WARKII MOI MEESHA KAMA MARA!!!!

 

W/Q:Mursal Max,ed Max,ud(Garaad)

Email: stethy1@yahoo.com 

    Laba iyo tiro kabadan oo wadamo jaal ihi, nolosha ayeey kaga qayb-noqotaa, baratanka siyaasadeed midka dhaqan-dhaqaale iyo Kan diinaydba. Midwalba oo ka mid ah Dowladahaasina waxa’uu isku dayaa in uu gacanta sare lahaado oo uu wiiqo awooda Kan kale, si uu ugu soo baxo lagama dabahadlaan. Xafiltanka nuucaas ihi waxa’uugaaraa mararka qaarkood heer aad u qadhaadh, oo gamcaha laysula tago, halkaasna ay ku halaagsamaan dad iyo duunyo aad u fara badan. 

   Somalia waxay ka mid tahay wadamadda ay dhibaatadu kahaysato Dowladaha lajaarka ah, dhibaatadaan oo soo jirayn ahayd waxay aad u sii xoogaysatay markii gumaystuhu uu Ardiga soomaaliyeed kala goo-gooyey sanadkii 1884kii,waxay galabba meel soo hoyataba waxay soo gaadhay heerka ay manta taagantahay oo ah in loo tixgelsho Dalka ugu liita Mandiqadda ay nu ku noolnahay ee geeska Africa.  Arintaan ayaa waxaa si wayn u saaciday dagaaladii sokeeye iyo bur-burka qaangaadhka ah ee ku habsaday Umadda soomaaliyeed, taas oo dhaxalsiisay in cadawgu si fudud u kala barto, islamarkaasna sifudud ay wixii ay doonaan uga fushadaan Dowlado ay hoos u eegi jireen.

       Sikastaba ha ahaatee, inkasta oo khilaafaad dhexdooda ihi jiro hadana Umadda soomaaliyed Kama aanay quusanin in ay raadsadaan xuquuqda ka maqan iyo weliba kaalintooda marka laga hadlayo Gobolka ay ku noolyihiin, haseyeeshee waxa’ay la eeganayn waqti munaasib ah oo ku haboon, xoog iyo xeel kii ladoonana ay ku raadsan karaan waxa ka maqan.   

    Arintaan ayaa waxay shaki wayn ku beedhay dhagarqabayaasha la jaalka ah Somalia, waxayna hoos isugu sheegayn in sida iminka Somalia ay ku sugantahay maslaxadoodu ku jirto, oo hadii ay madaxa la soo kacaan ay halis gelin karaan xasiloonidooda, inkastooAduunyadda ay u sheegayeen inay ka shaqaynayaan nabad ka islaaxda geyiga somaaliyed oo shirar farabadan u qabanayeen soomaalida, bareena magaalooyin aanay horay qaarkood u garanayn sida Sodare, Hawasse, Eldoret, Nakuro, Dofarey (imbagthi) iyo kuwo kale.Hadana kama qarsoonayn dadka soomaaliyeed intooda waxgaranaya ee Ahlu-caqliga ah jalaafooyinka ay hoosta ka malegayeen,iyagoo adeegsanaya Damiirlaawayaal soomaalinimadoodu hajoogtee,islaamnimadooda ay su’aali kataagantahay,balse xiran shaatiga soomaaliyeed una dheganugul fariimaha cadawga.   

Sikastaba ha ahaatee arinka layaabka lihi waxa weeye markasta oo Soomaalidu ku dhawaato guul sida fudud ee ay wax u kala firdhadaan,oo ay ugu baahato waqti iyo juhdi kale si dib laysugu yab-yabo…Halayaabin qolo ayaa sidaas waajibaadkooda qaran ku gudanayee,ilayn waa sidii aad samayn lahayd hadii aad jaanis ku hesho cadawgaaga oo kala daadsan.   

    Xusuustaada dib uceli: Madareentay yididiilo nabadeed, oo naftu makuu sawirtay adoo kaligaa gaarigaaga wata oo dhexmushaaxaya wadooyinka ugu khatarsan Somalia, goor xilidanbe habeenkiiya, aanayna jirin cid kuu dakanaynaysa aano qabiil iyo wiil wadada ka qowlaysanaya..Markii ay dhegahaga ku soo dhacaday sida fudud ee qab-qablayaasha dagaalku ay qalinka ugu duugayn heshiiskii collaad joojinta ee Octobartii kal hore..Mise layabtay khadii heshiiska oo sii qoyan sida collaado ay uga qarxeen meelo bdan oo dalka ka mid ah sida Muqdisho, Puntland, Baydhabo Godo iyo meelo kale. Kasoo gudub markale ma dareentay udgoonka saxan-saxo Dowladeed markii ay ku soogaadhay heshiiskii 29 janaayo, ee ka dhacay Aqalka madaxtooyadda Kenya kaaso oo loogu gudbayey wejiga sedexaad ee dib u heshiisiinta soomaalida,iyadoo uu goobjoog ka ahaa madaxweyne Mui Kibaki..Mise kula noqotay filan waa iyo amakaag aad garanwayso halka ay sartu ka qurunsatahay kolkii aad maqashay saacado yar ka dib in Ragii heshiiska sixiixay ay qaarkood si cad uga horyimaadayn wixii ay gamcahooda ku sixiixayn,iyagoo ku cawday in lagu qiyaamay heshiiska,oo wax laysdaba mariyey islamarkaasna aan diidmo uun ku ekaysanine isaga baxay hanaankii geedi socodka nabadda,iyagoo dhisay Ururo cusub oo horleh sheegayna in ay wejiga sedexaad ee shirka ay ku dhamaystirayaan gudaha Dalka!!.Adigoo dhafoorada lahaysta marxaladihii hore oo xalkoodiina ku jahawareersan maku soo baraarugtay in dhamaan intii waxdiidanayd ay si hal-haleel ah ugu laabmayn madasha shirka,iayadoo habayaraatee aan waxba laga qaban wixii ay ku an dacoonayeen,balse ay maqlayn in wadamadda gobalku ay mowqif mid ah ka qaateen arinta Somalia!?..Dhacdooyinkaas waxaa kasii danbeeyey kuwo kale oo afka uun dhaafi waayey sida 31 july Somalia dowlada ayeey yeelanaysaa.I.W.M.

    Dhamaan isbed-bedelkaas, horay u socola’aanta iyojalfiska laysu dhigayo marka aad ku eegto maskax degan waxaa kuu soo baxaya in Raga marna diidaya marna ogolaanaya aanay ku shaqynayn go’aan iyaga ka soo fulay, balse loo joogo daaha gadaashiisa,oo loo yeeriyo howlmaalmeeka maalmaha soo socda ay qaban lahaayeen.kuwa waxa yeerinayana waa kuwa aan doonayn in Somalia ay weligayd wax noqoto. 

   Madaxwaynihii hore ee Kenya, ee xisbigiisa KANU uu fidiyey gogosha nabadda soomaalida,haatana uu kala wareegay xisbiga taladda haya ee NARC. Mr Moi ayaa hadal u ekaa falaar aad filaysay naxdin maleh,afka labadii la yeeriyey, xili uu khudbad ka jeedinayey Jaamicada American Defense University ee magaaladda Washitong in wadamadda lajaarka ah Somalia aanay raali ka ahayn Somalia oo markale cagaheeda isku taagta,isagoo ku sii daray in ay soo noolayn karaan riyadoodii ahayd Somali-wayn,islamarkaasna ay sheegan karaan N.F.D iyo Zoon-ka 5-aad.xaqbaa feero ka dilaacay, intii rajo yari ku jirtay ayaa sii quusatay.   

    Ogoow hadalka Moi waxuu ku soo aaday xili wadamadda uu tilmaamay ee loo baxashay safka hore (front-line states) ay majaraha u hayaan geedi socodka nabadda Somalida. .Taasi sow kuma soo xusuusinayso murtidii caanbaxday ee ahayd. ‘BAADIDA NIMAA KULA DAYDAYI DAALNA KAABADANE, OON DOONAYN INAAD HESHO DAA’IN IBIDKAAYE”.

    Isku soo duuboo madoonayo in aan saadaal xun ka bixiyo, shirka soomalida uga socda Kenya oo ah isha kaliya ee ay wada eeganayaan, hase yeeshee runta in la sheego marbay wax saxdaaye aan xisaabta ku darsano in hadiiba ay wax kasoo baxan shirkaasi aanay noqondoonin kuwa soobaxaahi, kuwo looga fadhiyo in ay ka soo dhalalaan mas’uuliyadda laga sugayo oo ay ugu horayso samatabixinta dadkan dhibaataysan mudada dheer, laakiin taas bedelkeeda waxay u dhowdayhay in ay nqodaan caamiliin u adeega,hirgelshana rabitaanka iyo afkarta Caddawga iyo gumaystaha.sidaas darted waa lama huraan in aan sitaxadar leh u soo dhawayno wax walba oo halkaas ka soo baxa.

   Wabilaahi towfiiq

 W/Q: Mursal Mohamed Mohamud (Garaad)

Email: stethy1@yahoo.com