Dawladda warlordyada aan
jaanis siinoIlaah
baa mahad leh nabigeenii muxamed (csw)nabadgalyo iyo
naxriisi korkiisu ha ahaato.
Xigmad soomaaliyeed baa
tiraahda'' ku qabatay iyo khadar alaba waa la qaataa' oo aan
filayo in macnahaa laga soo minguuriyey qof wax aan qaban
waqtigu si ugu dirqiyey ama lagu qasbayaba waa hordhaca
hadalkayga aan soo wado iyo qoor iyo xero laawayaalka la
inoo dhaariyey oo lagu wado in ay ina matalaan oo aan hubo
in ay tahay bahdilkii ugu weynaa ee abad soo mara magaca
soomalida ,waxaana loola jeeda in la quusiyo inta garashada
,aqoonta ,hanka (kuwa aan is dhiibin)iyo xog-ogaalka xafiday
waxna ka qorayey intaa sababahii ina bur-buriyey iyo kuwii
diiday in la heshiiyo.
Waxaa muuqata in naloo
samaystay niman layirahdo''tabcanayaal'' oo la doonayo in
lagu niyad jabiyo inta sharfan oo damiirkoodu iyo
caqiidadoodu ay u'idil yahiin ,waxaa la doonayaa inaan
diidno oo aan noqono mashruuc aan dhamaan oo dawladahu ku
kaltamaan oo marba wadan yiraahdo anaga iska leh kolkaan ee
ina siiya waxaana uga bixi karnaa inaan u tanaasulno kuwaan
la'inaku imtixaamay waa hogaamiye kooxeedyadaa la inoo
dhaariyey.
Runtii ma garanayo sida
dhaxdooda looga samaynayo is afgarad iyo in ay is aaminaan
ama hubka gacantooda ku jira loo midayn karo, dawladdu ama
ha gubto ama dib ciidankeeda ha 'ugu hawlgalisee, waxaanse
wal -wel ka qabaa in ay u qaatan maadaama ayagii lagu
abaalmariyey dawladii maqaamkeedii in ay u qaataan in qof
kasta hubka gacantiisa ku jira in aan laga qaadi karin oo ay
doonayaan in ay yiraahdan aniga waxaan dhiibayaa marka hebel
hubka laga qaado kan kalna yiraahdo hubkayga maxaa laga
rabaa aniga isku ilaalinayee ama ay sheegtaan lacag aan
macquul ahayn oo deetana madaxa ay isla gasho ilayn ragu waa
warlodyadiiye .
Wali fasiraad badan baan ka
dhiman sida la doonayo in ay dawladaasi ku shaqayso ,hadii
la leeyahay hogaamiye kooxeedyadu qayba cayiman baa loo
dhiibayaa, haya'daha aqoonta u baahana rageeda ayaa loo
xulayaa ilaa xad waa macquul waqtigu nagu qasbayo, laakiin
waxaan ka cabsanayaa in ay yiraahdaan wasaraaraadkana 4.5 ha
lagu wado oo markaana maxamed dheere yiraahdo aniga arimaha
dibadda ama maaliyadda ayaan ku qancayaa waloow aanan garan
waxa looga hiiliyey ninkii ugu weynaa hogaamiye-yaalka ee
abdulaahi yuusuf oo loogu diiday in uu meesha keensado
dadkuu doonayey maadaama ay meesha marayaan inta badan
saaxiibadii.
Waxaan halkaan ku qiranayaa in
layga helay'' sharadkii '' waxaana iga helay ragii
taageersanaa hogaamiye kooxeedyada oo aan ka diidanaa in ay
noqon doonaan kuwa soo xulaya dawladda inteeda badan ,waxaanse
doonayaa inaan uga fiicnaado sidii ay u diideen dawladii
carta inaan diidin anigu midaan oo aan ugu yaraan iska daa
inaan diidee aan caawiyo intii karaankaygaa aana ka codsado
kuwa diidi doono in ay ogolaadaan kana dhaadhiciyo qatarta
inagu soo socoto hadii xaalkayagu sidaa sii ahaado.
Faalo badan lagama bixin karo
arinta hadda socota waana deg deg waxii laga yiraah iminka
waxaanse ku talinayaa madaama aan anigu askari ahaa ,askariga
aan dishipiliinka lahayn oo ku liita amar qaadashada inta
badana gooya waardiyaha ama hawlaha muhiimka waxaa laga
dhiga taliye unug oo waxaa lagu mushquuliyaa asaga in uu
askarta kale oo ay isla yahiin unuga in uu madax u yahay ,halkaa
waxaa ugu bilaabanta ninkaa in uu masuul noqdo oo uu noqdo
ninka soo tabiya kii gooyey ee maqan iyo kii amar qaadan
waaya intaba waxaan uga jeedaa warlodyada waxaan leenahay
maanta adinkaa masuuliyadda qaadanaya ilayn waxaa la
yirahdaa gacantaa goyn weyso waa la dhunkada e sidaa darteed
ayaan ku talinayaa inaan warlodyada jaaniskaan siino.
WABILAAHI TAWFIIKH.
