Xog waran ku saabsan Shirka
la sheegay inuu ka dhacayo Copehagen,Danmark.
Qore. Mohamed Abdi
gammaan@hotmail.com
Marka hore waxaan salaan
diiran usoo gudbinayaa bahda Somalitalk, iyo dhamaan
Akhristayaasha soomaaliyeed ee Bogaga internetka.
Marka xigta waxaan jecelahay
inaan xog waran dhab ah idinka siiyo shirka la sheegay inuu
ka dhacayo Magaalada Copenhagen, Danmark, maalmaha 10-12
bishan December. Lagunasoo iclaamiyey Internetka.
Waxaa muuqada in shirkan laga
leeyahay ujeedooyin guracan oo kasoo horjeeda danta umada
soomaaliyeed guud ahaan, gaar ahaan danta umada soomaalida
Ogadeniya ee Xabashidu gumaysato, loogana goleeyahay in lagu
minja xaabiyo Halganka xaqa ah ee lagagasoo horjeedo Taliska
dhiigyacabka ah ee Tigreega.
Arintaas waxaa kuu cadaynaya
dadaka shirkan lagu marti qaaday waxay u badanyihiin kuwo si
toos ah ama si dadban ugu adeega Gumaysiga Itoobiya, Marka
laga reebo dhowr shakhsi oo magacooda laiska qortay shirkana
aansooba xaadirin. Sida Profasor: Gandi, Tarax, Cabdiladif
Afdhuub, IYO Yusuf Xasan.
Waxaa kale oo iyana dhacday in
ka qaybgalka shir ku sheegan loo diiday dhamaan dadweynaha
reer Ogadeniya gaar ahaan kuwa Danmark degan, marka
lagareebo inyar oo dabadhilifnimada gumaysiga Itoobiya aaminsan.
Shirkan waxaa kasoo qayb galay
islamarkaana ka hadlay nin gacanyare u ah keligii taliye
Zanawi, ninkaas waxaa weeye Hogaanka waxa Wadanka Ogadeniya
looga yaqaano( Maleeshiyada Dabaqoodhiga) oo shaqadoodu
tahay Jaajuusida, Xidhxidhida, Garaacida, Dhicida, iyo
Laynta, shacabkooda masaakiinta ah ee taageersan Halganka
xaqa ah ee Jabhada ONLF kula jirto Gumaysiga Xabashida ee
naxariis la,aanta ku caan baxay.
Shirkan waxaa lagu daawaday
Cajalado ay wadajir usoo duubeen Dabaqoodhigaas aan soo
sheegnay, iyo ciidamada Itoobiya ee xooga ku haysta wadanka
Ogadeniya. Cajaladahaas oo loogu talagaley in lagu hafro
shacabka soomaaliyeed ee darxumada iyo gumaysigu baabi,iyey
islamarkaana lagu khaldo dadweynaha soomaaliyeed ee dibadaha
ku nool.
Arinta shirkan waxay ka mid
tahay Brobagaandhada iyo dibindaabooyinka ay gumaysatada iyo
adeegayaasheedu ku doonayaan inay ku carqaladeeyaan
rabitaanka iyo himilada shacabka soomaalida Ogadeniya u
qabaan Gobanimo iyo inay gaadhaan nolol sharaf leh.
Laakiin waxaan u sheegaynaa in
ugu dambaynta xaqu guulaysanayo dulmiguna dhamaanayo. Sidaa
darteed waxaan
dadweynaha soomaaliyeed
meelkasta ooy joogaanba ka codsanaynaa inay xaqa garab
istaagan dulmiga iyo gumaysigana diidaan, Kana digtoonaadaan
khayaamooyinka iyo dacaayada cadowga.