WAFDIGII DOWLADA SOOMAALIYA OO LAGU SOO DHAWEEYAY HELSINKI FINLAND
Wafdiga dowlada Soomaaliya oo ka koobnaa Wasiirka Cadaalada iyo Garsoorka Sh
C\raxmaan Max,uud Faarax (janaqoow), xildhibaan ugaas Axmed Bile iyo Xildhibaan
Daahir Max,ud Geelle ayaa waxaa ay ka soo dageen garoonka diyaaradaha ee
Helsinki Vantaa Airport oo ku sugayeey qaybaha kala duwan ee bulshada
soomaaliyeed ee ku dhaqan Finland uguna soo dhaweeyay wafdiga si heer qaran ah.
Wafdigaan oo soo dagay Xalay 20.7.09 ayaa waxa eey maanta la kulmeen masuuliyiin
kala duwan dalkan finland, oo ey ka midyihiin Baarlamaanka dalka finland,
halkaas oo uu si diiran ugu soo dhaweeyay xildhibaan Pekka Haavisto oo ah
shaqsiga u qaabilsan dalkan finland iyo EU-da arimaha soomaaliya ahna nin si
wanaagsan u daneeya xaalada soomaaliya.
Wafdiga iyo Baarlamaanka dalka Finland
Wafdiga dowlada soomaaliya iyo baarlamaanka dalkanka finland ayaa kawada hadlay
arimo badan oo dhinacyo badan taabanaya iyo xaalada dalka hada uu marayo, sidoo
kale waxa eey ka wada hadleen sidii dowlada finland taageero u ugu fidin laheyd
dowlada soomaaliya.
Wafdiga iyo Baarlamaanka dalka Finland
Sidoo kale isla maanta kulan kale ayaa dhexmaray wafdiga wasiirka iyo wasaarada
arimaha dibedda ee dalkan Finland. Waxaana kulankaas lagu soo qaatay arimo badan
oo dhinacyo badan taabanaayey oo eey ka mid ahaayeen arimaha amniga dalka
soomaaliya, sidii dowlada finland eey taageero dhaqaalo ugu fidin laheyd dowlada
soomaaliya, iyo ka qeybqaadashada tababaro loo fidiyo wasaarada cadaalada
soomaaliya shaqaalaheeda dhinaca sharciyada ah. kulankaan ayaa ku dhamaaday jawi
wanaagsan iyadoo arimihii laga wada hadlay la isku af-gartay dhamaantood.
Wafdiga iyo Wasaarada arimaha dibada Finland
Gudigan oo si aad ah uga faa,iideysanayay waqtigooda yar ee ay joogaan dalkan
finland ayaa isla maanta la kulmay waxgarad iyo cuqaasha soomaaliyeed ee dagan
finland, iyaga oo uga warbixin xaalada uu dalku marayo iyo hadafka dowlada qaran
ee soomaaliya.
Kulankan oo ahaa mid horudhac ah kana dhacay xarunta ururka dhalinyarada ee
Kanava ayaa waxaa si diiran isku bartay wafdiga iyo bulsha weynta soomaaliyeed
ee ku dhaqan dalkan. Waxaana ka soo qaybgalay dad kooban oo matalaayey jaaliyada
qaybheeda kala duwan. Dadka Ka soo qaybgalay kulankaa ayaa aad ugu farxay
kulankan horudhaca ahaa ee ay la yeesheen wafdiga uu hor kacayey W.Cadaalda ee
MR: abdirahman Janaqow.
Wafdigaan soo dhaweyntiisa ayaa waxaa xil weyn iska saaray heyadaha kala duwan
ee soomaaliyeed ee ka jiran dalkan finland oo eey ugu horeysa golahamidnimada
Soomaaliyeed ee SOMALILIITTO.
Ururka iskutaga soomaaliyeed waxa uu ku wargalinayaa bulsha weynta soomaaliyeed
sidan:
Waxaa lagu wargelinayaa dadweynaha soomaaliyeed ku dhaqan Helsinki, Espoo iyo
Vantaa in ay ka soo qaybgalaan kulanka jaaliyada iyo wafdiga oo dhicidoona
talaadada 21.7.2009 saacadu markay tahay 17.15.
Goobtuna waa Marina Congres Center, Fennia 1 2.dabaqa labaad.
Osoite Katajanokanlaituri 6, 00160 Helsinki.
Ka soo qaybgal wacan.
Wixii faahfaahin ah waxaad kala xariiri kartaa:
Guddoomiyaha golahamidnimada Soomaaliyeed ama Somaliliitto Said K. Aden
0443449175 ama Xildhibaan Abdulkadir Deicisow. Tel. 0443633321
Warbixinta wafdiga oo tafatirin gadaal ayaan ka soo sheegi doonaa.
Waxaa soo diyaariyay
talaado@hotmail.com
Wariye Mustafa Indhoos
Faafin : SomaliTalk.com | July 21, 2009 | 
Daabaco
Boggan | Print
