QOSOL QANI BAADTAHAYE
Waxaa qoray
Maxamed Axmed
Toronto, Canada
alhudaa1@yahoo.ca
Assalaamu calaykum,
Waxaan waxbadan maqalnaa aayadda kutaal kitaabka alle isagoo Eebbe leeyahay, {Haddii
aad damacdaan inaad tirisaan nicmooyinka Ilaahay makoobi kartaan}.
Laakiin nasiibdarro haddaan nahay bini'aadam nalakama waayo eedsheegad iyo waxbaa
iga maqan, bini'aadamkuna kuma kaaftoomo xaalad kasta oo nolosha jaranjarooyinkeeda
kamid ah oo uu gaaro, sidaas daraaddeed ayaa Rasuulkeennii suubanaa (NNKH) wuxuu
yiri isaga oo taas cabbiraya [Haddii bini'aadamka lasiiyo waadi dahab ah, wuxuu
haddana dalbaa waadi kale in lasiiyo, afkiisana wax aan ahayn ciid ma buuxinkarto].
Laakiin soo mahaboona in qofku horta rabbigiis uga shukri naqo ugana mahadceliyo
wanaagga faraha badan ee uu siiyey, oo ay ugu weeynyihiin Islaamka iyo abuuristu.
Bal aan waxyar milicsanno xaaladaha dadku kacawdo iyo sida ay kuhaboontahay in loola
falgalo xaaladahaas iyaga ah:
~ XOOLO-YARIDA:
Waxaa la'arkaa in qof yiraahdo maxaan unoqon waayey QANI ama TAAJIR oo aan
ulaxarbinayaa nololmaalmeedka kukooban KIRADA iyo CUNTADA, haddaba walaal bal
xusuuso dadka sidaada oo kale adoomo Ilaahay ah islamarkaana kaahooseeya oo tirada
badan adduunkana kugula nool, kuwaasoo aan heli karin maalin raashinkeed isla
markaasna aan haysan wax kaceliya roobka iyo dhaxanta, taas markaad daristay waxaa
kuusoo baxay in shukri kugu waajibay sida Alle kuu asturay darteed, haddaba QOSOL
QANI BAADTAHAYE.
~ JIRRADA:
Sidoo kale dad walaalaha kamid ah ayaa jira oo xanuunsan, xanuun lala soconayo oo
dhakhtar ay kala tashadaan, hayeeshee waxaa laga yaabaa inay isweeydiiyaan
xanuunkaani muxuu kaaga tagi waayey iyo goormaad biskoonaysaa ama xaggee lagaa
haystaa. Laakiin Alle baryadiis, samir iyo toosnaan kaddib waxaa iyadana larabaa in
qofkaani kafakaro imisa Muslimiin ah oo kulamid ah ama Ilaahay-kaaga-dhoow ayaa
kaadaran, oo adigu waaba socotaaye aan kici karin, ama wax cuni karin ama tukan
karin, iyagoo jeclaan lahaa inay intaas oodhan sameeyaan, marka sooma-aragtid in
aad malaayiin qof kafiican tahay oo Alle kuu roonyahay. Haddaba QOSOL QANI BAAD
TAHAYE.
~ CARRUUR LA'AANTA:
Qof baa laga yaabaa inuu guursaday laakiin aan in-muddo ah carruur udhalan,
hayeeshee laga yaabo inuu is yiraahdo: qof waxaad tahay balaayo kudhacday oo
curyaamay. Sidiisa qofku haddii uu indha-indheeyo nicmooyinka Alle siiyey
farabadnidooda runtii qofna kuma fakareen waxbaa kaa-khaladan. bal qofkaan haddii
aan fiirinno, waxaa laga rabaa inuu yiraahdo "ILAAHOOW MAHAD BAAN KAAGA CELIYEY
GUURKA XALAASHA AH OO AAD ISIISAY, INTA HARTAYNA IIGU DAR", maaddaama ay jiraan dad
malaayiin kabadan oo jeclaan lahaa inay soo gaaraan martabadda aan joogo iyo
nasiibka aan helay oo qooyska iyo aqalka ah, badanaa dad sanooyin badan uhalgamayey
inay guursadaan laakiin aan Alle ucalfin, haddaba soowmaaha arrinkaani nicmo Alle
siiyey addoomadiisa inta uusiiyey, asaguna kama mutaysan SHUKRI iyo XAMDI, aleeylehe
haa, Haddaba walaalkayoow intaad quusan lahayd QOSOL QANI BAADTAHAYE.
~ QURBAHA:
Waxaa jira dad badan oo naga mid ah oo yiraahda "Qurbe iyo qaxar baa Alle
nalakulmiyey", waxaa laga yaabaa in arrinkan wax kajiraan, dadkanuna ay uqaybsamaan
kuwo iyagu soodoortay qurbaha iyo kuwo dani keentay. Laakiin xaqiiqdu waxay tahay
arrinku isagoo sida loojeedo ah, haddana in nicmo ilaahay haddii laga baaro aan laga
waayeen nusqaantaas iyada ah. Walaal bal aan kuxusuusiyo middaan iyada ah: Kawarran
dadka walaalaheen ah oo innagoo kale ah, oo cudur, amni-darro iyo gaajo ay dariska
lanoqdeen waddankiina jooga, isla matrkaasna aan garankarin waxa waagu hadduu baryo
xaalkoodu noqon doono GEERI mise NOLOL, haddaba iyadoo Qurbe yahay dhibaato, lana
rabo in xal loohelo, haddana marka laguu qiyaaso dadkaas aan dhibkooda sheegnay ee
inta aad haysato aan haysan, haddaba xaalkaagu wuxuu ku sifoobay QOSOL RUNTII QANI
BAADTAHAYE, allena shukri iyo xamdi aan unaqno.
ILAAHAY XAQA HANAGU SUGO.
Waxaa qoray
Maxamed Axmed
Toronto, Canada
alhudaa1@yahoo.ca