Xisbiga Mucaaradka ah ee RPP ayaa si wayn u beeninyay
qoraal la sheegay in si toos ah waraysi loola yeeshay Gudoomiyaha Xisbiga
mucaaradka ah ee ramaas Daahir Ciiro kaasi oo aan wax ka waydiinay Gudoomiyaha
mar Sabtidii (Sabti June 16, 2007) aanu kula kulanay albaabka hore ee aqalka
wakiilada kaasi oo loo diiday in uu gudaha u galo kalfadhiga Baarlamaanka ee
Sabtidii Furmaya isaga oo
wata warqadii caasumaada galida Baarlamaanka arimahaas iyo kuwa kale oo aad u
xasaasi ah ayaanu waraysi kala yeelanay.
Somalitalk.com: Mudane maxaad ku beeninaysaa qoraalkaasi ku soo baxay
shabakadaha.
Daahir Ciiro: waxaan ku beeninayaa walaalkay Maxamuud
cumar bille maruu wax iga waydiiyay arinta is bedelka Golaha xukuumada Cade
Muuse waxaan ku iri Hadii uu wax badalo iyo haduusan waxbadalin midna wax iska
badalimayaan dhardhaaro dabka loo kala badalaana maxay dabka ka dhimaan.
Somalitalk.com: waxaa qoraalka ka mid ahaa in aad si buuxda u taageersan
tahay wasiirada kala ah Cali Cabdi Awaare iyo Maxamed Cali yuusuf sidee arintaas
u argtaa.
Daahir ciiro: Ma taageersani mana taageeri karo mana
doonayo in aan taariikh nololeedkayga wax u dhimo waxaan u arkaa labadaba dhiman
danaystayaal ah oo aan shacabka wax u qaban Gaagaab wuxuu siduu doono u
isticmaalaa hantida umada Puntland, Cali Cabdi Awaarena wuxuu is bayska politco
u isticmaalaa 4% miisaaniyada dalka taasi oo hada loo sii siyaadshay waxayna
tahay magdhaw loo siiyo beesha uu ka soo jeedo uuna u ansixiyay madaxwayne
Cade Muuse, waxaas iyo wax la mid ah oo ay sameeyaan wax aan ku taageeri karana
maahan.
Somalitalk.com: laba ka mid ah wasaaradihii dalka ayaa la isku badalay
arintaana ka waran sidee ayay u saamayn kartaa dalka maxaase sababay is bedelka
xiligan.
Daahir Ciiro: Sidaynu wada ogsoonahay dalka cid ka maqan
iyo cid joogtaba waxaynu kawada nahay Markhaanti shalay markii la doortay Cade
Muuse wuxuu lahaa waxaan dhisayaa ciidanka, waxaan wax ka badalayaa dhaqaala bur
burka, labadiina meeshii maalintii xilka loogu dhiibay meel ka sii daran ayay
marayaan, sidaa darteed Laba wasaaradood oo magacyada loo kala badalaa dalka
waxay ka badali karaan majirto.
Somalitalk.com: Shalay madaxwaynuhu waxa uu sheegay in uu
la wareegay awoodii ciidamada, isla markaana uu haatan u soo jeeensanyo dhisida
ciidamda iyo amaanka, Horayna madaxwaynuhu waxa uu ahaa awood ugu saraysa ee
ciidamada ma haduu soo baraarugay oo taladii ciidamada la wareegayaa mise waa is
badal siyaasadeed arintaa figrad ahaan maxaad ka qabtaan ka xisbi ahaan.
Daahir Ciiro: Waxaan ka qabnaa Maanta haduu is yiraahdo
ciidan meesha kalsoonidiisa shacab marayso darteed iyo tan ciidanka yar ee
jiraba majiraan wax u dhismaya oo ciidan ah waxaanse u arkaa in uu doonayo in uu
dhisto ciidan beeleed maxaa yeelay cid taageersan oo aan beshiisa ahayn maanta
Puntland kama jirto.
Somalitalk.com: saaka (Sabti June 16, 2007) waxaa furmay Kalfadhigii Golaha wakiilada ma ka qayb
qaadateen ka xisbi ahaan.
Daahir Ciiro: Waad mahadsan tahay waa su'aan aan aad u
xiisaynayo walaal way jirtaa in nalaku marti qaaday Furitaanka kalfadhiga Golaha
wakiilada laakiin Nasiib daro Majirto Madaxbanaani aqalka Golaha ah waayo
waxaysan ka madaxbanaanayn Cade Muuse Xirsi oo u eg saaka in uu inqilaab ku
haysto Xarunta Golaha wakiilada oo ay ku wareegsan yihiin Ciidamadiisu Dadkana
ay baarayaan qofkii ay rabaana ay sii daynayaan qofkii ay rabaana ay celinayaan,
Anaga ka xisbi ahaan markii aanu galnay dayrka Gudihiisii ayaa Istaafkii
Madaxaynuhu naga soo saaray waxayna nagu yiraahdeen afcad ma ka qayb galaysaan
Furitaanka Kalfadhiga warqadii Caasumaadana waa ay nagu soo tuureen Mana aysan
naga jeexjeexin oo markhaanti ayaanu u haynaa, Waxaan kale oo aan cadayn u
haynaa in aysan Madaxbanaani jirin warqad ay hada ka hor u direen Gudiga
joogtada ah madaxwaynaha uguna yeerayeen in uu soo xaadiro qodobadii loogu
yeeray oo kala ah:
- in uu warbixin ka siiyo xaalada amniga eedalka halka uu
marayo
- Dhaqaalihii dalka halka uu marayo
- Siyaasada DGPL iyo tan xaga maamulkaba
waxaan kaloo cadayn u hayaa In Golaha Xukuumada Puntland
arintaasi oo markhaanti intii la doono loo hayo sida xubno ka mid ah shaqaalaha
Nec agaasimada Guud ee Madaxtooyada ayaa waxa uu u dhiibay Lacag doolar ah oo
Falso ah Xarunta wakaalada Nec Isaga oo leh ka goosta Korontadii aad nagu
lahaydeen, Nasiib wanaag Xarunta waxaa taal Makiinad lagu kala sooco dolarka
Falsada ah iyo kan aan Falsada ahayn Lacagtii agaasimaha guud uu waday waxay
Noqotay Falso arintaas oo aan ahayn been abuur oo aan anigu taagnaan marka ay
arintaasi dhacaysay xaadirna aan ku ahaa Xarunta shirkada Korontada ee NEC oo
aan ana iska bixinayay Koronto la igu lahaa.
Shacab waynaha Puntland waxaan uga digaynaa in ay iska
ilaaliyaan Dollarka Falsada ah ee ay soo samastay Golaha Xukuumada uu hogaamiyo
Cade Muuse. Awalna waxay samaysanayeen Lacag Falso ah oo shilin Somali ah oo
dalka gudihiisa ay keensadeen makiinadihii lagu samaynaya Falsadaasi taasi oo
dalka oo dhan saamaysay keentayna Sicir Bara iyo bur bur dhaqaale.
Somalitalk.com: Mudada xilka puntland waxaa la isku hayaa in ay hada harsan
tahay 18 bilood iyo 6 bilood keebaa saxan maxaadse aaminsantihiin idinku innay
runtahay.
Daahir Ciiro: Walaal Su'aashaas waad ku mahadsantahay
waa su'aal macquul ah Dadkuna ay sugayaan maanta in loo kala cadeeyo. Anaga ka
Xisbi ahaan iyo shacabka badankiisba waxaanu aaminsanahay in 6bilood hartay iyo
wax ka yar waayo waxaan maanta dalka sharci u ah axdigii kumeel gaarka ahaa ee
1998dii mana jiro shaarci kaa ka danbeyay oo afdi dadwayne looqaaday oo lagu
badali karo kaasuna wuxuu cadaynayay in mudada Golaha xukuumadu ay tahay 3sano
maxaa yeelay ergo soo dul xanbaara oo ka badan 1000 oo isu timid 1998dii ayaa ku
heshiisay cid kasta oo Madaxwayne noqotaa in mudadeedu noqonayso 3sano, hadii la
badalayo Axdiga wuxuu noqonayaa qodobka ka hadlaya arintasi mid aan la taaban
karin oo sidiisa loo guurinayo qodobkaas iyo qodobka kale oo isaguna ka hadlaya
xarunta Magaala madaxda DGPL waa Garowe Labadaa qodob midkoona waa lama taabtaan
Sharci kasta oo la samaynayana sidooda ayaya ugu guurayaan.
Somalitalk.com: Maxaad xal u aragtaa Maadaama lagu jiro
mudo kala guur ah shacabkuna ay danaynayaan isbedel.
Daahir Ciiro: Waxaan xal u arkaa In sida ugu dhakhsaha
badan loo dhiso Maxkamadii Dastuuriga ahayd si ay u noqoto Marjac xaga sharciga
ah oo loo noqdo Maanta iyo maalma danbe oo kaleba hadii aan maanta maxkamdaas si
dhakhsaha loo helina waxaa dalku ku danbayndoonaa Burbur iyo Jahwareer
siyaasadeed, waxaana ku talinaynaa in dag dag loo dhiso Maxkamdii dastuuriga
ahayd oo uu shalay Baabi'iyay Madaxwayne Cade Muuse si aan loo helin meel looga
dacwoodo xaga sharciga, waxaan u aragnaa maxkamadaas ayaa noqonaysaa marjicii
lagu kala bixi lahaa ee waa in si dag dag ah loo dhisaa.
Somalitalk.com: Doorashada soosocta ma isusootaagaysaan idinka oo ah xisbi
Mise sida ay dawaladu u maamushaad sheeda ka eegaysaan.
Daahir Ciiro: Hadii ay bilaato waa isu sootaagaynaa
anaga oo soo bandhigi doona Barnaamijkayaga siyaasadeed oo ka turjumaya
Horumarka dalka Khaasatan arimaha Bulshada iyo Nabad Galyada.
Somalitalk.com: Puntland waxaa la dagay baa la oran karaa askari qori sida
oo beeshiisa taageera ka haysta kuwasi oo la wareega siysaada dalka sidee looga
bixi karaa Cornayl Jaga doonaya.
Daahir Ciiro: Waxaa looga bixi karaa
iyada oo loo gudbo Nidaamka Axsaabta si loo helo rag aqoon iyo waaya aragnimo u
leh hagida dalka loo helo, tartanka axsaabta ayaa keeni kara is bedel
horumarineed dhaqan iyo dhaqaaleba iyo mid ciidan sidaas ayaan horumarku ku
jiraa hadii la qaato Nidaamka Axsaabta sida aduun waynuhuba ku dhisan yahay
dhigayana qodobka 6aad faqradiisa 2aad xarafkeeda ( j ) ee axdiga kumeel gaarka
ah ee DGPL ee la sameeyey 1998dii.
Somalitalk.com: Ugu danbayntii maxaad kula talin lahayd shacabwaynaha DGPL.
Daahir Ciiro: Waxaan kula talinayaa waa
arkaan meesha uu dalku marayo sidaa darteed siyaasiyiinta dalka, Ganacsatada,
waxgaradka, dhamaantood waxaan ka codsanayaa in ay ku soo xeroodaa xarunta
magaalada madaxda si loo badbaadiyo jiritaanka DGPL oo ay uga qaybqaataan
Badbaadinteeda Maadaama lagu jiro Xili ah kala guur siyaasadeed oo khatar badan
keeni kara.
Somalitalk.com: waad Mahadsantahay Mudane Gudoomiye, Gudoomiyaha cidii u
baahan waxay si toos ah ugala xiriiri kartaa
emailka ah
daahirciiro@hotmail.com ama Mobil Num: 002525747090 Mahadsanidin.
Waraysigan waxaa qaaday A/rizak koronto