Maamulka Marka oo gacanta
ku dhigay oday dhaqameed laga afduubtay Muqdisho oo ka
soo jeeda beesha Sheekhaal.
Canab Mumtaz |
canabmumtaz@hotmail.com
SomaliTalk | Nairobi | Dec 14, 2004
Maamulka ka taliya
magaaladda Marka ayaa lagu waramayaa in ay qabteen Sadex
nin oo hubaysan oo watay oday dhaqameed Soomaaliyeed oo
ka soo jeeda Beesha sheekhaal , halka mid kale oo ka mid
ahaa afduubayaasha la dilay kadib markii uu isku dayay
in uu rasaas furo.
Sadex maalin ka hor
ayaa Sheekh Maxamed Cali oo dadiisu tahay 65 sano jir
waxaa lagu afduubay magaalada Muqdisho isagoo ku sugnaa
suuqa bakaaraha ka dibna waxaa ay waydiisteen lacag
madax furasho ah oo gaaraysa ka badan 10,000$ .
Cabdulaahi Maxamed Cali
oo ah wiil uu dhalay odaygaasi ayaa sheegay in uu kula
xiriiray marka aabihiis isla markaana uu caafimaad qabo
waxaana uu uga mahadceliyay maamulkaasi sida wanaagsan
ee ay u bad baadiyeen aabihiis oo uu ka wal walsanaa
sadex maalin.
Xildhibaanadda dawladda
federaalka kumeel gaarka ee soomaaliya ee ay qaraabadda
ahaayeen oday dhaqameedkaasi ayaa iyaguna soo dhoweeyay
talaabadda uu qaaday maamulkaasi Marka , waxaana ay
sheegeen in xiligan loo baahanyahay in kooxaha wax
afduuba ay ka gudbaan dhaqanka lagula kacayo odayaasha
iyo guud ahaan shacabka Soomaaliyeed