DADAALKII MACALINKA
SHEEKO DHAB AH:
Waxaa carabi kasoo tarjumay,
Maxamed Axmed
Toronto, Canada
Maalin maalmaha kamid ah ayaa Macallin
uu kuwaaniyey ardadiisa in ay Rabbigood adeecaan, oo ay salaadda
subax kudadaalaan inay waqtigeeda tukadaan, Macallinku aadbuu ugu
celceliyey waanadaas iyada ah.
Haddaba waxaa fasalka kamid ahaa arday
saqiir ah oo dhiganayey galaaska saddexaad ee dugsiga hoose oo
magiciisa la oran jiray Axmed. Axmed wuxuu aad ugu macaansaday
Macallinka warkiisa wuxuuna go'aansaday inuu kadhabeeyo waanadaas
iyada ah oo uu qaato, isagoo ku tallamaya inuu salaadda subax
masaajidka jamaacadiisa lasoo tukado. Laakiin nasiib darro waqtigaas toosidiisu
kudhib ayay ahayd da'diisa yaraanteeda awgeed.
Arrinku si kastaba ha ahaadee, wuxuu
goostay Axmed inuu salaadda subax lasoo tukado jamaacada Masaajidka,
maddaama Macallinku yiri iyada yaa ajar badan, laakiin su'aashu
waxay tahay yaatoosinaya waqtigaas, ma aabbihiis baa toosin, ma
hooyadiis baa toosinaysa, MAYA, haddaba yaa toosin. Muxuu samayn?!!.
Jawaabtu waxay tahay, wuxuu qaatay
go'aan khatar ah, laakiin geesinimo kujirto, kaas oo ah inuusan
seexan habeenka oodhan ilaa laga gaaro waqtiga salaadda subax
soogalayso oo uu dhafro, sidaas ayuuna yeelay. Markii uu maqlay
addinkii salaada subax ayuu furay albaabkii hore ee gurigooda,
kaddibna bannaanka ayuu usoo baxay, waxaana indhihiisu kudhaceen
waddada oo cabsi leh isla markaasna mugdi ah kaddibna baqdin ayaa
laabtiisa buuxisay, waa yaabe muxuu samayn doonaa?!!.
Waxaa dhagihiisu maqleen kabo
sharqantood si fudud dhulka ugaraacaya, iyo ul dhulka si tartiib ah
loodhigayo , wuxuu noqday ninkaansi odaygii awoowaha u-ahaa wiilka
xaafadda ee ay saaxiibada ahaayeen. Kaddib wuxuu Axmed go'aansaday
isagoo faraxsan in uu si qarsoodi ah udabagalo odayga waayeelka ah
ee masaajidka usocda, iskana dhowro sharqanta si uusan udareemin,
hadhoow marka uu soo baxayo sidoo kale uu yeelo oo uu gadaashiisa
sidii ookale isugu aadiyo oo uu soo daba-galo, sidaas buu yeelay
subaxaas, kaddibna gurigoodii buu kusoo laabatay wuxuuna si tartiib
ah uga soo galay albaabkii hore oo uu markii uutagayey sii riixay.
Sariirtiisii ayuu halhaleel utagey oo
wuu seexday kaddibna iskuulkiisii baa lootoosiyey wuuna aaday.
Ayaamihii kuxigayna sidoo kale ayuu yeeli jiray(habeenkiina soojeed
isagoo subaxa kabaqaya inuu dhaafo, odayga ayuuna sii dabagalaa
soona dabagalaa). Reerkiisuna waxba kama dareemin oo aan ahayn
maalintii marka uu iskoolka kayimaado oo hurdo siyaado ah lagu arkay,
iyagoo garan la' waxa keenay in wiilka yar ay hurdadiisu badato
maalintii.
Xaalku wuxuu saas ahaadaba, maalin
maalmaha kamid a ayaa waxaa loosheegay in odaygii awoowaha u ahaa
saaxiibkiis uu geeriyooday(odaygii uu masajidka udabagali jiray),
kaddibna Axmed wuxuu bilaabay in uu kor u dhawaaqo isagoo ooyaya oo
la'aamusin waayo. Aabbihiis ayaa weeydiiyey: "Maxaa kaa oohinaya
odaygaasi qaraabadaa miyaa, Hooyadaa miyaa, Aabahaa miyaa"?,
kaddibna Axmed wuxuu kujawaabay: " Aabbe waxaan ka-jeclaan lahaa
in aad adigu dhimato meesha uu odaygaasi kadhintay" (dabcan waxaa
keenaysa yaraantiisa inuu saas uhadlo).
Kaddib aabbihiis wuxuu weeydiiyey
sababta uu leeyahay hadalkaas "aabbe adaan kajeclaa inaad dhimatid"..
dabadeedna wuxuu Axmed ku jawaabay: "Odaygaasi wuxuu ahaa odaygii
aan masajidka subuxii uraaci jiray sii-socod iyo soo-socodba, marka
majeclayn inuu dhinto odaygaasi, ee adaa aabboow kufiicnaa inaad
dhimatid, maxaayeelay weligaa iima aadan kaxayn masaajid, imana
aadan amrin salaadda"!!.
Dabadeed Aabbihii wuxuu amray Axmed
inuu uga sheekeeyo xaaladda uu kasoo maray salaadda iyo masajidka
aadidiisa, markuu uga sheekeeyeyna Aabihii wuxuu bilaabay inuu ooyo
isagoo kudhawaaday in dhuuntu dillaacdo, kaddib markuu layaabay
wiilkiisa saqiirka ah oo saas khayrka ugu dadaalaya una toosan iyo
isagii dhalay oo baadiyaysan, dabadeedna odaygii iyo reerkii
oodhammi waxay go'aan kugaareen inay wiilkooda yar kudaydaan ,
sidaas ayaana reerkii odhammi kuhanuuneen, Ilaah ka sokoowna wiilka
yar ayaa sabab u ahaa, iyo Macallinkii isaga iyo ardadii kaleba faray
inay salaadda oogaan.
DHAMMAAD
-Waxaa laga soo guuriyey (cajaladda:
QISOOYINKA QALBIGA TAABTA, uuna duubay Shiikh Ibraahiim Al faaris)
FIIRO GAAR AH: Qisadu masheegin
waddanka ay sheekadaani kadhacday.
Waxaa carabi kasoo tarjumay,
Maxamed Axmed
Toronto, Canada
Afeef: Aragtida qoraalkan waxaa leh qoraaga kusaxiixan
Faafin: SomaliTalk.com | Dec 13, 2004
»Kufsigii
Cadaaladda ee Hargeysa ayaa ka Horeeyey kiiska SamSam
»Dawladii
Prof Geedi oo la riday...
[Gaagaale]
»Xog
waran ku saabsan Shirka ka dhacaya Copehagen [M.Abdi]
»DADKAYGOOW
DULMIGA DAA [Garaad]
»C/LAHI
XAAJIYOW CIMRI TAGAY CEEB HA KU SAGOOTIN [Abshir]
»Wallee
Lama Ledo ! [Hadal-wanaaje]