Wafti Kasocda Jaamacadda Latrobe University (Australia) oo Booqasho Kutegidoona Jaamacadda Bariga Afrika, Bosaso.

Waftigaas waxaa Hogaaminaya Gudoomiyaha ARI, Dr. David Dorward

African Research Institute waxa uu Jaamacada Boosaaso usoo ururiyey 27 Computer iyo 2 scaner iyo 4000 oo buug.

Qoraalkan Waxaa isku soo dubaridey Maxamed Cali | Jan 19, 2003

Dr. David Dorward, African Research Institute,((ARI), Latrobe University, Australia

Mar aan la hadlay Ciise Maxamud Dhollowaa wuxuu ii sheegay in magaalada Melbourne ee dalka Australia ay ka ambabaxayan 27ka bishan January wefti ka socda African Research Institute,((ARI) ee Jaamacada Latrobe University ee ku taala magaalada Melbourne ee dalka Australia, waxaana ay ku sii jeedaan Jaamacada Africada Bari ee ku taal magaalada Bosaaso ee Dawlad Goboleedka Puntland. 

Waftigan waxaa hoggaaminaya gudoomiyaha ARI, Dr. David Dorward, waxaana socdaalkiisa uu halkaas ku tegidoono ku weheliya Ciise Maxamud Dhollowaa iyo xaaskiisa Anne-Marie Treweek, Dhollowaa oo iyaguna u socda arimo kale oo siyaado ah lana xiriira celin wiil Somaliyeed iyo keenista labo carruur ah oo Somaliyeed oo xanuunsan kana kala imaanayaan magaalooyinka Beledweyn iyo Groowe.

Dr. David wuxuu Bosaaso kula kulmidoonaa, kana wadda hadlidoonaa maamulka Jaamacada Bariga Africa  isku soo dhoweynta iyo xoojinta labad jaamacadood. Waxaana kale oo ay ka wadda hadlidoonaan Wasaarada Waxbarshada ee Puntland iyo maamulka Jaamacada Bariga Africa sidii loo horumarin lahaa Jaamacada Bariga Africa iyo sidii loo sii xoojin lahaa xiriirka wanaagsan ee hada ka dhexaya labada jaamacadood ee Latrobe University [www.latrobe.edu.au] iyo East Africa University ee Bosaaso [www.bosasouniversity.com] .

Ciise Maxamud Dhollowaa iyo xaaskiisa Anne-Marie Treweek Email: imfarah@students.latrobe.edu.au

African Research Institute waxaa uu mas'uul ka yahay deeq dhan 4000 oo buug [books] ah oo dhowaan laga soo raridoono magaalada Melbourne, kuwaas oo ka kala socda maadooyin [subjects] kala duwan oo ay ugu horayaan Law, History, Legal Studies, Social Sciences, Computing iyo Business. 

Waxaa kale oo African Research Institute soo ururiyey 27 computers, 2 scaners, iyo Printers oo Jaamacada Bariga Africa ay leedahay. Waxaana qalabkaas oo dhan laga soo ururiyey jaamacadaha ku yaala Australia oo haatan xiriirka Jaamacadaas u bilaabmay. Tusaale ahaan, Jamacada la yiraahdo Deakin [www.deakin.edu.au] ee ku taala magaalada Melbourne, waxaa ay balan qaadeen in ay ka caawiyaan jaamacadaas East Africa University arimaha la xiriira buugaag joogta ah, oo sanad walba ah in ay u diraan jaamacdaas. 

Arimahaasna waxaa guushooda iyo iskudubaridkooda leh labada nin ee kala ah Dr. David Dorward iyo Ciise Dhollowaa oo aad isugu taxalujiyey sidii tayada iyo tabarta wax qabad ee jaamacda Bariga Africa kor loogu qaadi lahaa.

Dirista iyo isku dubaridka hawlahaas maaney suurta gasheen hadii aaney ka qayb qaadan bulshada iyo xafiiska Somali Community Inc. ee Victoria. 

Waxaana nagu maqale ah in ay dhalinyarada ka soo jeeda Dawlad Goboleedka Puntland in ay gacan weyn ka geysateen, kana geysaneyaan horumarinta iyo caawimaada Jaamacada East Africa University ee Bosaaso. 

Anaga oo ku hadleyna magaca Somalitalk na waan u mahad celineynaa dadkaas iyagu sida goonida ah isu xilqaamay ee ka qayb qaatay barnaamijkaas taageerada ah.

Waxaa Iskusoo dubaridey
Maxamed Cali
Minneapolis, Minnesota, USA
Webmaster@somalitalk.com
Janaayo 19, 2003

I  I  D  H  E  H

Cusmaan Muumin  oo Australia ku Soo Beegan 9ka February si Loo Daaweeyo
Ciise Maxamud Dhollowaa oo Australia ka ambabaxaya 27ka January ayaa waxa uu Soomaaliya kasoo qaadayaa wiilka yar ee sawirkiisu kuu muuqdo oo... GUJI. 18/1

LIFAAQ.1
Dhakhaatiirta iyo aqoonyahanka Soomaaliyeed waxaa sugaaya in ay baaritaan cilmiyeed ku sameeyaan waxyaabaha sababaya xanuunada aan Soomaaliya horay loogu arkijirin ee hadda kusoo badanaya, gaar ahaan cudurada carruurta yaryar. Su'aal ay dadbadani isweydiinayaan ayaa waxa ay tahay, sunta lagu duugey Soomaaliya, (sida ay caddeysay cilmibaaristii Dr. Bashiir Sh. Maxamed) , imisa raad ah ayey ku leedahay xanuunada kusoo batay Soomaaliya. Jawaabteedu waxay sugeysaa Soomaalida aqoonta uleh cilmigaas......

SOMALITALK AUSTRALIA:

• Safarkii Sucaad ee Boosaaso GUJI... 
• Ciise Maxamud Dhollowaa iyo Moira Kelly oo laguddoonsiiyey Shahaado Sharafta Gargaarka Carruurta GUJI 
• Safarka Mucaawino Raadinta ee Geyre - Seattle, USA 
• Safarkii Geyre ee Vancouver, CANADA
• Ciise iyo saddex gabdhood oo soogaarey Melbourne
• Safarkii Boosaaso ee Ciise 
• Soo dhoweyntii Muuse yare, Australia
• Meelaha Mucaawinada Loogu Hagaajinkaro carruurta
• EEG CARRUURTA TAAGEERADA U BAAHAN
• Soomaalida Australia
• Soomaalida Qurbaha

Powered by www.SomaliTalk.com
All About Somalia and More...

Mucaawino u raadintii Cumar Yare GUJI...