SOMALITALK.COM
w w w . S o m a l i T a l k . c o m
SOMALITALK - MUQDISHO

Agaasimihii Idaacadda Shabeele oo lagu dilay Suuqa Bakaaraha. 

Goordhow ayaa Suuqa Bakaaraha waxaa lagu dilay Agaasimhii Idaacadda iyo TV-ga Shabeele Mukhtaar Max’ed Hiraabe, waxaana falkaasi sidoo kale ku dhaawacmay Madixii Iidhehda ee Idaacadda Shabeele Max’ed Cumar Xaashi (Axmed Taajir). 

Dhaawaca Axmed Taajir ayaa loola cararay Isbitaalka Madiina halkaas oo ay kula tacaalayaan Dhakhaatiirta ilaa iyo haddana lama garanayo sababaha loo dilay Agaasimaha oo ay dilkiisa gaystay Kooxo hubeysan oo  aan la garanayn. 

4-tii February ayaa isna waxaa la dilay Agaasimihii Idaacadda Horn Afrika Siciid Tahliil Axmed, sanadkaan bilowgiisii ayaa isna waxaa degmada Afgooye waxaa lagu dilay Weriyihii Idaacadda Shabeele Xasan Mayow Xasan, sidoo kale waxaa isna sanadkaan la dilay C/Risaaq Warsame Max’ed (Gaadaco) oo isna ku dhintay dagaalo ka dhacay Magaalada Muqdisho, waxaa isna Magaalada Baladweyne dhaawac ahaan ugu geeriyooday Wariye Nuur Muuse Max’ed (Nuur Inji). 

Sanadihii 2007-2008 waxay u ahaayeen Saaxaafadda Soomaaliya sano madow, waxaana la dilay ilaa iyo dhowr iyo toban weriye.

Dhinaca kale waxaa la siidaayey Agaasiminhii Talefishanka Universal Ibraahim Jeekeey oo Muddo Shan cisho ah la haystey 
 

W/D Amiin Yuusuf Khasaaro
E-Mail amiinkhasaaro@hotmail.com

Dowladda Talyaaniga oo Todobaadkaan martigelineysa kullanka Kooxda Xiriirka Soomaaliya

Dowladda Talyaaniga oo inta badan ku lug leh arrimaha Soomaaliya ayaa 9-10-ka bishan kuna beegan todobaadkaan waxay martigelineysaa kullan ay isugu imaanayaan kooxda Xiriirka Soomaaliya (Contact Group), waxaana kullankaasi ka soo qaybgali doona kooxaha daneeyay arrimaha Soomaaliya oo ay ku jirto dowladda Mareykanka.

Wakiilka Talyaaniga ee Soomaaliya Stifano Dejak ayaa magaalada Nairobi waxa uu dhawaan ka sheegay in kullankaasi looga hadli doono arrimo fara badan oo la xiriira xaaladda Soomaaliya, gaar ahaan dagaalada ka soo cusboonaaday dalka Soomaaliya iyo waliba arrimaha burcad badeedda Soomaaliyeed.

Kullankaan ayaa waxaa Soomaaliya uga qaybgali doona Wasiirka Arrimaha Dibadda ee Dowladda Federaalka Max’ed C/llaahi Oomaar, warar kale ayaa waxay sheegayaan in kullankaasi uu ka qaybgali doono Ra’isul Wasaaraha Soomaaliya Cumar Cabdi Rashiid oo haatan ku sugan magaalada Niarobi, waxaana la sheegay in Dowladda Soomaaliya ay hor dhigi doono arrimo fara badan oo la xiriira xaaladda Soomaaliya, sida dagaalada iyo waliba burcad badeedda.

Kooxda Xiriirka Soomaaliya waxaa sanadkii hore lagu daray Dowladda Itoobiya, hase yeeshee dad fara badan oo Soomaaliyeed ayaa iyagu si aad ah u diidan ka mid noqoshaha Itoobiya ee kooxda Xiriirka Soomaaliya, waxayna sheegeen in dowladda Itoobiya ka mid tahay dowladaha burburka ku haya arrimaha Soomaaliya, waxayna codsiyo la xiriira arrimahaasi u gudbiyeen dad Soomaaliyeed Kooxda xiriirka iyagoo ka codsaday in si dhaqsi ah looga saaro Dowladda Itoobiya. Isku soo wada duuboo xaaladda Soomaaliya ayaa dad badani ku macneeyeen in ay ugu wacantahay dhibaatada haysata looga bixi karo iyadoo la joojiyo faragelinta shisheeye.

W/D Amiin Yuusuf Khasaaro
E-Mail amiinkhasaaro@hotmail.com

kenyaWasiirka Arrimaha Dibadda Kenya: Arrimaha Soomaaliya Gacanta kama Laaban doono
".... mana daawan doono danahayaga istaatiijiyadeed oo wiiqmaya sharci darrada ka jirta Soomaaliya awgeed...." Akhris/Video... June 7

waladWalad Cabdalla oo sheegay in uusan ka war hayn Akhbaarta ku Saabsan Qalfoofka Qaaradda Badda ee Soomaaliya u Gudbisay Qarammada Midoobay... waa akhbaartii hore loo sheegay in uu isagu bilowgeeda lahaa... Video/Akhris

 

Faafin : SomaliTalk.com |  June 7, 2009

 

Kulaabo bogga www.SomaliTalk.com © www.SomaliTalk.com

La soo xiriir: