SOMALITALK.COM dahabshiil
w w w . S o m a l i T a l k . c o m
SOMALITALK - BAAQ

BAAQ UMMADDA SOOMAALIYEED

KU: MAAMULKA JABUUTI
KU:ALSHABAB & XIZB AL-ISLAAM
KU:DHAMAAN AQOONYAHANKA & CULUMADA SOOMAALIYEED
KU:SHACABKA SOOMAALIYEED

SIDA AAD LA WADA SOCOTAAN SOOMAALIYEEY WAXAYNU ISDILAYNA 20 SANO, WAXAA DHINTAY KUMANAAN,WAXAA QAXAY KUMANAAN, WAXAA XABSIYADA CAALAMKA KU JIRA KUMANAAN, WAXAA BADAHA ADUUNKA KU DHINTAY KUMANAAN, WAXAA DAAFAHA ADUUNKA CIIL,MURUGO IYO RAJO LA,AAN KUNOOL KUMANAAN SOOMAALI AH, SINJIGA SOOMAALI MAANTA WAA DAD LAGU MAADSADO OO CAALAMKU LAYAABANYAHAY WAXAANA LA GARANAYN SIDA AXMAQNIMADA AH EE IN AAN TASHANO AAN U GARAN LA,NAHAY.

BAAQ:

1. WAXAAN UGU BAAQAYAA DHINACYADA DIRIRTU KA DHAXEYSO IN AY JOOJIYAAN XABADA SHURUUD LA,AAN QOLO WALBANA GOOBAHA AY JOOGTO KU EKAATO.

2. IN LASOO XULO GUDI AQOONYAHANO SOOMAALIYEED AH OO SOO DIYAARIYA NIDAAM SOOMAALI DALKA KUWADA NOOLAAN KARTO , NIDAAMKAAS OO AAN AWOOD CID GOONI AH SIINAYNIN HADAY NOQOTO MAAMULKA JABUUTI IYO KOOXAHA KA SOO HORJEEDABA.

3. IN LA SOO XULO AMA AWOOD LA SIIYO GOLAHA CULIMADA SOOMAALIYEED SI AY USOO DIYAARIYAA NIDAAMKII SHAREECADA ALLE DALKA LOOGA HIRGELIN LAHAA IYADA OO AAN LA DAGDAGAYNIN.

4. IN LA SAMEEYO CIIDAMO QARAN OO DALKA OO DHAN AMAANKIISA SUGA OO MAAMULKA JABUUTINA KA AMARQAADAN KOOXAHA LA DIRIRAYANA KA AMARQAADAN EE DIFAACA DALKA GOLAHA CULIMADA SOOMAALIYEEDNA HOOS TAGA. DIYAARNA U AH IN UU NABADA SUGO,CIIDANKAN OO ISKU DHAF AH DHAMAAN GOBOLADA DALKANA LAGA SOO XULO AMA 4.5. HADII LA DOONO HA LAGU SOO XULEE.

5. CIIDANKAN MARKII LA SAMEEYO WADANKA LAGA SAARO AMISOM IYO CIIDAMADA SHISHEEYE.

6. GOBOLWALBA HA SAMEYSTO BOLIIS UGAAR AH IYO MAAMUL HOOSAAD, WAAXDII CANSHUURAHA. I.W.M.

7. IN SHEEKH SHARIIF MADAXWEYNE SII AHAADO ISAGOO CIIDAMO UU GOONI ULEEYAHAY SAMEYSAN KARIN WAXII KAALMO AH EE DALKA UU HELANA SI SIMAN LOO MAAMULO .

8. LA SAMEEYO GOLE WADATASHI OO IS AFGARAD OO LAGA SOO XULO : 1.MAAMULKA JABUUTI, 2.ALSHABAAB & XIZB ISLAAM, 3.GOLAHA AQOONYAHANKA , 4.GOLAHA CULIMADA SOOMAALIYEED.

9. IN 10. SANO LAGU JIRO OO KALI AH DIB UDHIS DALKA IYO DIB UDAJINTA DADKII SOO QAXAY.

10. IN MAAMULKA JABUUTI KA NOQDO DIB DAMBENA UUSAN UGU DHAQAAQIN IN NINKII II SAXIIX DHAHABA AY WAX U SAXIIXAAN BAAJIYAANA IN BADII KENYA LOO SAXIIXAY U DHAQAN GASHO.

11. NIDAAM IS AFGARAD OO GUDAHA MARKII LAHELO IN QURBAJOOGTA SOOMAALI AY DALKA DIB U DHIS BALAARAN KU SAMEYSO MAAMULKAANA AY MAALGELIYAAN SI SOOMAALI UGA BAXDO DACDARIDA.

12. IN KOOXA ALSHABAAB & XIZB ISLAAM AY JOOJIYAAN HANDADAADA IYO ICLAAMINTA DAGAAL CAALAMI AH OO AYNA SOOMAALI AWOODIN KUNA EKAADAAN IN SOOMAALI YEELATO DOWLAD ISLAAM AH OON KHATAR CIDNA KU AHAYN DARISKEEDANA NABAD KULA NOOLAATO CAALAMKANA TUSTA WAJIGA WANAAGSAN EE DIINTA ISLAAMKA.

GABAGABADII: MAAMULKA JABUUTI IYO KOOXAHA ALSHABAAB IYO XIZB ISLAM HADII SIDA UGU DHAKHSO BADAN AYNA UGU DHAQAAQIN IN DHIIGA UMMADDA SOOMAALIYEED EE MACNO LA,AANTA IN LA JOOJIYO HA OGAADAAN IN GUUL MIDKOODNA U SOO HOYAN DOONIN EE AY DALKA GACANTA KA BIXINAYAAN DADKA AAN ISDIFAACI KARINA MICNO LA,AAN DHEXDOODA KU DHAMAAN.

WAXII DAMBI AH IYO DACDARO EE SOOMAALIYA KA DHACANA AAD MASUULIYADEEDA YEELANAYSAAN.

WABILAAHI TOWFIIQ: KHALIIF CABDI ALI

KHALID CALI
amaar@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | May 29, 2009

Kulaabo bogga www.SomaliTalk.com © www.SomaliTalk.com

La soo xiriir: