Muwaadin Soomaaliyeed oo lagu diley dalka Koonfur Afrika Mid kalena
lagu dhawaacey.
Xaley abaarihii Fiidkii ayaa waxa kooxo ku
hubeysan qoryo fudfudud ay toogasho ku dileen Muwaadin Soomaaliyeed oo
kusugan goobtii uu ku ganacsanaayey oo ku taala Magaalo yar oo la
yiraahdo Springs oo u jirta 30km Magaalada Johannesburg Dalkaani Koonfur
Afrika.
Marxuumka geeriyooday ayaa waxaa lagu magacaabi jiray Salaad Maxamed
Ciise halka midka dhaawacmay la igu sheegey magaciisa Cabdiraxmaan,
kadib dhacdaani foosha xun ayaa waxaa goobta soo gaaray Dhalinyaro
Soomaali kale oo iyagu teleefoon looogu sheegay dhacdadaani waxa ayna
durbadii goobta ka qaadeen wiilkii dhaawaca ahaa waxa ayna ula carareen
isbitaal ka mid ah Isbitaalada Johannesbrug kaas oo xilliganba lagu
dabiibayo.
Falkaani ayaa waxaa la igu sheegey inuu sababay ka dib markii uu ku
dhintey Nin deegaanka ahaa Duhurnimadii hore ee Shalay Saacadu markay
ahayd 11:00 Xiligi Koonfur Afrika, iska hor imaad dhax marey niman
burcad ah oo doonayay inay dhac u gaystaan Dhalinyarada Soomaaliyeed ee
ku ganacsanayay Xafad la dhaho Holomisa oo ka mid ah Magaalada Springs,
ka dibna Nimankii Burcada ahaa ayaa waxay kala Kulmeen Iska Caabin
Xoogan Sidaasna uu ku dhintey ninka mid ahaa Dadka Deegaanka.
Dilka ninka deegaanka ah ka dib ayaa waxay dadkii deegaanka ahaa soo
qaadeen wareer qorsheysan oo ahaa mid aargoosi ah sidaasna uu ku dhacey
dilka Salaad Maxamed Ciise oo ah Muwaadin soomaaliyeed oo ka
ganacsanayay Goobtiisa iyo sidoo kale ay dhawac uu ku soo gaarey
Muwaadin kale oo la igu sheegey Magaciisa Cabdiraxmaan oo hada isagu
Lagu dabiibayo isbitaal ka mid ah Isbitaalada Magaalada Johannesbrug ee
dalkaani Koonfur Afrika.
Ciidamada booliska wadanka Koonfur Afrika ayaa soo gaaray goobta uu
falkaani ka dhacay iyagoo baaritaano kala duwan ka sameeyay goobtaasi
balse aan ku guulaysan in ay gacanta kusoo dhigaan burcadii falkaani
sababteeda lahayd waxaana ciidamada amaanka ee dalka koofur africa lagu
yaqanaa ama caado u ah in ay baaritaano oo kaliya sameeyaan balse aysan
gacanta ku soo dhigin kooxaha dilalka kala duwan ka geysta tuulooyinka
wadanka Koonfur Afrika oo ay u badan yihiin ganacsatada Soomaaliyeed ee
ka xamaasha dalkaani Koonfur Afrika tuulooyinkaasi.
Si Kastaba ha ahaatee Dalka Koonfurta Afrika ayaa noqdey gawaan lagu
gawraco Soomaalida u soo nolol raadsatey Dalkaani. arintan ayaa u
muuqata waayadaan danbe mid fara ka siibaxaysa Dawladda Koonfurta Afrika
oo iyadu hada ku jirta abaabul xoogan oo ah dhinaca dooarashada xilka
madaxwayninimada midaas oo ay axsaabta dalkaani ay isku garbinayaan ayaa
la dhihi karaa waxay u muuqata mid dawladu faraha ka laabatay wax ka
qabashada dhibka lagu hayo dadka qaxootiga ah ee ku nool Koonfur Afrika.
Isku soo wada duube waxaa sii xoogaysana ugaarsiga lagu hayo
muwaadiniinta Soomaaliyeed ee ka shaqeesta wadankaani Koonfur Afrika
iyada oo Jaaliyada Soomaalida Koonfur Afrika (SASA) ay u diiwaan gashan
tahay Soomaali badan oo lagu dilay dalkan.
Dilku kuma koobna Soomaalida kaliya ee waa dhibaato wayn oo haysata
dalkan oo dhan. Waxay Koonfur Afrika ka mid tahay dalalaka aduunka ugu
dilka iyo dhaca badan marka laga reebo dalalka ku jira xaaladaha dagaal
sida Soomaaliya oo kale.
Mohamed Ismail
mismacil@live.co.za
Johannesburg
Koonfur Afrika
Akhri: Soomaalida Lagu Laayey Qurbaha...