Dadkii oo iskaga Dareeraya Daruusta Ducaad Badan! 

Ilaah baa mahad leh. Nabadgelyo iyo naxariis nabi Muxamed korkiisa ha ahaato. 

Saxaabadii nabiga (SCW) Ilaahay raalli ha ka noqdee oo soo taagan baa Taabiciyiintii iskaga dareeri jireen dhegeysiga khudbooyinka umuradii iyo waalliyaashii reer Banii Ummayah! Umuradaas waxay ahaayeen kuwa jihaad xaq ah ku jiray laakiin dhibka iyo caydii ay ku hayeen Ahlu-Beydka sida Cali Binu Abii-Daalib (RC) baa dadkii naceen. Waxaa shacabkii gaaray in salaadaha Ciidaha ay ka dareeraan markay salaadda tukadaan mana sugi jirin khudbadaha ciidaha iyagoo nacaya inay maqlaan caay la caayayo Ahlu Baytka. Ummawiyiintu waxay alifeen inay khudbooyinka ka hormariyaan salaadda Ciidaha ilaa saxaabadii qaarkood ku inkireen dabadeedna Ummuwiyiintu dhaheen: waxaad taqaanneen waa laga tagay! 

Waddankii oo Baadari Bwakira iyo Axmed Ould Cabdalla xukumaan oo Amisom joogto oo haddeer Tigreegii iyo kuwii u shaqeynayey ay joogaan Dooloow, Ceelbarde, iyo Kalabayr baad arkaysaa daaci masaajid jooga oo eedeynaya wiilasha halgamaya? Qaarkood baa iska dhigaya dhexdhexaad! Maxaa dhexdhexaad laga noqdaa? Mar kasta oo ciidan-ku-sheegga dowladdu goob qabsadaan waxaa ka khudbeeya Salaad Cali Jeelle, Maxamed-dheere, ina Shaaweeye ama Cabdi Qeybdiid! Haddii Baladweyne, Baardheere iyo Baydhabo Tigree qabsadaan, Ilaah kama dhigee, waxaa ka khudbeyn doona Xaabsade, Dabogeed, iyo Barre-hiiraale! 

Shacabkii sida Taabiciyiintii bay u dulqaadan waayeen ducaad intaas qiil u raadineysa dowladda uu soo dhisay baadari Bwakira iyo Axmed Cabdalla. Dowlad gaaladii u fasaxday inay dalka gumeystaan. Dowlad suufiyadii hubeeyey. Dowlad ay horboodayaan dagaalooge. Haddii shacabku qiil u heli lahaa in salaadda Jimcaha khudbo la’aan la tukan karo waxay sameyn lahaayeen inay masaajidda qaarkeed isku soo begaan markay khudbooyinka dhammeeyaan si ay salaadda keliya ula tukadaan! 

Siday nabiga (SCW) u dhibi jirtay wax-ka-sheegga saxaabada (RC) sidoo kalana ugu farxi jiray markii meesha laga saaro wax laga sheegi jiray sida qisadii markii nin ku dheereeyey hiddaha uu arkay Zayd Binu Xaaritha iyo wiilkiisii Usaama (RC) oo isku meel hurda oo lugahooda bannaanka uga soo baxeen waxay huwanaayeen ayaa ninkii yiri: lugaha labadaas nin waa is leeyihiin. Usaama waa madoobaa laakiin aabbihiis sidaas maaheyn. Dad badan baa shaki gashay in Zayd aabbe u yahay Usaama laakiin xitaa ninkaas baa gartay inay is dhaleen. Markuu nabigu (SCW) hadalka ninkaas maqlay inta wajigiisii shariifka ahaa nuuray buu isagoo faraxsan u galay hooyadeen Caa’isha (RC) oo u bishaareeyey. 

Ducaad badan baa shaki galisay halganka wiilashaas. Waxaan u guurgalnay waxa laga sheegayo laakiin markay qabsadeen Jubbooyinka, Shabeellooyinka, Gedo, iyo Baay iyo Bakool ayaa Ilaahay gacantooda ku keenay nabad aan horay geyigaas looga arag. Waxay ku dhawaaqeen Shareeco Islaam. Wixii ducaaddaas intaas oo sano af ku keeni waayeen ayey maalmo ku sameeyeen. Shacabkii gobolladaas ayaa qirtay in nabadda la helay aan horay loo arag. Sidaan ugu faraxnay maxaa ducaad badan ugu farxi weyday? Marna ma lihin Halgamayaashu waa Malaa’ig oo khalad ma leh laakiin waa loo jeedaa in mabda’oodu sax yahay. 

Markii saxaabada qaarkeed isku dayeen inay qiil u helaan haweeney Makhzuumiyad ahayd oo wax xadday waatay u tageen Usaama (RC) si uu nabiga (SCW) uga dhaadhiciyo inaan haweentaas gacanta la goyn laakiin nabigu (SCW) waa xaqaanay. Marka waxaad arkaysaa ducaad qiil u raadinaya dagaaloogayaal iyo gaaloraac. Qofkii qiiro ku jirto waa inuu sida nabiga (SCW) uga xanaaqaa qiilka loo raadinayo dambiilayaasha waa marka arrintu maxkamad gaarto ama qaddiyad waddan la isku hayo. Marka sidii arrintaas nabigu (SCW) u dhibsaday ayaa dadka Soomaaliyeed u dhibsadeen ducaad qiil u raadineysa niman diinta Islaamka la diriraya. WALLAAHI qofkii Ashahaado-la-dirirkaas lagu ugaaranayo qiil u raadsha waa qof khaldan. 

Ka warran maansoyaqaannada qaarkood sida Timacadde iyo Barkhad-cas (Allaha labadaba u naxariistee) baa ka dhiifoonaa kuwo ducaad sheeganaya. Barkhadcas baa oran jiray: 

• Ninkaas (Ingiriis) araggiisa uurkaan ka nacee
• Aan ooyee albaabka ii xira

 Halka aad mooddo in “madaxweynuhu” leeyahay: 

• Ninkaas (Bwakira/Ould) araggiisa uurkaan ka jeclee
• Aan aadee albaabka ii fura

 Barkhad-cas wuxuu saas leeyahay waa wafdi Ingiriis ah oo markaas heystay Waqooyiga Soomaaliya oo Waqooyi tagay xornimadii ka hor. Haddana “madaxweynihiinna” ayaa baadari Bwakira inta Xamar u dhuunto ku qaabilaya Madaxtooyada! Sidoo kale C/hi Suldaan Timocadde baa markii Xabashidu soo gashay qeybo ka mid ah Waqooyiga Soomaaliya 1964-tii lahaa: 

• Hashii gooddankeedii rag badan goodku ku casheeyey
• Hashaan gaaddo weynoow libaax uga gabboon waayey
• Inaan goroyo-cawl u tagaa waa wax soo guraye

Xabashida oo intaas oo sano dowlad ahayd baa Timo-cadde ku sheegay Goroyo-cawl halka ducaadda Soomaalida in badan oo ka mid ah dhahaan: Tigreega waxaa casuumaya Shabaabka! Waxay ka wadaan haddii Shabaabka iyo Xisbi Islaam afkooda ka daayaan jihaad oo uun dadka wacdiyaan waxaan ma dhaceen! Micnuhu waa: nabi Muxamed (SCW) xikmad ma lahayn marba haddii huwan ka badan 10 kun ay Madiina hareereeyeen dagaalkii Khandaq! Waxaad is leedahay miyeysan nimanku siirada akhrisan? Qaaciddo ay si foorarta u qaateen bay ka hadlaan – maslaxo iyo mafsado! Yaan dhiig muslim la daadin! Nin dhiiggiisii Ilaahay dartiis u daadiyey ama diyaar u ah bay saas ula hadlayaan! Meey gobolladay heystaan dhiig ku daadshaan? Dhiigga Amisom daadiso waxaa ka mas’uul ah wixii keenay iyo waxa difaacaya. Haddii qaaciddadooda la qaato waxaa soo baxaysa in wiilkii yaraa ee badbaadiyey magaaladii gaalada ahayd kaddib markay Islaameen in dhiiggooda loo heysto. Waa qisadii Asxaabul Ukhduud. Haddii sida gobollada kale Shareeco Islaam timaaddo, dhiigga shariifka ah ee shacabka ee gaaladu daadiso ama xabbad aan loo wadin ku dhacdo meel cidla’a ah kuma daadan ee Ilaahay baa shahiidnimo ku siinaya, innagana Shareeco iyo nabad nagu siinaya. 

Aan akhrinno axaadiista nabiga (SCW) oo leh: nabigaa soo baraarugay isagoo amakaagsan oo leh: Carab hoog baa u sugnaaday, isagoo ka hadlaya aakhiru zamaanka. Nin daaci sheeganaya baa dhulkii oo Tigree iyo Tigree-raac weerar ku soo yihiin inta cunto ka dhergo oo caloosha buuxsado halkii uu dadka dhiirrigelin lahaa wuxuu ku jiraa: baaq loo kala diro Ashahaado-la-dirirka iyo Ashahaado-ku-dirika! “MAA LAKUM KEYFA TAXKUMUUN”. WALLAAHI waa qof khaldan qofkii dadkaas sima. Waa in la taageero Ashahaado-ku-dirirka. Markuu nabigu (SCW) arko dad dhibaateysan oo faromaran inta wajigiisu guduuto buu dadka wacdin jiray inay wax la baxaan kaddibna wajigiisu caadi ku soo noqon jiray markay muslimiintu maqlaan oo wax la baxaan. Marka daaci baa waddankii oo Tigree soo galay raba isagoo qoslaya inuu kuu muxaadareeyo! 

Waxaan Ilaah simin ma simi karno. Ilaahay baa Mujaahidiinta ka fadilay kuwa iska fariista. Waa sunada Ilaahay qofka mujaahidkaa dadkaa iska jecel. Soo xasuusto C/hi Binu Mubaarak. Markuu yimaado Xaramka dadku inta caalimka Xarameynka ka soo tagaan bay iska agfariisan jireen Mujaahid C/hi Binu Mubaarak. Hadda Paltalk sida qol uga hadlayo daaci ka mid ah ducaadda ka khudbeysa mu’tamarrada baa waxaa soo galaya wiil gaalada iyo gaalo-raacyada la dagaalaya dabadeedna qololka Soomaalida baa inta la is gaarsiiyo waxaad maqleysaa iyagoo leh: mujaahid hebel baa qol hebla ku jira markaasaa la soo buuxinayaa ilaa qolku qaadi waayo. Marka arrintaas darteed ducaad badan baa xiqdi iyo colaad u qaadday wiilashaas halgamaya. Culumo badan baa xiqdi u qaadday Imaamu Bukhaari marka ducaaddaan waa la fahmi maraa laakiin khasab naguma ahan inaan wax weyn ka dhigno hadal ducaadda qaarkeed nooga sheegaan halganka. Ilaahay amarki dad badan oo cududaar heysta baa jihaadka ku jira iyagoon Soomaaliya joogin halka kuwa ducaad sheeganaya ay dacaayad ka dhan ah arrintaas wadaan. Marka soow adduunyo-gaddoon maaha? 

Maansoyaqaankii sida C/hi Timocadde baa jihaad ka hadlaya halka ducaaddeennu fariimmo nooga keenaan niman gaalo ah! Ama dhahaan “ WA IN DAA’IFATAANI MINAL MU’MINIINAQTATALUU!” Goormaa waxa Zenawi soo tababaray Muu’miniin noqdeen? Marka Ilaahoow yeysan farriin kale nooga keenin Boobka (Pope) Kaatoolligga xukuma! Marka geed gabbal-daye ah oo qorrax u jeeda ma kala jecla dayax maalin soo baxay. Marka dhagaha shacabku wiilashaas Shareecada wax ku xukuma bey rabaan. Marka waxaan kula talin lahaa ducaaddaas inaysan fatwo soo saarin oraneysa: wiilashaas waa Khawaarij. Haddaad dhahdaanna idinkaa ku ceeboobaya. 

F.G. Waxaa dhici karta in ducaadda qaarkood dhahaan: waxaan isku dirayaa dadka iyo culumadaan! Waxaa dhici karta inay soo qaataan aayadda ah: ARRA AYTALLADII YANHAA CABDAN IDAA SALLAA! Iyagoo leh: dadkii baan masaajiddii iyo meelihii diinta lagu baranayey ka ceyrinayaa! Laakiin arrintu saas maaha oo wiilasha halgamaya qabiil kuma raacine waxaannu ku raacnay diin iyo halgan. 

Lixdiisii Bilood ee Dambe oo Shariifku Dib u soo Celinayo Ashahaado-la-dirirkii Akhri..