IGAD
oo markale bilowday dhexdhexaadintii Qaybaha Soomaaliyeed kadib kala
diristii Gollaha wasiiradda.
Canab Mumtaz
Somalitalk | Nairobi
canabmumtaz@hotmail.com
Dec 12, 2004
Kulan afar geesood ah oo ay maanta
iskugu yimaadeen Afhayeenka Baarlamaanka, Madaxweynaha Dowlada FKMG
ah, IGAD iyo Wasiirkii la casilay ee Prof Cali M.Geddi ayay uga wada
hadleen qaabka loo xalin karo casilaadii shalay ay baarlamaanka.
Shirkan oo ahaa mid ay albaabada u
xirnaayeen waxaa ay qaybahan isla meel dhigayeen sida ugu fudud ee
loo xalin karo la iskugna keeni karo baarlamaanka iyo dowladda mas'uuliyiinta kala
hogaamisa si loo yareeyo dhibaatada soo kala dhex gashay ee ku aadan
dastuurka iyo jabinta qaar ka mid ah Axdiga u dagsan baarlamaanka oo
ay xildhibaanada ku eedeeyn cali maxamad geddi in uu ku xadgudbay.
Warar ku dhawdhaw madaxweynaha iyo
Wasiirkii la casilay ayaa sheegaya in ay wadaan barnaamij ay IGAD
kaga dhaadhicayaan in aysan waxba ka jirin codkii shalay loo qaaday
in dowlada lagu casilay, sidaasna lagu shaaciyay uusana ahayn mid
sharci ah oo ay qaadan karaan,mar hadii aysan dowlada wali u soo
bandhigin baarlamaanka waxqabadkeeda wax lagu casilana aysan jirin
mar hadii aysan la imaanin barnaamij lagu mucaarado ama lagu
taageero.
Afhayeen u hadlay dowlada ayaa mar
kale ku celiyay in dowlada aysan dhicin ayna wadan doonto howleheedi
caadiga ahaa ee hor yaalay,arrimahana ay yihiin kuwo lagu dagdagay
una baahanaa in la saxo ka hor inta aan loo qaadin codka kalsoonida
ee casilada ah sida uu afhayeenkaasi ku waramay.
Baarlamaanka ayaa dhankooda wadda
dadaal xoogan oo ah in gudoomiyaha uusan marna la soo laabanin
go'aan ka duwan kii ay shalay wada gaareen kuna rideen dowladdii uu
hogaaminayay Cali maxmad Geddi.
Dhinaca kale kulan ay lahaayeen maanta
Gollahi wasiirada ayaa waxaa ka hadlay Cali maxamd gedi oo u sheegay
in ay ka warsugaan waxa ka soo baxa kulanka ay la leeyihiin IGAD iyo
Afhayeenka Baarlamaanka oo meel wanaagsan maraya,siina wataan
howshooda caadiga ah ee wasiir walba hortaala,waxa uuna la yaab ku
sheegay in qaar ka mid ah wasiirada ay arrintan casilaada ka
dambeeyeen laakiin uusan waxba u arkin, kulankan oo ay albaabadu u
xirnaayen waxa intaas ku daray Prof Cali Maxmad Geddi in ay yareen
buuqa iyo gacan ka hadalka oo ah wax aan loo baahnayn arrintana lagu
jiro sidii loo soo xaqiijin lahaa sida uu iigu wararamay mid ka mid
ah wasiiradii ka qayb galay kulankaas.
Arrintan casilaada ayaa wali waxaa ka
jira buuq badan iyadoo baarlamaanka iyo dowladaba ay kala sheegayaan
in la kala diray dowlada oo aysan jirn halka dowladana ay qabto in
aan la ridin loona haynin sharci lagu rido balse waxaa laga
warsugayaa wax ka soo baxa afhayeenka baarlamaanka kulamada uu la
leeyahay dowlada iyo IGAD.
Canab Mumtaz
Somalitalk | Nairobi
canabmumtaz@hotmail.com
Muxuu
ku dhamaaday kulankii Soomaaliya iyo Uganda…?
amiinkhasaaro yuusuf
amiinkhasaaro@hotmail.com
Shalay saacaddu markay ahayd
2:00-duhurnimo ee waqtiga Muqdisho waxaa Garoonka Qaranka ee
waddanka Ethiopia kulan ciyaareed aad u xiiso badan ku wada
yeeshay xulalka Soomaaliya iyo Ugandha, waxaana kulankaas oo
ay ka soo qaybgaleen taageerayaal aad u fara badan oo u
badnaa difaacayaasha Qaranka Soomaaliya qeybtiisii hore ku
soo idlaatay 0-0, inkastoo ay ciyaar-tooyda Qaranka ee
Soomaaliya ay ka hor dhamaadka ciyaarata ay heleen fursaodo
Gool loo fishay, balse aan dhalan.
Qaybtii 2-aad markii la isugu
soo laabtay waxaa ka dhacay ciyaar ka adag qaybtii hore,
waxaana gool deg-deg ah indhaha looga dharbaaxay Xulka
Soomaaliya oo si aad ah looga gacan sareeyay, guud ahaanna
ciyaartaas waxay ku soo gabagabowday 2-gool oo ay dhaliyeen
ciyaartooyda Qaranka Ugandha iyo Soomaaliya oo aan wax
goolal ah la imaan.
amiinkhasaaro yuusuf
amiinkhasaaro@hotmail.com
Daabaco
Boggan | Print
