MA ANIGOO
MAREEXAAN AH BAAN MIDGAAN MAGAN GALAA!!
C/raxman
EELAAY
eediran@yahoo.com
Qiiq!,
Qiiq!,Waa wareey!, Alla!, Alla! aboowe iska eeg! Haah Illaahay waa kaa nabad
geliyey! Wac saddexda xaraf (911), ku dhakhso! Ma qortay taarkada! Waan,
Waan! Waan! Waa Booliskii oo daqiiqado gudahood nagu soo gaadhay! Bal
warrama sidee wax u jiraan buu nagu bariidiyey? Waxaanu u sheegnay in
baabuur nalagu soo cayrsaday oo aan in yar uga baxsanay! Waanu dhiman lahayn
haddii uusan Eebahay naga badbaadin!
Booliskow
waxaan waayey meel aan seexano, meel aan ku nasano, iyo meel aan ku
nabadgalno. Waxaa nala dagaalamaya wax naga tira badan oo aanan garanayn,
wax xiriir ahna uusan na dhex marin. Waxaase shirka hore fadhida qof aanu
muuqaalkeeda garanano, oo aad aanu u naqaan!
Booliskii baa
madaxa luxay lana yaabay cadaawadu meesha ay ka socoto, wuxuu ogaa oo
diiwaanka booliska ku jirta dhibtii hore ee ka dhacday carwada weyn ee
Soomaalidu wax ka iibsato. Waxaa diiwaanka ka soo booday qoraalo, sawiro iyo
cajalado tusinaya sidii naxdinta lahayd ee Sagal loogu galay carwada
dhexdeeda iyo sidii ay dhamaan dadkii meesha joogay ay dhinac uga noqdeen ee
loogu markhaatiga furay maxaa yeelay gabadhu waxay ka soo jeedaa qowmiyada
Hawraarsame!
Alla
walaalayaal miyeydaan Islaam ahayn, maxaad u furaysaan markhaati beenaalaha?
Miyeydaan arkeeyn dhiiga ka shubmaya dhabanadeyda? Miyeydaan arkeyn in meel
waliba I diiran tahay oo layla dhacay biro iyo ulo? Miyaan laydin su’aaleyn
markaad igu daawaneyseen ee aad sacaba tumeyseen?
Eebe waa
samata bixiyee gabadh kale oo la socotay oo Illaahay lixaad u dhiibay ayaa
inta ay ulihii iyo birihii gacan keliya ku qabatay bay dadkii soo duulay
tidhi hoo bariiska!
Carwadii baa
isku buuqday oo ciidamadii amaanka loo yeedhay. Mise gabadh baa halkan dhiig
ka da’ayaa oo lagu rifay! Way taagan tahay gabadhu iyadoo madaxa
janjeerinaysa si ay dhiiga maryaha uga duwato, laakiin kuwii dilay ayaa
halkan galgalanaya oo cabaadaya! Ogow Qurbaha haddii wax yari kugu dhacaan
sidii adigoo jiif cabee gelaya ayaa lay tuuraa si xaq laguu siiyo ama eeda
lagaaga duwo! Dhamaan dadkii meesha joogay baa af labadii yeedhay: “ Sagal
baa gardaran!, Sagal baa wax dishay! Bal eeg gabadhan ay beerka kala soo
baxday! Ha loo yeedho Ambalaas, ma socon kartee! Waa tacbaan!. Booliskii baa
yaabay oo xagii Sagal u soo jeestay, wuxuu arkay dhiiga ka da’aya! Sagal oo
Afka qalaad wax ka taqaana ayaa ku tidhi ninkii Booliska ahaa: “ Boolisow
bal eeg kaamarada ku dhegan xawilaadan aan ku jiray markii lay rifay si aad
u ogaatid in ay dhamaan dadkani beenaalayaal yihiin! Booliskii baa yaabay oo
yidhi oo maxay dadkan oo dhimi been kaaga sheegayaan oo aan ka galabsatay?
Kaamaradii baa la soo saaray oo la daawaday mise maxaa ceeb ah! Maxaa
fadeexad ah! Maxaa xaqdara ah! Maxaa markhaati beenaala ah! Haddii uu
booliskii oo wejigu casaaday xanaaq awgii dhinacyada fiiriyayba mise rag iyo
dumarkii mudaciga ahaa meesha cidiba kama joogto!
Markale ayuu
Booliskii amakaagay oo uu garan waayey dhibtu meesha ay ka socoto iyo waxa
gabadhu galabsatay. Waxaa isagoo maqiiqan jahwareerkii ku soo dhexdhacay
Wiilwaal. Af labadii buu yeedhay waan ogaa in waxan iyo wax ka xumi nagu
dhacayaan Boolisow! Waanu harsanweynay oo hoyan weynay! Gabadhan iyo aniga
xiriir baa naga dhexeeya, meeshaan marnaba waa qayladhaan, afxumo iyo
shimbira waaqlayn: Waa ninkii urayey, waa naagtii Midgaanta hayd, Alla ku
doori ma naaguu waayey, Naagta layma tusi karo! Dhiig baa iiga soo uraya oo
dadkayagii baa Gedo lagu laayey! Aabaheed wastada haddanan dilin ama aanan
xabsi ku hubsan iyada iyo nacaska sixran ee daba hashle! Yaa yidhi ninku waa
nasab! Waawareey ma hadaa la yidhi Midgaan cafis weydiiso oo magan gal!
Magac been uma
baxee Wiilwaal waa uun Wiilwaal! Waa wiil da’ yar oo aftahan ah, geesi ah oo
aan gabanayan! Weligey ma arag nin sidaasoo kale ugu babacdhigay qawmiyad
dhan oo isasoo biirsatay! Waa la dhibay, la garaacay, la sigay, la masabiday,
loo diyaariyey xabsi iyo in uu doonayey in uu wax kufsado! Haddana tii Eebe
Weyne kartidiisa iyo go’aankiisa adag iyo Xaakimkii iyo Booliskii oo yaaban
garana waayey waxa Midgaan la yiraahdo iyo waxa labadan ruux ee israba loo
daba joogo ayuun buu ku baxsaday!
Maxkamado
badan iyo isdabayaac ay soo galeen qaybo ka mid ah Jaaliyadaha fara badan ee
sheegta inay u adeegaan Ummada Soomaaliyeed ayaa waxay maxkamadii u
danbeysay ee lagu kala baxayey dhacasaa Jimcaha fooda inagu soo haya. Waa
inoo jimcaha Eebe Idinkii iyo warkii oo daaha laga rogo!
JIMCO JINKAA LA DHEEL LEE MAAHOO!
C/raxman EELAAY
eediran@yahoo.com
Afeef: Aragtida qoraalkan waxaa leh qoraaga
ku saxiixan
Faafin: SomaliTalk.com | August 6, 2004
Kulaabo bogga www.SomaliTalk.com
|