Wuu booday oo cirkaasuu
soo taabtay, waa wax aanan garanayne mar keliyuu mashriq iyo maqriba isu
maray. Aad isagoo u xanaaqsan buu yidhi: “ Waayo hore ayaa noogu danbeysay
maqalka Alfabeetada Soomaaliga oo aanu ka seexan weynaye yaa wada Ololaha
Far Barashada ee soo cusboonaaday?” Si wanaagsan buu u dhegeystay mise
dhawaaqu farbarasho maaha ee waa taah, caloolyow iyo Alla Bari uu saqda
dhexe gacmaha kor u taagayo Xaaji Mohamed. qofkii baa isagoo socda u yimid
Xaajiga si uu u ogaado dhibka haya.
Qofkii:
Salaam Yaa Xaaji?
Xaaji:
Wacaleikum Salaam!
Qofkii:
Xaaji maxaa ku haya ee aad la soo jeedaa?
Xaaji:
Horta adigu kumaad ahayd? Adigaabaa Xilli xun socdee?
Qofkii:
Xaajiyow waxaan ka mid ahay ummad idinka qarsoon oo aydan arkin! Waxaan ahay
walaalkaa oo Muslim ah, magacayguna waa C/Llaahi. Waxaan xasuustay waagii
dawladii hore ay waddanka ku waday farbarashada ee meel walba lagaga
dhawaaqayey: AA, EE, II, OO, UU. Waxaanu nahay xoolo dhaqato sidiinoo kale,
markaa argagax iyo anfariir baanu ka qaadnay oo waxaanu u malaynay in cudur
xumi wadankii soo galay oo ay ummaddu wada taahayso! Naxdintii waagii baa
qalbigayga aan weli ka go’in, laakiin waagii ka dib ma maqal caawa ka horow
ee maxaad la taahaysaa!
Xaaji:
Waxaan kuu gartay inaadan 5 faroodle ahayn laakiin aad Muslim tahay! Soo
dhowoow, magacayguna waa Xaaji Mohamed. Jiniyow adigaaba shan faroodlaha
dhaama haddii aadba i weydiisay dhibta i haysa. Jiniyow waxaan ka dhashay
qowmiyad la dhibo oo la yaso oo magacyow badan loogu yeedho. Waxaan
galabsanayna garan mayno!
C/llahi:
Walaale waa runtaa oo Jini waan ahay, laakiin magacayga iigu yeedh! Midda
kale adigu sow Xaaji ma tihid oo Xajkii maadan tegin? Sow Ummadan aad ka
dhalatay Islaam maaha?
Xaaji:
Haah Boqolkiiba boqol!
C/llaahi:
Wixii aan farbarashada moodayey ma cabasho Eebay ahayd?
Xaaji:
Haa Walaale!
C/llaahi:
Wallee dulmanaha Eebe ducadiisa sooma celiyo! Wallee Eebe ducada saqda dhexe
waa aqbalaa, marka inta kale ay khuurinayso! Haye, bal Xaajiyow warka isii!
maxaa laydinku sameeyaa? maxaa dhib ah oo laydiin geystaa?
Xaaji:
Walaale ma doonayo anigoo da’dan ah in aan ilmeeyo! Waxaanse kuu sheegayaa
in aanu karantiil nahay oo aanu dadka kale ka takooran nahay: aflagaado,
cay, quudhsi, dhac iyo boob, diyo la’aan, dhul la’aan, guur la’aan iyo wax
kaloo..hiih!..hiih....!
C/llaahi:
Bismilaahi! Walle ciroole caabid ah waxa ka oohisiiyey ayaaba dhib ugu filan
dadkan aad ka hadlaysid! laakiin Xaajow maxay sidaa idiinku gelayaan?
Xaaji: Gob baanu nahay oo
waanu idinka sareynaa idinkuna Gun baad tihiin Midgo’ ah oo waad naga
hooseysaan, kabaha noo tola, anaga nagu abtirsada, qaadhaanka nala bixiya,
dhul iyo diyana ma lihidin, Geela noo raaca, Gabdhahayagana ma geysaan!
C/llaahi:
inta uu cirkaa u booday oo dhogori ka kacday buu ku qayliyey:
“Subxaanalaahiye waa sheekadii Iblays samada looga soo eryey markii uu
diiday in uu Adam u sujuudo! Iblay hadalkiisii bay ahayd Anigaa Adam ka
laandheereysan oo dhoobaad ka abuuratay anigana Dab holcaya ayaa layga
sameeyey!. Xaajiyow Iblays ayaa bilaabay asal ku faanka, waxaana la yidhi
wuxuu sameeyey isbarbardhig asalka Adam iyo Kiisa. Dhamaan dadka sanamyada
iyo quraafaadka maanta caabudaana isbarbardhigaas ayay kala wadaagaan
Iblayskii bilaabay. Miyeysan dadkani akhriyin Quraankooda iyo wada hadaladii
dhexmaray Eebe iyo Iblays. Iblays baa amarkii Eebe diiday ka dibna waa lasoo
nacladay oo la soo eryey loona sheegay in uusan Malaa’ikta ka mid ahayn.
Iblays wuxuu dhaar ku maray in uu dadka Eebe rumeeya dhinacwalba uga iman
doono oo uu Isbaaro u dhigan doono. Markaa waxaan filayaa in kuwani ay
raaceen jidkii Iblays ayuu ku hakaday C/llahi. Waana kuwan aayadihii ka
sheekeenayey dhacdadaas.
The Noble Qur'an Al-A'raf 7:11-27
11. And surely, We created you (your
father Adam) and then gave you shape (the noble shape of a human being),
then We told the angels, "Prostrate to Adam", and they prostrated, except
Iblîs (Satan), he refused to be of those who prostrate.
12. (Allâh) said: "What prevented you
(O Iblîs) that you did not prostrate, when I commanded you?" Iblîs said: "I
am better than him (Adam), You created me from fire, and him You created
from clay."
13. (Allâh) said: "(O Iblîs) get down
from this (Paradise), it is not for you to be arrogant here. Get out, for
you are of those humiliated and disgraced."
14. (Iblîs) said: "Allow me respite
till the Day they are raised up (i.e. the Day of Resurrection)."
15. (Allâh) said: "You are of those
allowed respite."
16. (Iblîs) said: "Because You have
sent me astray, surely I will sit in wait against them (human beings) on
Your Straight Path.
17. Then I will come to them from
before them and behind them, from their right and from their left, and You
will not find most of them as thankful ones (i.e. they will not be dutiful
to You)."
18. (Allâh) said (to Iblîs) "Get out
from this (Paradise) disgraced and expelled. Whoever of them (mankind) will
follow you, then surely I will fill Hell with you all."
Wuxuu C/llaahi sii
raaciyey in ay arrintani tahay xaajo aad u fool xun oo Ummadaada
caqiidadeeda fasahaadisay! Waxaan isaga qaatay kaftan marka ay deriskaygu ka
sheekeysanayaan dhibaatooyinka ay u qurxiyeen Soomaalida! Cajiib!.
Xaaji:
Deriskee baad ka hadlaysaa?
C/llaahi:
Xaajiyow meel cabaar noo jirta ayaa har iyo habeen bulaan ka dhacaa! marna
waa la ooyaa, marna mashxarad, alalaas iyo durbaan tun baa ka dhaca. Marka
farxadu meeshaas ka dhacayso aniga iyo tolkey waanu oynaa! marka ay oohintu
ka socotana waanu Alla Barinaa oo faraxnaa! Meeshaas waxaa degan Sheydaamo
gaalo ah, mid walibana Lambar buu leeyahay. Subixii marka indhaha la kala
qaado ayey sidii arigii u foofaan. Waxaa uu Kaaba Qabiilkoodu ka sii daba
tuuraa guubaabo iyo in aysan soo noqon iyagoo wada war farxad leh: Dil,
Kufsi, Dhac, Gaaleyn, Zino, Tuugo, Furiin, Taarik salaad, Been, iwm. Shaydaan
walba wuxuu u kallahaa qofkii lagu qoray maalintaa, haddii uu soo noqdo
isagoo qiiqaya oo quraan, acuudu bileysi iyo dikri lagala soo daalayna
habeenkaas waa wada yuusid iyo oohin, haddii uu kasoo adkaado qofkii loo
dirayna waa Alalaas iyo farxad!
Xaaji:
Waa runtaa walaale sheydaankii Eebe nacladay bay daba hashleeyeen!
C/llaahi:
Laakiin Xaajiyow waan yaabanahay! Waayo waxaa xoogaa noo jirta tuulada yar
ee Shanfaroodley. Waxaa loogu magacdaray haweeney ahayd Insi oo guursatay
Nin cidahayaga ah. Naagtii wey dhimatay (Allaha u naxariistee), waxay inta
badan oran jirtay markay aragto waxay dhibsato ama xanaagdo; “ Midgaanyahow,
awalba Midgaan baad ahayd”. Ilaa iyo hadda Carro Jinni waa meesha keliya ee
laga isticmaalo ereyadaas!
Xaaji;
Waa yaab! Waaba sheeko ii dhimanayd in Jinniguna uu isticmaalo Midgaan marka
uu arko ama maqlo wuxuu dhibsado. Waa yaab Ajigu qaraabaysi badanaa: Cadaan,
Jameykaan, Madow, Carb, Indhayar, Calibeysteen iwm. Midgaanka uun buu ajigu
hangool(saalimow) isaga hayaa! Yaab, xataa Ajigu jinni qaraabeysay! Tolow
Jiniga ma yarad buu ka qaatay! Tolow anaga keliya maxaa nagu diray oo aanu
ka galabsanay!
C/llaahi:
Walaale iska seexo inta aan Fajarka la gaarin oo iska sabir sabraa sad lehe!
Xaaji:
C/llaahiyow ma xasuusataa xadiiskii nebiga ee ahaa ruuxii gabdho dhala ee ku
samra ee wax bara, edbiya una guuriya qof ay ka raali yihiin akhlaaqdiisa
iyo diintiisa janaduu gelayaa”. Markaan soo xasuusto xadiiskaas walaalow
waan ooyaa waayo waxaa ii jooga ilaa 3 gabdhood oo qurux badan oo aan ku soo
tabcay oo gaan gaaray. Laakiin nasiib daro cid guursanaysa ma leh! Cidna
eegi mayso quruxdooda, diintooda iyo akhlaaqdooda ee waxaa lagu nacay in ay
Midgaan, Tumaal, Boon iwm yihiin. Markaa walaale Illaahay baa dadka wax u
kala xukmin doona!.
C/llaahi:
isagoo ilintu ka da’yaso ayuu af qalaad ku yidhi Yoosow Maasaa! Yoosow!.
Mise markiiba nin haybad leh oo duub weyn oo wada fiyoore leh madax ku wata
ayaa soo ag fariistay!. C/llaahi baa u sheegay Xaajiga in uu ninkani yahay
Kaaba Qabiilka beeshooda lana yiraahdo Maskax Maalik. Waa lays nabdaamiyey,
kadibna hadalkii buu u baxay.
Maskax Maalik:
Xaaji waa nasiib
darro, waa diin la’aan, waa camal shaydaan waxa ay idinku sameynayaan Ajigu.
Haddii Eebahay waaga noo beryo waxaan aadaya dhamaan dhulka soomaali degto
si aan ugala soo xaajoodo Garaadada, Malaaqyada, Ugaasyada, Weberka,
Salaadiinta iyo Boqorada in ay Eebohood ka baqaan oo ay ka soo noqdaan
wadadan xun. Laakiin Xaaji, wiilkeygow, ogow in Kaaba Qabiilka Ibleyskuna uu
tartan igula jiro oo uu isna dhiniciisa ka shirin doono oo u qudbeyn doono!
Laakiin waxaan filayaa in Garaadku shaqayn doono oo la kala saari doono xaqa
iyo xaq darada. Waagii baa walalac yidhi, Maskax Maalik wuxuu maalintaasoo
dhan ku mashquulsanaa shirar kala duwan oo uu la yeeshay Madaxya Weynta
beelaha kala duwan ee Ajiga ah ee ku dhaqan dhamaan geyiga soomaaliyeed.
Wuxuu isagoo luudaya salaada makhrib ka dib ku soo habsaday aqalkii Xaajiga
oo C/llahi iyo Xaajiguba tusbaxa rogayaan! Markii lays nabdaadiyey ka dib
ayuu Maskax iska ilmeeyey isagoo madaxa gees walba u ruxaya!
Xaaji:
Maskaxow maxaa kaa si ah? Maxaadse war ii wadaa?
Maskax:
Xaaji waxaad ku maahmaahdaan “ Ruqa ninkii lahaa dabada hayo ma kacdo”.
Xaaji Eebahay ha idiin naxariisto adiga iyo dadkaagaba waayo waxaad Insi iyo
Jinba ka haysaan dad is dhaafsan oo adduun iyo aakhiro aan midna xeerinayn!
Xaajiyow Eebe ayaa na kala qariyey mooyee waxaan aad u jelaystay in aad nala
beel noqotid oo aad ka raysatid dhibaatada laydinku hayo ee ay Maatada iyo
Madaxyaweyntoodu isku raacsan yihiin. Markiiba Insi baa lay mooday oo lay
weydiiyey cida aan Odayga u ahay, ka dibna markii afkayga laga maqlay
Midgaan, Madhibaan, Tumaal, Yibir wixii iga raacay Eebe uun baa xisaabin
kara.
C/llahi:
Walaale Eebahaaga talo saaro oo Illaahaaga u sabir
Xaaji:
Kheyr Allaha idin siiyo. Waxaad sameyseen wax Shanfaroodluhu wax ku qaadan
doonaan hadday caqli leeyihiin
Maskax:
Caqliaa!, Caqliyoow ba’! Xagee cagli jiraa, hadday caqli leeyihiin ma
Masiibadan oo kaley fiirsan lahaayeen! Magacooda ayaaba Masuba ah waana
garan la’ yihiin!. Bal ila eega: Waa Malaaq(ma), suldan(su), Boqor(ba)
Ugaas(u), Garaad, wabar(wa). Maxay noqotay
MASUBO U GARAAD WA!
C/Rahman
eelay eediran@yahoo.com
