Hay’adda Sharmarke Peace Foundation oo u qabatey Tababar Suxufiyiin ka
kala socotey qaybaha Warbaahinta
Waxaa Hotelka Central ee Magaalada Muqdsiho lagu soo gabagabeeyey tababar
muddo saddex maalmood ah u socday suxfuyiin ka kala soctay qaybaha kala duwan ee
warbaabhinta dalka, Muqdisho ka howlgala waxaa dhinaca dhaqaalaha bixiyay
Hay’adda National Endowment for Democracy waxaana hirgeliyay hay’adda SHARMARKE
PEACE FOUNDATION.
Sawirada halkan ka daawo
Tababarkan ayaa waxaa lagu baranayay casharro la xiriira sidii saxaafadda ay
qayb uga qaadan lahayd nabadda, iyadoo ay casharro ka bixinayeen Ustaad Shariif
Cali Maxamed, Yuusuf Cali Cismaan (Farey) iyo Shariif Macalin Max’ed.
Ustaad Shariif Cali ayaa isagu faahfaahin ka bixiyey casharo la xiriira Anshaxa
Saxaafada iyo xuquuqda saxafiga iyo saxaafadda, wuxuuna si weyn ugu dheeraaday
in dhibaato badan ay haystaan saxafiyiinta ka howlgala qaybaha kala duwan ee
warbaainta.
Casharrada ayaa waxaa ka mid ahaa Sharciga ama Xeerka Saxaafadda Somalida,
kaasoo soo maray heer kala duwan, waxaana Macallimiinta ay sheegeen in
saxaafadda Somalida caalamku uu ku eedeeyo inay hurinayso dagaallada iyo
xasillooni-darrida ka taagan Somalia.
Siminnaarka ayaa waxaa lagu soo bandhigay sharciga Saxaafadda, iyadoo Yuusuf
Cali Farey uu si guud ah mar ah ugu aqriyay saxafiyiinta tababarka ka qaybgalay
sharciga guud ee saxaafadda.
Qodobbadii ugu muhiimsanaa ee lasoo bandhigay ayaa waxaa ka mid ahaa in Xarunta
Warbaahineed laga doonayo inay yeelato sharci ama qaab shaqo oo dagsan iyo inay
heshiisyo shaqo la saxiixato wariyeyaasha u shaqeynaya.
Sidoo kale, waxaa lagu soo qaaday tababarka qaabka loo furto warbaahinta
madaxbanaan iyo shuruudaha laga doonayo Milkiilaha inuu u maro furashada xarunta
warbaahinta, si ay u noqoto mid ka dhaqangasha calaamka.
Wariyeyaashaii tababarka qaadanayay ayaa waxaa laga dalbaday inay howlahooda
saxaafadeed kor ugu qaadaan horumarinta nabadda, runta iyo weliba eex la’aan si
ay u noqdaan suxufiyiin ka sharfan dhanka shacabkooda iyo dalkooda.
Ugu dambeyn Qamar Salaad Cumar oo ku hadlaysay afka ka qaybgalayaasha tababarkan
oo ahaa 30-ruux ayaa sheegtay inay ka faa’iideysteen wax badan oo aysan horay u
ogeyn, ayna ku dhaqmi doonaan wixii maanta ka dambeeya.
Sidoo kale waxaa loo mahadceliyay hay’adda siminaarka soo qabanqaabisay iyo
macallimiintii tababarka bixinayay, iyadoo suxufiyiintu ay ballanqaadeen inay ku
dabaqi doonaan Howshooda casharradii ay qaateen saddexdii casho ee lasoo
dhaafay.
W/D Amiin Yuusuf Khasaaro
E-Mail amiinkhasaarp@hotmail.com
Faafin : SomaliTalk.com | July 21, 2009 | 
Daabaco
Boggan | Print
