Wasaaraha shaqadiisa, ha loo daayo Waa sahlantahay, si wax loo dumiyo, laakin weey adagtahay in wax la dhiso, yaan dib loo eegin wixi dhacay, aan wada saxno, arrintana yaan laga dhigin, wax shaqsi leeyahay; hana la fiiriyo waxa dalka iyo dadka u baahan yihiin, ee ah Dowlad Soomaaliyeed, oo soo celisa adeegayaasha daruuriga ah iyo Sharciga iyo Kala-dambeynta. Ra’iisul Wasaaruhuna, waxaan kula talinaya, in uu badiyo wada tashiga iyo wada hadallada Xildhibaanada, beelaha iyo Dadweynaha Soomaaliyeed iyo Qaranka Soomaaliyeed, ayaa ka talintiisa, Ummadda Soomaaliyeed ka wada dhaxeeyo; dal ama dad si gaar ah, in loo qanciyo, ay waajib tahay, in ayna jirin. Danta dalka iyo Dadweynaha Soomaaliyeed, ayaa wax walba ka horeeya, sidi loo ilaalin laha. Taa, waxaan ula jeeda, in aan a qanciyo, Xildhibaanada walaaca ka qaba, in Itoobiyaanka ay faraha kula jiraan arrimaha Soomaaliya; dowladana ay soo xulayaan ama na farto cidda aan Dowladda laga qeyb-gelineyn, in ay tahay wax, marnaba suurta gal noqoneyn.

Itoobiya iyo Soomaaliya, waa lagama maarmaan, in ay yeeshaan, xirrir wax wada qabsi iyo deris wanaag; in ay noo soo xulaan ciddi Dowladda ka qeyb-galeyso ama fara gelin Arrimaha Siyaasadeed ee Soomaaliya, cid ka aqbaleysaahi ma jirto, saaxibtinimada kuma jirto. Sida, Caalamka uu qabo, waa in lagu dhaqo Siyaasada Arrimaha Dibedda ee dalka kasta, Mabaadii’da Dhoowritaanka iyo Sinaanta Dalalka, oo aan la fara gelin, laguna xadgudbin Arrimahooda Gudadaha; lana horumariyo Danaha ka dhaxeeyo Dowladaha deriska ah, Gobolka iyo kuwa Caalamka.

Marka, anigoo aqoon yahan Soomaaliyeed ah, Ummadda iyo Dalka dembi ka gelin, kana dhashay Beesha Hawiye, kuna hadli karo magacooda; ayaan, waxaan leeyahay, Xildhibaanadi, igu yiri “ ABGAAL HA NAGA CODSADO, IN AAN RA’IISL WASAARAHA, LA DHISNO”, ayaa hadda anoo ku hadlaya, magaca Abgaal, mar haddii Ra’iisul Wasaarihi dad isku xigno, ayaan, si xushmad leh uga codsanaya, in Xildhibaanada Soomaaliyeed, ay nala dhisaan Ra’iisul Wasaaraha, oo ayna na diidin, wixi qalad ah ee dhacay, in ay raali ka noqdaan, diyaarna loo yahay in la saxo; si dowlad u wada dhisano, dhibaaada Dadweynaha Soomaaliyeed iyo Dalka haysata looga samata baxa.

Dr. Cabdi Maxamed Culusow ‘Black’
drabdi2000@yahoo.com | Updated: Dec 17, 2004

Faafin: Somalitalk.com Nairobi | Dec 16, 2004

SEARCH